بۇل تۋرالى رەسەيدىڭ حۋدجاندتاعى باس كونسۋلدىعى حابارلادى.

رەسەي تولقۇجاتى بار 700-گە جۋىق ازامات (ولاردىڭ دەنى قوس ازاماتتىققا - تاجىكستان جانە رەسەي تولقۇجاتىنا يە) ماۋسىم ايىنىڭ ورتاسىندا تاجىك-وزبەك شەكاراسىنا كەلگەن، بىراق ولاردى شەكارادان وتكىزبەدى. تاجىكستاننىڭ سىرتقى ىستەر مينيسترلىگىنىڭ حابارلاۋىنشا، رەسەي، وزبەكستان جانە قازاقستان بيلىگى بۇل ازاماتتاردىڭ ەلگە جەتۋ شارتتارىنا كەلىسكەن.

باس كونسۋلدىقدىڭ مالىمەتى بويىنشا، ءبىر عانا جەڭىل اۆتوكولىك قازاقستان اۋماعى ارقىلى ءوتۋ ءۇشىن 1500 دوللار تولەيدى: جەڭىل اۆتوكولىكتەردى جۇك كولىكتەرىمەن تاسيدى، ال جۇرگىزۋشىلەر مەن جولاۋشىلار اۆتوبۋسپەن بارادى. وزبەكستان اۋماعى ارقىلى جەكە اۆتوكولىكپەن جۇرۋگە رۇقسات - پوليتسيا ولاردى الىپ ءجۇرۋ ءۇشىن ءاربىر كولىككە 40 دوللار الادى.

ديپلوماتتار ءترانزيتتىڭ وسى ءتۇرىن تاڭداعاندار ارنايى قاعاز تولتىرۋىن سۇرادى. ءترانزيتتىڭ مۇنداي ءتۇرى رەسەي ازاماتتارى مەن ولاردىڭ رەسەي ءنومىرى بار اۆتوكولىكتەرىنە عانا ارنالعان.

بۇنىڭ الدىندا رەسەي تاجىكستانداعى ازاماتتارىن الىپ كەتۋ ءۇشىن بىرنەشە رەيس ۇيىمداستىرعان. سول كەزدە قۇنى 400 ەۆرو تۇراتىن اۋە بيلەتىنە اقشاسى جوق ەڭبەك ميگرانتتارى رەسەيگە ورالا الماعان. ونىڭ ۇستىنە ولار رەسەيگە ءوز اۆتوكولىكتەرىمەن بارۋى كەرەك ەدى.

ماۋسىم ايىنىڭ باسىندا رەسەيدەن قايتقان تاجىكستان، قىرعىزستان جانە وزبەكستان ازاماتتارى وسىنداي قيىنشىلىققا تاپ بولدى. شەكارادا جۇزدەگەن ادام جينالىپ قالدى.

Abai.kz