سوڭعى ءتورت - بەس كۇننىڭ ىشىندە ءوزىم تانيتىن قانشاما تانىس كىسىلەر دۇنيە سالدى. اللا يماندارىن جولداس ەتسىن. سولاردىڭ مەزگىلسىز قازالارىنا ءوزىمدى دە كىنالى سانايتىندايمىن. جۇرەگىڭ اۋىرادى. مۇمكىندىگىم كەلگەنشە دارىگە كارجى تاپپاي قينالعان تانىس اعايىندارعا كومەكتەسۋگە تىرىستىق. بىراق بۇل تىعىرىقتان شىعۋدىڭ جولى ەمەس ەكەنىن بىلەمىن.

سك فورماتسيا نە ىستەپ جاتىر؟ سوڭعى ايلاردا كورونوۆيرۋسقا قارسى رەسپۋبليكالىق بيۋدجەتتەن بولىنگەن 24 ملد. تەنگە نەگە جۇمسالدى؟ ەلدە ءدارى تاپشىلىعى نەگە ورىن الدى؟ بار دارىلەردىڭ باعاسى نەگە قىمبات؟

ءوز كوزىممەن كورگەنىم قاراپايىم ازاماتتارىمىزدىڭ كوپشىلىگى كەرەكتى ءدارى-دارمەك الۋعا مۇمكىندىگى جوق ەكەندىگى. سوندىقتان دا ۇكىمەت فارماتسەۆتيكا سالاسىنا قاتاڭ ءتارتىپ ورناتۋدى تەز قولعا الۋى كەرەك. مۇنى پرەزيدەنتىمىز دە ايتتى. ءاربىر وڭىردە ارنايى كۇندىز ءتۇنى جۇمىس جاسايتىن شتاب قۇرىلىپ، ونىڭ جۇمىسىنا وبلىس اكىمدەرى تىكەلەي باسشىلىق جاساۋى قاجەت. اكىمدەردىڭ قۇرعاق تسيفرلارعا قۇرىلعان ۇندەۋلەرى مەن پرەس-كونفەرەنتسيالارىنان پايدا جوق. ناقتى ىسكە كوشۋ كەرەك.

كوپتەگەن جوبالاردى، اسىرەسە جولدارعا بولىنگەن 700 ملرد تەڭگەگە جۋىق اقشانى حالىقتىڭ دەنساۋلىعىنا قاراي بۇرعان دۇرىس. جولداردان گورى ۇلت دەنساۋلىعى ماڭىزدى. تۇرمىسى تومەن وتباسىلارى ءۇشىن ىندەتتى جەڭگەنشە دارىلەر تەگىن بەرىلۋى ءتيىس. ۇلت دەنساۋلىعى اتقارۋشى ورىنداردىڭ ساۋاتتى، دەر كەزىندە قولعا العان ءىس- شارالارىنا تىكەلەي بايلانىستى بولاتىنى ءسوزسىز. ءبىز ءبىر ەلمىز، ءبىر ۇلتپىز. سوندىقتان دا وسى ءبىر قيىنشىلىقتان ۇلتىمىزدىڭ امان وتەتىنىنە بىرلەسىپ اتسالىسايىق.

مۇرات باقتيارۇلىنىڭ الەۋمەتتىك جەلىدەگى جازباسى

Abai.kz