گرۋزيادان قازاقستانعا وكپەنى جاساندى جەلدەتۋگە ارنالعان 10 اپپارات جەتكىزىلدى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

- بۇگىن تبيليسيدەن الماتىعا «گرۋزيانىڭ يندۋستريالىق توبى» ديرەكتورلار كەڭەسىنىڭ توراعاسى داۆيد بەجۋاشۆيليدىڭ اتىنان نۇر-سۇلتان مەديتسينالىق مەكەمەلەرى اراسىندا تاراتىلاتىن وكپەنى جاساندى جەلدەتۋ اپپاراتتارىنىڭ 10 جيىنتىعىن قامتيتىن گۋمانيتارلىق جۇك جەتكىزىلدى.

قازاقستان ءسىم دوستاس گرۋزيا حالقىنا، «گرۋزيا يندۋستريالىق توبىنىڭ» باسشىسى داۆيد بەجۋاشۆيليگە كوروناۆيرۋس پاندەمياسىمەن كۇرەستە كورسەتكەن قولداۋى ءۇشىن العىسىن بىلدىرەدى، - دەپ جازدى ءسىم-ءنىڭ رەسمي سايتى.

Abai.kz