الماتىدا ماسكاسىز جۇرگەن تۇرعىندارعا 83 مىڭ تەڭگە كولەمىندە ايىپپۇل سالىندى. تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ مونيتورينگ توبى رەيد جۇرگىزىپ جاتىر.

رەيدتەر 5 شىلدەدە تاماقتانۋ ورىندارىندا، بازارلاردا، قوعامدىق ورىنداردا جانە قوعامدىق كولىكتەردە باستالعان. وسى ۋاقىتتان باستاپ دەپارتامەنت ماماندارى ماسكا رەجيمىن بۇزعانى ءۇشىن 165 ادامدى اكىمشىلىك جاۋاپقا تارتقان. ارقايسىنا اكىمشىلىك قۇقىق بۇزۋشىلىق تۋرالى كودەكستىڭ 425-بابى 1-بولىگىن بۇزعانى ءۇشىن حاتتامالار تولتىرىلعان. بۇل باپتا 30 اەك - 83 340 تەڭگە كولەمىندە ايىپپۇل قاراستىرىلعان. قالالىق اۆتوبۋستاردا دا رەيدتەر جۇرگىزىلگەن.

«شىلدەنىڭ 5-ءى مەن 14-ءى ارالىعىندا مونيتورينگ توبى اۋەزوۆ جانە الاتاۋ اۋداندارىنداعى قوعامدىق كولىكتى تەكسەردى، قوعامدىق كولىكتەردە ماسكا رەجيمىن بۇزعانى ءۇشىن 4 جولاۋشى 425-باپتىڭ 1-بولىمىنە سايكەس جاۋاپقا تارتىلدى، № 102, 115, 48 مارشرۋتتارىندا جولاۋشىلارعا ءتۇسىندىرۋ جۇمىستارى جۇرگىزىلدى», - دەدى الماتى قالاسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ءباسپاسوز قىزمەتى.

Abai.kz