ىندەت ەل ىشىنە تاراپ، اقوردا مەن ۇكىمەت تاراپىنان ءتيىستى شارالار قابىلدانعان العاشقى كۇننەن باستاپ مەملەكەت باسشىسى ەل ازاماتتارىنا، قوعامدىق ۇيىمدارعا قايرىلا سويلەپ، جارتى الەمگە تاراعان بۇل كەسەلدى بىرلەسىپ جەڭۋگە ۇندەگەنى بەلگىلى.

پرەزيدەنتتىڭ ۇندەۋىنە العاشقىلاردىڭ ءبىرى بولىپ قولداۋ بىلدىرگەن – «نۇر وتان» پارتياسى بولدى. ال ناۋرىز ايىندا مەملەكەت باسشىسى قاسىم-جومارت توقاەۆ پارمەن بەرىپ، ەلدە توتەنشە جاعداي جاريالانعاندا «نۇر وتان» پارتياسى تج كەزىندە تۇراقتى تابىسىنان ايىرىلعان ازاماتتارعا قارجىلاي جانە ازىق-تۇلىك جاعىنان كومەك ۇسىندى. باس پارتيانىڭ بۇل كومەگىن ۇزىن-ىرعاسى 1,5 ميلليونعا جۋىق قازاقستاندىق العان. «نۇر وتاندىقتار» مەن ەرىكتىلەر جاساعى كوروناۆيرۋس ىندەتىمەن كۇرەستىڭ الدىڭعى شەبىندە جۇرگەن دارىگەرلەر مەن مەديتسينا قىزمەتكەرلەرىنە دە قارجىلىق كومەك بەرىپ، ولاردىڭ وتباسىلارىنا تەگىن ازىق-تۇلىك قوراپتارىن جەتكىزگەنىن وسىعان دەيىن جازدىق.

مىنە، ىندەت ءورشىپ، ەل دە، ەل باسقارعان ازاماتتار دا ابىر-سابىرعا تۇسكەلى 5 ايعا جۋىقتادى. «نۇر وتان» مۇشەلەرى مەن ەرىكتىلەر توبىنىڭ قايىرىمدىلىق اكتسياسى ءالى دە جالعاسىپ جاتىر ەكەن. پارتيا بەلسەندىلەرى مەن ەرىكتىلەر توبى ەلىمىزدىڭ ءوڭىر-وڭىرلەرىندە مەديتسينا قىزمەتكەرلەرىنە ماتەريالدىق جانە مورالدىق كومەك كورسەتۋدى جالعاستىرۋدا. ەندى سول اكتسيالار تۋرالى رەت-رەتىمەن ايتايىق...

اقمولا وبلىسى

اقمولا وبلىسىنى «نۇر وتان» پارتياسىنىڭ وكىلى، كوكشەتاۋ قالالىق ءماسليحاتىنىڭ دەپۋتاتى، «كوكشەتاۋمينسۋلارى» اق ديرەكتورى ستانيسلاۆ ماكسيمەتس كارانتين جاريالعالى بەرى الماتى، نۇر-سۇلتان جانە كوكشەتاۋ قالالارىنداعى اۋرۋحانالاردى تەگىن اۋىز سۋمەن قامتاماسىز ەتكەن. اتالعان كاسىپورىن ەلوردا اۋرۋحانالارىنا 25 تونناعا جۋىق سۋ جىبەرگەن.

ال  اقمولا وبلىسىنىڭ تاعى ءبىر بەلسەندىسى، كاسىپكەر ءۋاليحان ءارىپوۆ ءوز قاراجاتىنان 700 مىڭ تەڭگەگە قاجەتتى ءدارى-دارمەك پەن مەديتسينالىق زاتتار ساتىپ الىپ، وبلىستاعى زارەچنىي امبۋلاتورياسىنىڭ مەدقىزمەتكەرلەرىنە بەرگەن.

پاۆلودار وبلىسى

پاۆلودار وبلىستىق «نۇر وتان» پارتياسىنىڭ بەلسەندى وكىلدەرى جالپى سوماسى 20 ميلليون تەڭگەدەن اساتىن قاراجاتقا  ءدارى-دارمەكتەر مەن مەديتسينالىق زاتتار الىپ، وڭىردەگى مەديتسينالىق مەكەمەلەرگە تابىستاعان.

اتاپ ايتقاندا، پاۆلودارداعى №3 قالالىق اۋرۋحاناسىنىڭ بازاسىنداعى پروۆيزورلىق جاتاقجايعا 5 نەبۋلايزەر، 3 اربا، 10 كۋشەتكا، ءوجج اپپاراتتارى مەن باسقا دا قاجەتتى زاتتار بار.

ال پاۆلودار وبلىسىنداعى «نۇر وتان» پارتياسىنىڭ كدرلىق رەزەرۆىنىڭ مۇشەسى نۇرلان احمەتبەكوۆ پروۆيزورلىق گوسپيتال مەدقىزمەتكەرلەرىن تەگىن تاماقپەن قامتاماسىز ەتكەن. اتالعان گوسپيتالدا كۇنى بۇگىندە 70 دارىگەر جۇمىس جاساۋدا.

شقو

شىعىس قازاقستان وبلىسىنداعى انا مەن بالا ورتالىعىندا كوروناۆيرۋس ينفەكتسياسى انىقتالعان ناۋقاستاردى ەمدەۋگە ارنالعان ستاتسيونار جۇمىس جاساپ جاتىر ەكەن. «جاس وتان» ەرىكتىلەرى ونداعى دارىگەرلەر مەن مەدقىزمەتكەرلەرگە ارنايى ازىرلەنگەن «العىس پاكەتتەرىن» تابىستاعان. ولاردىڭ جارپى سانى 250-ءدى قۇرايدى. ەرىكتىلەر الداعى ۋاقىتتا تاعى وسىنداي 300 «العىس پاكەتتەرىنىڭ» تاراتۋدى جوسپارلاپ وتىرعان كوررىنەدى.

ەستەرىڭىزگە سالا كەتەيىك، كوروناۆيرۋس ىندەتى العاش انىقتالىپ، مەملەكەت باسشىسى قاسىم-جومارت توقاەۆتىڭ تاپسىرماسىمەن ەلدە توتەنشە جاعداي جاريالانعان ناۋرىز ايىندا «نۇر وتان» پارتياسى مەن تۇڭعىش پرەزيدەنت قورى باستاماشى بولىپ، «ءبىز بىزگەمىز» قايىرىمدىلىق قورى قۇرىلعان بولاتىن. تج كەزىندە تۇرمىسى تارىلعان 1,5 ميلليوننان استام قازاقستاندىققا 50 مىڭ تەڭگەلىك الەۋمەتتىك جاردەمپۇل ۇلەستىرىلگەن. سونداي-اق، ءبىرىنشى قاجەتتىلىككە ارنالعان ازىق-تۇگىك قوراپتارى ۇيىمداستىرىلىپ، ۇزىن-سانى 1 ميلليونانن استام وتباسىنا تاراتىلعان. وتكەندە پارتيا توراعاسىنىڭ ءبىرىنشى ورىنباسارى باۋىرجان بايبەك مىرزا اتالعان جاردەمپۇلدىڭ ءتورتىنشى كەزەڭى جالعاساتىنىن، پارتيا كومەگىن 80 مىڭنان تاستام وتباسى الاتىنىن رەسمي مالىمدەگەن.

Abai.kz