جاقسى ءسوز - جارىم ىرىس. قۋانىپ جاتىرمىز.

بىراق بۇل ءپوزيتيۆتى پروتسەنتتەر قايدان الىنعان دەيسىز بە؟

لابوراتوريادا كۇنىنە 800-دەن 1 مىڭعا دەيىن تەست زەرتتەلەدى ەكەن. مۇنداي قورىتىندىعا سول ادامداردىڭ اراسىنداعى وڭ تەندەنتسيا نەگىز بولىپ وتىر ەكەن.

استانادا ءبىر ميلليون تۇرعىن بار دەسەك، 1 مىڭ ادام ونىڭ 0,1 پروتسەنتى عانا ەمەس پە؟

ءجا، دەلىك.

قالادا وسىنداي 5 لابوراتوريا بار ەكەن. ولار كۇنىنە 5 مىڭ تەست جاسايدى ەكەن. سوندا ءبىر استانانى تولىق زەرتتەپ شىعۋ ءۇشىن كەم دەگەندە 200 كۇن كەرەك قوي؟!

ءجا، استانا جانە باسقا مەگاپوليستەردە ءتيىستى قۇرال-جابدىق، كادرلار تابىلا جاتار.

اۋىل شە؟!!

جانە دە ءار تەستكە 15 مىڭ تەڭگە تولەي الاتىن اعايىن بار ما ول جاقتا؟!

ەڭ باستىسى - بارشا قازاقستاندىقتار تەستتەن وتپەي رەسپۋبليكالىق دەڭگەيدە جالپىلاما قورىتىندى شىعارۋ دۇرىس پا ءوزى؟

PS. ارينە، ىندەت ازايىپ جاتسا، بارشامىز قۋانۋىمىز كەرەك! بىراق وسىنداي اسىعىس قورىتىندىلاردىڭ باق-تا جاريالانۋىن ءوز باسىم بۇگىنگى كۇنمەن بايلانىستىرامىن. ويتكەنى ءدال بۇگىن، ياعني 24 شىلدە كۇنى، پرەزيدەنت توقاەۆتىڭ ۇكىمەتكە بەرگەن ەكى اپتا سىناق مەرزىمى اياقتالاتىن كۇن.

وسىنداي وڭ حابارلامالار ۇكىمەتتىڭ پرەزيدەنت الدىندا بەرگەن كەشەگى "مىقتى" ەسەبىنە پيار-قوسىمشا دەپ ساناۋىمىز كەرەك سياقتى...