2020 جىلدىڭ 13 شىلدە جالپىۇلتتىق ازا تۇتۋ كۇنى نۇر-سۇلتان ۋاقىتى بويىنشا ساعات 12:00-دە كوروناۆيرۋس ىندەتىنەن قايتىس بولعان ازاماتتاردى ەسكە الۋ ءۇشىن ءبىر مينۋتتىق ۇنسىزدىك جاريالانادى. بۇل تۋرالى قر اقپارات جانە قوعامدىق دامۋ مينيسترلىگى مالىمدەدى.

«جالپىۇلتتىق ازالى ۇنسىزدىك» شاراسىن «Qazaqstan» ۇلتتىق ارناسى 11:55-تەن باستاپ تىكەلەي ەفيردە كورسەتەدى.

ازا تۇتۋ كۇنىندە "حابار اگەنتتىگى" اق مەن «قازاقستان» تەلەراديوكورپوراتسياسىنا قاراستى تەلە، - راديوارنالار ەفير كەستەسىن تولىقتاي وزگەرتەدى.

بارلىق ويىن-ساۋىقتىق باعدارلامالار الىنىپ، جارنامالىق كونتەنت تولىعىمەن توقتاتىلادى. بۇرىنعى كەستەدەن تەك اقپاراتتىق باعدارلامالار عانا ەفيرگە شىعادى.

Abai.kz