تۋعان كۇنىڭ قۇتتى بولسىن، نۇراعا!
سەندەي تۇلعا تۋمايدى ما، تۋا ما؟
80 جاسقا بارامىن دەپ ءجۇر ەدىم،
بارا المادىم!
كارانتيندى كىنالا!

ءبىر اۋىرىپ تۇرىپسىڭ عوي،
اۋىرما!
دەنساۋلىقتى ۇستاۋ كەرەك بابىندا.
اۋىرعانىڭ دۇرىس بولدى، ەرتەرەك،
اسپيرين پەن پاراتسەتامول بارىندا.

سۇلتان - قالا قالاي نۇرمەن جۋىنعان؟
شەنەۋنىك كوپ دەيدى دەرتتەن جىعىلعان.
بيلىك قالاي اۋىرىپ ءجۇر ۆيرۋسپەن،
ماسكا كيىپ جۇرگەن جوق پا بۇرىننان؟

ەسكەرتكىشىڭ قۇتتى بولسىن!
الىپ پا؟
قۇنى قانشا؟ ميللياردقا بارىپ پا؟
سول اقشاعا ءدارى - دارمەك بەرسەڭ عوي،
ءبىر ەسكەرتكىش قويار ەدى حالىق تا.

ال، اۋىلدا...
كۇرك - كۇرك جوتەل ءار ۇيدە.
اۋىرۋدا كارى، جاس تا، ءسابي دە.
جاعىمپازدار شۋلاعاسىن جانىڭدا،
سىزگە ەشتەڭە ەستىلمەيدى، ارينە.

اۋىل جاقتا اۋىرىپ ءجۇر جۇرەگىم!
ناۋقاستاردىڭ جاسايدى ەكەن كىم ەمىن؟
اۋرۋحانا، ەمحانادا ورىن جوق،
قارا جەردەن تابىلار - اۋ ءبىر ورىن.

نۇر - سۇلتان جاق كارانتينمەن اراز، ءا؟
مۇنداي كۇنى شىرقالاتىن ءان - ازا.
ەلوردادا بۇگىن ايقاي تۋعان كۇن،
ءبىزدىڭ جاقتا جانازا دا جانازا!

باۋىرجان شيرمەدينۇلى،

باتىس قازاقستان وبلىسى، سىرىم اۋدانى.

Abai.kz