كەلىسسوزدەردىڭ ماۋسىم ايىنداعى ءبىرىنشى راۋندىندا اقش پەن رەسەي ستراتەگيالىق شابۋىل قارۋلارىن (سنۆ-3) قىسقارتۋ جانە شەكتەۋ تۋرالى كەلىسىمدى تالقىلادى. قۇجات يادرولىق ستراتەگيالىق قارۋلار سانىن شەكتەۋدى كوزدەيدى.
اقش پرەزيدەنتىنىڭ قارۋدى باقىلاۋ جونىندەگى ارنايى وكىلى مارشالل بيللينگسلي 22-23 ماۋسىمدا ۆەنادا وتەن كەزدەسۋدى قورىتىندىلاپ، رەسەيدىڭ سىرتقى ىستەر ءمينيسترىنىڭ ورىنباسارى سەرگەي ريابكوۆ ەكەۋى بىرنەشە تەحنيكالىق جۇمىس توبىن قۇرۋعا كەلىسكەنىن مالىمدەدى. ەكىنشى كەزدەسۋ سول توپتاردىڭ جۇمىسىنا بايلانىستى بولادى.
اقش پرەزيدەنتى وكىلىنىڭ ايتۋىنشا، قارۋعا باقىلاۋ ورناتۋ جونىندە جاڭا كەلىسىم قابىلدانادى. بۇل قۇجات اقپاندا مەرزىمى اياقتالاتىن سنۆ-3 كەلىسىمىن الماستىرادى.
27 شىلدەدە اقش پەن رەسەي عارىش قاۋىپسىزدىگى ماسەلەلەرىن تالقىلاعان.
Abai.kz
