بۋراباي كارانتينگە جابىلدى. تۋريستىك ايماقتىڭ كىرەبەرىسىنە بلوك-بەكەتتەر ورناتىلىپ، كولىك قوزعالىسىنا شەكتەۋ قويىلدى. بۇل تۋرلى «حابار 24» مالىمدەدى. 

كول جاعاسىن پاترۋلدىك پوليتسيا قىزمەتكەرلەرى باقىلاپ ءجۇر. ال، بۋرابايعا كارانتينگە دەيىن كەلگەن ازاماتتار ءۇشىن ارنايى حابارلاندىرۋلار ىلىنگەن. بىراق شەكتەۋ شارالارى دەمالۋشىلاردىڭ كوڭىلىنەن شىقپاعان سىڭايلى.

جازدا وتىراتىن ورىن بولمايتىن سۋ جاعاسىندا قازىر شاعالالاردان باسقا ءتىرى جان جوق. اينالانىڭ بارلىعى الا جىپپەن قورشالعان. شومىلۋعا تىيىم سالىنعاندىقتان، جەرگىلىكتى تۇرعىندار ۆەلوسيپەد تەۋىپ، سەرۋەندەۋدى ەرمەك قىلىپ ءجۇر. كارانتيننەن كەيىن وزگەرگەن تاعى ءبىر كورىنىس، كول جيەگى قوقىستان تازارعان. جاعالاۋعا تەمىر جاشىكتەر دە قويىلىپتى

Abai.kz