وسىدان 15-20 جىل بۇرىن تەلەۆيزوردان افريكانى ءجيى كورسەتەتىن. كۇنىنە 2-3 مارتە گۋمانيتارلىق كومەك باراتىن. سوندا بۇل ءبىزدىڭ تەلەۆيزيانىڭ ساياساتى عوي: مىناعان قاراڭىزدار، كەيبىر كەدەي ەلدەر كادىمگىدەي قينالىپ ءومىر ءسۇرىپ جاتىر، قازاقستانعا قاراعاندا جاعدايلارى ءجۇز ەسە ناشار.

سوندا ويلايتىنمىن: اتا-بابالارىمىز امانات قىلىپ تاپسىرىپ كەتكەن كەڭ-بايتاق جەرىمىز بار، تابيعات رەسۋرستارىنا دا بايمىز، شۇكىر، مۇناي مەن گازىمىز جەردىڭ استىنان بۇرق ەتىپ سىرتقا ءوزى شىعىپ جاتىر، الەمدە ەڭ سيرەك كەزدەسەتىن قىمبات مەتالل دا جەتكىلىكتى، كورشىلەرىمىز دامىپ بارا جاتقان كىتاي مەن رەسەي، ادامي پوتەنتسيالىمىز دا زور، بار-جوعى 15-اق ميلليون قازاقپىز. قايىرشى افريكالىق دەڭگەيگە ەشقاشان تۇسپەيمىز-اۋ، مۇقتاج ەل بولىپ ەشكىمنەن گۋمانيتارلىق كومەك سۇرامايمىز-اۋ دەگەن ويمەن جۇرگەن پەندەمىن.

شىڭعىس باۋىرجانۇلىنىڭ جازباسى

Abai.kz