بورالدايدا تەرروريستىك توپتىڭ قىزمەتىنە توسقاۋىل قويىلدى
الماتى وبلىسى، ىلە اۋدانىنا قاراستى بورالداي كەنتىندە بولعان وقيعانىڭ ەگجەي-تەگجەيىن باس پروكۋراتۋرانىڭ رەسمي وكىلى نۇرداۋلەت سۇيىندىكوۆ بۇگىن جاريا ەتتى.
تومەندە رەسمي وكىلدىڭ اقپاراتىن تولىق بەرىپ وتىرمىز.
«اباي-اقپارات»
كەشە، 2011 جىلدىڭ 3-ءشى جەلتوقسانىندا الماتى وبلىسى ىلە اۋدانىنىڭ بورالداي پوسەلكەسىندە تەرروريستىك توپتىڭ قىزمەتىنە توسقاۋىل قويىلدى.
توپ مۇشەلەرى 2011 جىلدىڭ 8 قاراشاسىندا ەكى پوليتسيا قىزمەتكەرىن ءولتىرىپ، الماتى قالاسىندا جاڭا زورلىق-زومبىلىق ارەكەتتەرىن ىسكە اسىرۋدى جوسپارلاعان.
توپ جەتەكشىسى (اعجان حاسەن، 1977 ج.ت.) 2011 جىلدىڭ 28 قازانىنان بەرى قازاقستان رەسپۋبليكاسى قىلمىستىق كودەكسiنىڭ 233-2-بابى (تەرروريستىك توپ قۇرۋ، وعان باسشىلىق ەتۋ جانە ونىڭ قىزمەتىنە قاتىسۋ) بويىنشا قوزعالعان قىلمىستىق ءىستىڭ اياسىندا قۇقىق قورعاۋ ورگاندارىنىڭ ىزدەۋىندە جۇرگەن بولاتىن.
اعىمداعى جىلدىڭ 3-ءشى جەلتوقسانىندا جەدەل-ىزدەستىرۋ شارالارى بارىسىندا توپتىڭ كوشباسشىسى جانە بىرقاتار مۇشەلەرى بورالداي پوسەلكەسىندە تابىلدى.
ۇستاۋعا ارەكەت جاساعان كەزدە قىلمىسكەرلەر بەلسەندى قارۋلى قارسىلىق كورسەتتى.
ارنايى وپەراتسيا بارىسىندا ۇلتتىق قاۋىپسىزدىك كوميتەتى «ارىستان» قىزمەتىنىڭ ارنايى بولىمشەسىنىڭ ەكى قىزمەتكەرى جارالانىپ، قازا تاپتى.
الماتى وبلىسى، ىلە اۋدانىنا قاراستى بورالداي كەنتىندە بولعان وقيعانىڭ ەگجەي-تەگجەيىن باس پروكۋراتۋرانىڭ رەسمي وكىلى نۇرداۋلەت سۇيىندىكوۆ بۇگىن جاريا ەتتى.
تومەندە رەسمي وكىلدىڭ اقپاراتىن تولىق بەرىپ وتىرمىز.
«اباي-اقپارات»
كەشە، 2011 جىلدىڭ 3-ءشى جەلتوقسانىندا الماتى وبلىسى ىلە اۋدانىنىڭ بورالداي پوسەلكەسىندە تەرروريستىك توپتىڭ قىزمەتىنە توسقاۋىل قويىلدى.
توپ مۇشەلەرى 2011 جىلدىڭ 8 قاراشاسىندا ەكى پوليتسيا قىزمەتكەرىن ءولتىرىپ، الماتى قالاسىندا جاڭا زورلىق-زومبىلىق ارەكەتتەرىن ىسكە اسىرۋدى جوسپارلاعان.
توپ جەتەكشىسى (اعجان حاسەن، 1977 ج.ت.) 2011 جىلدىڭ 28 قازانىنان بەرى قازاقستان رەسپۋبليكاسى قىلمىستىق كودەكسiنىڭ 233-2-بابى (تەرروريستىك توپ قۇرۋ، وعان باسشىلىق ەتۋ جانە ونىڭ قىزمەتىنە قاتىسۋ) بويىنشا قوزعالعان قىلمىستىق ءىستىڭ اياسىندا قۇقىق قورعاۋ ورگاندارىنىڭ ىزدەۋىندە جۇرگەن بولاتىن.
اعىمداعى جىلدىڭ 3-ءشى جەلتوقسانىندا جەدەل-ىزدەستىرۋ شارالارى بارىسىندا توپتىڭ كوشباسشىسى جانە بىرقاتار مۇشەلەرى بورالداي پوسەلكەسىندە تابىلدى.
ۇستاۋعا ارەكەت جاساعان كەزدە قىلمىسكەرلەر بەلسەندى قارۋلى قارسىلىق كورسەتتى.
ارنايى وپەراتسيا بارىسىندا ۇلتتىق قاۋىپسىزدىك كوميتەتى «ارىستان» قىزمەتىنىڭ ارنايى بولىمشەسىنىڭ ەكى قىزمەتكەرى جارالانىپ، قازا تاپتى.
قىلمىسكەرلەر اتالعان پوسەلكەنىڭ شپاك كوشەسى، 43 مەكەن-جايىنداعى تۇرعىن ۇيدە جاسىرىنىپ، ولاردى ۇلتتىق قاۋىپسىزدىك ورگاندارى جانە الماتى قالاسى مەن وبلىسى ىشكى ىستەر ورگاندارىنىڭ ارنايى بولىمشەلەرى قورشاۋعا الدى.
تەز ارادا، بەكىتىلگەن ءتارتىپ بويىنشا كورشىلەس ۇيلەردىڭ جەرگىلىكتى تۇرعىندارى قاۋىپسىز اۋماققا شىعارىلدى، اۋداندى وقشاۋلاۋ ۇيىمداستىرىلدى، اپاتتىق-قۇتقارۋشى جانە مەديتسينالىق قىزمەتتەر تارتىلدى.
ەرىكتى تۇردە بەرىلۋدەن باس تارتقان سوڭ جانە كورسەتىلگەن قارۋلى قارسىلىققا جاۋاپ رەتىندە ولاردىڭ جەتەكشىسىن قوسا العاندا تەرروريستىك توپتىڭ بەس مۇشەسى جويىلدى.
قىلمىسكەرلەر جاسىرىنعان ۇيدەن ەكى رگد-5 گراناتاسى، ەكى-ەكىدەن كالاشنيكوۆ اۆتوماتى مەن ماكاروۆ تاپانشاسى تابىلدى.
ازاماتتىق تۇرعىندار اراسىندا قازا بولعاندار مەن جارالانعاندار جوق.
ارنايى وپەراتسيا 2011 جىلدىڭ 3-ءشى جەلتوقسانى كۇنى 23 ساعات 50 مينۋتتا اياقتالدى.
وقيعا ورنىندا جەدەل-تەرگەۋ ءىس-شارالارى جالعاسۋدا، قازاقستان رەسپۋبليكاسى قىلمىستىق كودەكسiنىڭ 96 (ادام ءولتىرۋ), 251 (قارۋدى، وق-دارiلەردi, جارىلعىش زاتتاردى جانە جارىلعىش قۇرىلعىلاردى زاڭسىز ساتىپ الۋ، بەرۋ، وتكiزۋ، ساقتاۋ، تاسىمالداۋ نەمەسە الىپ ءجۇرۋ), 237 (بانديتيزم) باپتارى بويىنشا قىلمىستىق ىستەر قوزعالدى.
وقيعا ورنىن مۇقيات تەكسەرۋ جانە تەرروريستەردىڭ مايىتتەرىن انىقتاۋ جۇمىستارى جۇرگىزىلۋدە.
قازىرگى ۋاقىتتا الماتى قالاسى مەن الماتى وبلىسىنىڭ قۇقىق قورعاۋ ورگاندارى قىزمەت اتقارۋدىڭ كۇشەيتىلگەن رەجيمىنە كوشىرىلدى، جاعداي تولىق باقىلاۋدا.
تۇرعىندارعا قاۋىپ جانە مازاسىزدانۋعا نەگىز جوق.
تەرگەۋدىڭ ناتيجەلەرى جانە قابىلدانعان شارالار تۋرالى قوسىمشا حابارلاناتىن بولادى.
باس پروكۋراتۋرانىڭ ءباسپاسوز قىزمەتى
