بۇل تۋرالى ۋكراينا كۇشتەرىنىڭ ءباسپاسوز قىزمەتى حابارلادى.
وق اتۋدى دوعارى تالابى 27 شىلدەدە تۇنگى ساعات 12-دە كۇشىنە ەنەدى. ۋكراينا، رەسەي جانە ەقىءۇ وكىلدەرى وسىنداي كەلىسىمگە وتىردى.
رەسەي قولدايتىن "دنر" جانە "لنر" دەپ اتالاتىن جىكشىلدەر وق اتپاۋ تالابىن ورىنداۋعا دايىن ەكەنىن مالىمدەدى. "دنر" قولباسشىلىعى قارۋدىڭ كەز كەلگەن ءتۇرىن قولدانۋعا تىيىم سالىنعانىن ايتتى.
وق اتۋدى دوعارۋ - مينسك كەلىسىمىندە ايتىلعان ەرەجەلەردى ورىنداۋدىڭ العىشارتى. دونباسستا بۇعان دەيىن بىرنەشە مارتە وق اتپاۋ ءتارتىبى ورناعان، بىراق تاراپتار بۇل شارتتى كوپ ۋاقىت ۇستاپ تۇرا الماي وتىر.
ۋكراينانىڭ شىعىسىنداعى قارۋلى جانجال 2014 جىلدان بەرى جالعاسىپ كەلەدى. جىكشىلدەر ۋكراينانىڭ لۋگانسك وبلىسى مەن دونەتسك ايماعىنىڭ ءبىر بولىگىن باقىلاۋعا الدى. ۋكراينا مەن باتىس ەلدەرى جىكشىلدەردى قولدادى دەپ رەسەيگە ايىپ تاقتى، بىراق ماسكەۋ بۇنى جوققا شىعارىپ وتىر. ايماقتاعى جانجالدى رەتتەۋ جونىندەگى مينسك كەلىسىمى 2015 جىلى قابىلداندى، بىراق قۇجاتتاعى ەرەجەلەردىڭ كوبى ورىندالمادى.
Abai.kz
