2020 جىلعى 1 شىلدەدە «قازاقستان رەسپۋبليكاسى تۇڭعىش پرەزيدەنتىنىڭ تاۋەلسىز قازاقستاننىڭ كونستيتۋتسيالىق قۇرىلىسىنداعى ءرولى: ەلباسى تاجىريبەسى» اتتى كىتاپتىڭ ونلاين-تانىستىرىلىمى بولدى.  

ونى كونستيتۋتسيالىق كەڭەس جانە نۇرسۇلتان نازارباەۆ قورى ۇيىمداستىردى.

كىتاپ رەسپۋبليكا تۇڭعىش پرەزيدەنتىنىڭ مەرەيتويىنا  وراي دايىندالدى جانە قازاقستان رەسپۋبليكاسى كونستيتۋتسياسىنىڭ 25 جىلدىعىن وتكىزۋ جونىندەگى ۇلتتىق ءىس-شارالار جوسپارىن جۇزەگە اسىرۋ اياسىندا شىعارىلدى. ول تۇڭعىش پرەزيدەنتتىڭ نەگىزگى زاڭدى دايىنداۋ مەن ىسكە اسىرۋداعى، ەلىمىزدىڭ قازىرگى ساياسي-قۇقىقتىق جۇيەسىن قۇرۋداعى باستى ءرولى تۋرالى باياندايدى.

تانىستىرىلىمدى اشا وتىرىپ، كونستيتۋتسيالىق كەڭەستىڭ توراعاسى ق. ءمامي 1995 جىلى جاڭا كونستيتۋتسيانى ازىرلەۋ تۋرالى شەشىم قابىلداۋ رەسپۋبليكانىڭ تۇڭعىش پرەزيدەنتىنىڭ باتىل قادامدارىنىڭ ءبىرى بولعانىن اتاپ ءوتتى. كەيىننەن 30 تامىزدا وتكەن رەفەرەندۋمدا كونستيتۋتسيانىڭ ماقۇلدانۋى وعان جوعارى لەگيتيمدىلىك بەردى. ەلباسى ستراتەگياسى جانە قازاقستان حالقىنىڭ ەرىك-جىگەرى ۇندەستىك تاپتى. وسى وتكەن شيرەك عاسىر قازاقستان رەسپۋبليكاسى كونستيتۋتسياسىنىڭ تيىمدىلىگى مەن پروگرەسسيۆتىلىگىن كورسەتتى. تاۋەلسىز قازاقستاننىڭ بارلىق تابىستارى ەلىمىزدىڭ ازاماتتارىنىڭ سۇرانىستارىنا جاۋاپ بەرەتىن اتا زاڭنىڭ  جوعارى ساپاسىنا، وندا جاريالانعان قۇندىلىقتاردىڭ مىزعىماستىعىنا بايلانىستى، دەپ اتاپ ءوتتى سپيكەر.

باعدارلاماعا سايكەس اۆتورلىق ۇجىمنىڭ وكىلدەرى - نۇرسۇلتان نازارباەۆ قورى اتقارۋشى ديرەكتورىنىڭ ورىنباسارى ي. روگوۆ، كونستيتۋتسيالىق كەڭەستىڭ مۇشەسى ۆ. مالينوۆسكي جانە كازگيۋ قۇقىقتىق ساياسات جانە كونستيتۋتسيالىق زاڭناما عزي ديرەكتورى س. ۋدارتسەۆ ءسوز سويلەدى.

ءوز سوزىندە ي.روگوۆ ەلىمىزدەگى كونستيتۋتسيالىق قۇرىلىستىڭ جاڭاشا تاريحى قازىرگى قازاقستاننىڭ جانە ونىڭ ساياسي-قۇقىقتىق جۇيەسىنىڭ نەگىزىن قالاۋشىسى نۇرسۇلتان نازارباەۆتىڭ اتىمەن تىعىز بايلانىستى. شەتەلدىك تاجىريبەنى جانە وزىق قۇقىقتىق تەحنولوگيالاردى پايدالانا وتىرىپ، وتاندىق زاڭگەرلەردىڭ جەتىستىكتەرىنە سۇيەنە وتىرىپ، ەلباسى، ءبىر جاعىنان، حالىقارالىق ستاندارتتارعا جاۋاپ بەرەتىن، ال ەكىنشى جاعىنان، ەگەمەندى، ءتيىمدى جۇمىس جاسايتىن ناعىز قازاقستاندىق قۇقىقتىق جۇيەنى قۇردى، دەدى.

كىتاپقا حالىقارالىق ساراپشى، گرۋزيانىڭ كونستيتۋتسيالىق سوتىنىڭ بۇرىنعى توراعاسى، ادىلەت ءمينيسترى گەورگي پاپۋاشۆيلي جوعارى باعا بەردى.

تانىستىرىلىمعا قاتىسۋشىلار رەسپۋبليكانىڭ تۇڭعىش پرەزيدەنتىنىڭ قىزمەتى قازاقستاندىق كونستيتۋتسيوناليزمنىڭ بارلىق قۇرامداس ينستيتۋتتارىندا ەرەكشە ماڭىزعا يە دەگەن ورتاق پىكىرگە كەلدى. ەلباسى ستراتەگياسى قازاقستاندى دەموكراتيالىق جانە قۇقىقتىق مەملەكەت رەتىندە بەكىتۋگە باعىتتالعان.

تانىستىرىلىمعا كونستيتۋتسيالىق كەڭەستىڭ قۇرامى، قازاقستاننىڭ مەملەكەتتىك قۇرىلىمدارىنىڭ باسشىلارى، سونداي-اق بەلگىلى وتاندىق جانە شەتەلدىك قوعام قايراتكەرلەرى مەن عالىمدار قاتىستى.

كىتاپ ەلىمىزدىڭ كىتاپحانالارىندا، سونداي-اق كونستيتۋتسيالىق كەڭەس پەن نۇرسۇلتان نازارباەۆ قورىنىڭ سايتتارىندا قولجەتىمدى بولادى.

Abai.kz