ميگراتسيا جونىندەگى حالىقارالىق ۇيىم 19 ماۋسىمدا تاجىكستاننىڭ 635 ازاماتى 14 اۆتوبۋسپەن قازاق-وزبەك شەكاراسىنداعى "جىبەك جولى" وتكىزۋ بەكەتى ارقىلى ەلىنە قايتقانىن حابارلادى.
ۇيىم مالىمەتىنشە، ولاردىڭ دەنى ەڭبەك ميگرانتتارى مەن ستۋدەنتتەر جانە ايەلدەر مەن بالالار.
ولاردىڭ ۇيىنە قايتۋىنا قارجىنى اقش پەن نورۆەگيا جانە يۋنيسەف بولگەن.
ۇيىنە قايتقان تاجىك ازاماتتارىنىڭ 25 پروتسەنتى 15 پەن 24 جاس ارالىعىنداعى جاستار. ولاردىڭ جۇزگە جۋىعى قازاقستاننىڭ جوعارى وقۋ ورىندارىندا ءبىلىم الادى.
جۇزدەگەن تاجىك ازاماتتارى بىرنەشە اپتا بويى قازاق-وزبەك شەكاراسىنان وتە الماي، سول ماڭدا تۇرىپ كەلگەن.
Abai.kz
