ساۋداگەرلەرگە تىيىم سالسا، ولار قايتىپ ءومىر سۇرمەك؟
كەشە قاپشاعاي تاس جولىمەن كەلە جاتىپ، قاربىز، قاۋىن ساتىپ الدىم. ساۋدا جاساپ تۇرىپ، ساۋداگەرلەرمەن اڭگىمەلەستىم. ءبارىنىڭ ايتارى ءبىر: اكىمشىلىك قۋدالاپ، ساۋدا جاساتپايدى ەكەن.
وسىعان قاتىستى اكىمشىلىككە قويار بىرنەشە ساۋالىم بار: نەگە قاراپايىم حالىققا جارتىجىلدىق ەڭبەگىنىڭ ناتيجەسىن ساتۋعا تىيىم سالاسىزدار؟
ولار ساۋداسىن تازا اۋادا، كۇننىڭ استىندا جاسايدى عوي. كۇن كورىس كوزىنە تىيىم سالساڭىز، ولار قايتىپ ءومىر سۇرمەك؟ ولاردىڭ شىعىنىنىڭ ورنىن تولتىرۋعا دايىنسىزدار ما؟ ولاردىڭ وتباسىلارىن اسىراۋعا دايىنسىزدار ما؟ ولار اۋىرىپ قالاتىن بولسا، ءبارىبىر، ءدارى-دارمەك، مەديتسينالىق كۇتىممەن قامتاماسىز ەتە المايسىز عوي. سوندىقتان، ولارعا، ەڭ بولماسا، ءوز كۇنىن وزدەرى كورۋگە مۇمكىندىك بەرىڭىز. ول جەردە توپىرلاعان ادام جوق. بارلىعى اراقاشىقتىق ساقتاپ تۇر. ءبىر-بىرىنە تاقالىپ تۇرعان ادام جوق. بۇل ءدارى جەتىسپەي جاتقان ءدارىحانالار كەزەگى ەمەس.
مەنىڭ پوستىم اۋىل ەڭبەكشىلەرىنە از دا بولسا قولداۋ بولسا ەكەن. ولار ءوز نانىن وزدەرى تاۋىپ جۇرگەن جاندار.
P.S.’’ مەن اكىمشىلىككە ورىنسىز جالا جاۋىپ وتىرعان جوقپىن. ءيا، ارينە، قاربىزدارىنىڭ قۇرامى پەستيتسيدتەرگە تولى جاۋاپسىز فەرمەرلەر دە كوپ. بىراق، ولاردى قاربىز-قاۋىننىڭ ساپاسى ءۇشىن ەمەس، كارانتينگە بايلانىستى قۋدالاپ وتىرعاندارىن ەستىدىم.
ال ەڭ دۇرىسى - الماتى وبلىسى اكىمشىلىگى جەرگىلىكتى اگروونىمدى ەشقانداي كوميسسياسىز جانە ءارتۇرلى رەترو بونۋستارسىز ساتۋى تۋرالى ماگنۋممەن كەلىسۋى كەرەك.
مارعۇلان سەيسەمبايدىڭ جازباسى
Abai.kz
