اقىلبەك شاياحمەت. شەگى بار ما شىدامنىڭ؟!
حانقاماۋ
(شاحمات)
حانقاماۋدىڭ سىرىن سەن ءتۇسىن، مەيلى، تۇسىنبە،
حان، ءۋازىر، ساربازى - ءبىر قوراپتىڭ ىشىندە.
كارتا دەگەن ويىندى ءتۇسىن، مەيلى، تۇسىنبە،
التىلىق پەن كورولى - ءبىر بۋمانىڭ ىشىندە.
اياقدوپتىڭ ءوزىن دە، ءتۇسىن، مەيلى، تۇسىنبە،
جانكۇيەرلەر كورەدى ستاديون ىشىندە.
ادامدار دا جايعاسقان ىشىنە ءبىر كەمەنىڭ،
قۋانىش پەن قايعىنى بىرگە كورىپ كەلەدى.
قايدا جۇرسە پەندەنىڭ كورەتۇعىن كۇنى وسى،
كورگە جىلدام تۇسپەيدى كورىپ بىتپەي كورەسىن.
ويىن بىتسە تۇبىندە جەر قوينىنا كىرەسىڭ،
اقىل ايتىپ قايتەيىن، ونى ءوزىڭ دە بىلەسىڭ...
اعاش تۋرالى تولعاۋ
ءومىر دەگەن وسىناۋ - تۇتاسقان ءبىر نۋ ورمان،
كوشەتتەر كوپ كوگەرگەن، اعاشتار بار قۋارعان.
ۇيەڭكى مەن ءماجنۇنتال، جوكە مەنەن قارا اعاش
جاتقان مالداي قورالاس وسكەن ەكەن ارالاس.
ءونۋ، ءوسۋ، وركەندەۋ - تىرشىلىكتىڭ ماقساتى،
بۇتاقتارى كوپ بولىپ، قالسا بولدى جاقسى اتى.
كوپتى كورگەن، وتكەرگەن، كوپ جاساعان ەمەننىڭ
تاستاي قاتقان تامىرى، كوكىرەگى - شەمەن-مۇڭ.
جاپىراعى جايقالىپ، بيىك وسكەن قاراعاي
تەمىرجولعا توسەلەر جاعىلعان سوڭ قارا ماي.
ءوزى كەربەز، ءور كەۋدە، اق بالتىرلى قايىڭ دا
كۇزگى سالقىن كەلگەندە سالىنادى ۋايىمعا.
قىسى-جازى ورماندا جايناپ وسكەن شىرشانى
حانقاماۋ
(شاحمات)
حانقاماۋدىڭ سىرىن سەن ءتۇسىن، مەيلى، تۇسىنبە،
حان، ءۋازىر، ساربازى - ءبىر قوراپتىڭ ىشىندە.
كارتا دەگەن ويىندى ءتۇسىن، مەيلى، تۇسىنبە،
التىلىق پەن كورولى - ءبىر بۋمانىڭ ىشىندە.
اياقدوپتىڭ ءوزىن دە، ءتۇسىن، مەيلى، تۇسىنبە،
جانكۇيەرلەر كورەدى ستاديون ىشىندە.
ادامدار دا جايعاسقان ىشىنە ءبىر كەمەنىڭ،
قۋانىش پەن قايعىنى بىرگە كورىپ كەلەدى.
قايدا جۇرسە پەندەنىڭ كورەتۇعىن كۇنى وسى،
كورگە جىلدام تۇسپەيدى كورىپ بىتپەي كورەسىن.
ويىن بىتسە تۇبىندە جەر قوينىنا كىرەسىڭ،
اقىل ايتىپ قايتەيىن، ونى ءوزىڭ دە بىلەسىڭ...
اعاش تۋرالى تولعاۋ
ءومىر دەگەن وسىناۋ - تۇتاسقان ءبىر نۋ ورمان،
كوشەتتەر كوپ كوگەرگەن، اعاشتار بار قۋارعان.
ۇيەڭكى مەن ءماجنۇنتال، جوكە مەنەن قارا اعاش
جاتقان مالداي قورالاس وسكەن ەكەن ارالاس.
ءونۋ، ءوسۋ، وركەندەۋ - تىرشىلىكتىڭ ماقساتى،
بۇتاقتارى كوپ بولىپ، قالسا بولدى جاقسى اتى.
كوپتى كورگەن، وتكەرگەن، كوپ جاساعان ەمەننىڭ
تاستاي قاتقان تامىرى، كوكىرەگى - شەمەن-مۇڭ.
جاپىراعى جايقالىپ، بيىك وسكەن قاراعاي
تەمىرجولعا توسەلەر جاعىلعان سوڭ قارا ماي.
ءوزى كەربەز، ءور كەۋدە، اق بالتىرلى قايىڭ دا
كۇزگى سالقىن كەلگەندە سالىنادى ۋايىمعا.
قىسى-جازى ورماندا جايناپ وسكەن شىرشانى
كەسەدى ەكەن كەي ادام بولادى دەپ ءۇي ءسانى.
كوكتەپ شىقسا قۇلپىرىپ مايىساتىن تال-شىبىق
دولى داۋىل سوققاندا قالادى ەكەن جانشىلىپ.
كوزدىڭ جاۋىن الاتىن نە ءبىر اسەم گۇلدىڭ دە
ۇزىلگەن سوڭ حوش ءيىسى ازايادى، ءبىلدىڭ بە؟!
ەگەر جەمىس اعاشى توگىپ جاتسا جەمىسىن،
ول سىيلىعى اللانىڭ جاراتاتىن ەل ءۇشىن.
ۇيەڭكىنىڭ تۇبىنەن ويىپ العان كەي اعاش
قوبىز بولىپ جارىتپاس، دومبىراعا جاراماس.
كورگەندەر دە بار بۇگىن باعى جانعان قۋرايدى،
سىبىزعىنىڭ سازدى ءۇنىن جۇرت ءسۇيسىنىپ تىڭدايدى.
بورەنەنى اعىن سۋ كەتسە تومەن اعىزىپ،
كەپكەن بۇتاق بولادى وشاقتارعا تامىزىق.
قۇرىق بولار - يىلسە، تاياق بولار - سۇيەنسەڭ،
اعاش داڭقىن ەندەشە كوككە كوتەر، ولەڭ، سەن!
كەرەگەسى - اعاشتان، شاڭىراعى - اعاشتان،
قازاعىمنىڭ ەجەلدەن التى الاشتا باعى اسقان.
قىمىز قۇيعان شۇپىلدەپ قولداعى اعاش توستاعان
دوس كوبەيتىپ، حالقىمدى جاقسىلىققا باستاعان.
سيپاتتاۋعا ءسوز جەتپەس ايتسام-داعى قانشا مەن،
ءتىستىڭ ءوزىن قازاعىم تازالاعان ارشامەن.
تەربەتەدى انالار ءسابيدىڭ تال-بەسىگىن،
شەبەر قاشاپ جاسايدى ءۇيدىڭ كوسىك، ەسىگىن.
بالالاردىڭ ەڭ العاش مىنگەنى دە اعاش ات،
سول اعاشتان ءجۇرمىز ءبىز كوپىر سالىپ، قالا ساپ.
وتىڭ باسىن قارىق قىپ، كوركىنە ساي جاراسقان،
كىتاپ سورەڭ، توسەگىڭ، جيحازىڭ دا اعاشتان.
كورگەن تالاي سىنىپ تا، كونگەن تالاي بىلىققا،
سول اعاشقا وتتىڭ جاۋ ەكەندىگىن ۇمىتپا!
ءونىپ-وسكەن ورمانعا جاي تۇسپەسىن دەپ تىلە،
كەسىپ، قۇرتىپ، جايپايتىن وي تۇسپەسىن دەپ تىلە.
عاسىر بويى جايقالىپ ءوسىپ تۇرعان ورمانىم،
كەلەشەككە جەتكىزسىن اتا-بابا ارمانىن.
شەگى بار ما شىدامنىڭ؟!
كەيبىرەۋگە ءبىلىمسىز قولدان جاساپ قۇدايدى،
تورىنە ءىلىپ سۋرەتىن، تابىنعانى ۇنايدى.
جەسە جەمگە تويمايدى، قۇنىعۋىن قويمايدى،
اللا سونداي كىسىنى بايلىق بەرىپ سىنايدى.
اتاق، بايلىق، دارەجە باستا ماڭگى تۇرمايدى،
قۋات قايتىپ، كۇش كەمىپ، تاعدىر باعىن ۇرلايدى،
بابىن تاپقان قيراعان قۇمىرانى قۇرايدى،
اللا سونداي كىسىنى كەدەي قىلىپ سىنايدى.
قانداي كەزدە قۇرباقا باسىندا وينار قۇلاننىڭ،
كورگەن بار ما قۇلاعىن ايىر ءتىلدى جىلاننىڭ.
ايتىڭدارشى، ادامدار، بەتى بار ما اياردىڭ،
شەتى بار ما شەمەننىڭ، شەگى بار ما شىدامنىڭ؟!
«اباي-اقپارات»
