كوروناۆيرۋس پاندەمياسى بۇتكىل الەمدى «اياعىنان تىك تۇرعىزدى». قازىر بۇل ينفەكتسيامەن 16,5 ميلليون ادام اۋىرىپ، 188 ەلگە تاراعان.

بۇگىنگى تاڭدا SARS-CoV-2 –دەن ەڭ كوپ زارداپ شەككەن اقش بولىپ وتىر. ايتا كەتەرلىگى ءتۇرلى پىكىرلەرگە قاراماستان ول ەل دەنساۋلىق ساقتاۋ سالاسى قۇيىلعان رەسۋرستارىنىڭ كولەمى جاعىنان الدىڭعى ورىندا تۇر. قاراپ وتىرساق COVID-19 ءتىپتى امەريكا قۇراما شتاتتارى سياقتى قۋاتتى ەلدەردىڭ مەديتسيناسىنداعى ولقىلىقتارىن اشىپ بەردى.

ەگەر قازاقستان تۋرالى ايتاتىن بولساق, مۇندا جاعداي مۇلدەم باسقاشا. بۇگىنگى كۇنى ەلدە 84 648 جاعداي تىركەلگەن, ونىڭ ىشىندە 54 404 ادام اۋرۋدان ايىعىپ شىقتى. بۇل اۋىرعانداردىڭ جالپى سانىنىڭ 63% قۇرايدى. بۇدان بولەك قازاقستاندا اۋرۋلار سانى 29% ازايدى, اۋرۋحانالاردا بوس ەمەس كويكالاردىڭ مولشەرى 43% ازايدى. بۇل ەلدە جاعداي تۇراقتالىپ كەلەدى دەگەندى بىلدىرەدى.

دەنساۋلىق ساقتاۋ ءمينيسترى الەكسەي تسوي ءوز كەزەگىندە 3 تامىزدان كەيىنگى كارانتين رەجيمىن بىرتە-بىرتە بوساڭسىتۋ تۋرالى ايتتى.

اۋرۋ سانىنىڭ بىرتە-بىرتە ازايۋىنا بىرنەشە فاكتور اسەر ەتكەنىن ايتا كەتۋ كەرەك.

ءبىرىنشى فاكتور ول - كارانتين. قازاقستاندىقتاردىڭ شىلدەدە ەكى اپتاعا وقشاۋلانۋى وڭ ناتيجە بەردى. اۋرۋ جۇقتىرعانداردىڭ سانىن 1700 ادامنان اسىرماي ۇستاپ تۇرا الدىق.

ەكىنشىدەن, بىزگە كومەككە كەلگەن ماسكەۋلىك دارىگەرلەردىڭ ايتقانىنداي, ەلدى جاپپاي پتسر-تەستەن وتكىزۋ جانە ەمدەلۋ مەكەمەلەرىنىڭ دايىندىق دەڭگەيى.

«قازاقستاندىق دارىگەرلەر باتىل جۇمىس ىستەپ جاتىر. پتسر-تەستىلەۋ بويىنشا كۇندەلىكتى زەرتتەۋ كوروناۆيرۋستىڭ مەگاپوليستە قالاي تاراپ جاتقانىنىڭ اقيقاتىن كورسەتەدى. نۇر-سۇلتاندا ءار بەسءىنشى ستاتسيوناردا زاماناۋي وكپەنى جاساندى جەلدەتۋ اپپاراتىمەن جابدىقتالعان كويكالار سانى جيىرمادان كەم ەمەس. ءتىپتى مۇنداي 40 كويكاسى بار اۋرۋحانالار دا بار. پرەپارات بويىنشا كەز كەلگەن باعىتتا جۇمىستار وتە جاقسى جۇرگىزىلۋدە»، – دەيدى مىتيششينسك قالالىق كلينيكالىق اۋرۋحاناسىنىڭ انەستەزيولوگ-رەانيماتولوگ دارىگەرى سەرگەي دراچۋك.

ۇشىنشىدەن – اۋرۋحانالاردى ەشەلونداۋ ياعني پاتسيەنتەردى اۋرۋحانالارعا جانە گوسپيتالدارعا تاراتۋ ولاردىڭ اۋرۋلارىنىڭ اۋىرلىعىنا قاراي جۇرگىزىلەدى.

«قازىرگى ۋاقىتتا ەلدەگى بارلىق كۆي-ءدى ەمدەۋگە ات سالىسىپ جاتقان مەديتسينالىق ۇيىمدار ءۇش توپقا بولىنگەن. ءبىرىنشى كاتەگوريا – وتە اۋىر جانە اۋىر ناۋقاستارعا. بۇل ستاتسيونارلار قۇرىلعىلارمەن جانە دە شۇعىل جاعدايلارعا كەرەك بارلىق قاجەتتىلىكتەرمەن قامتىلعان. ەكىنشى ەشەلون – ناۋقاستىڭ اۋرۋ دەڭگەيى ورتاشا بولعان جاعدايدا. مۇندا ءبىز كويكاسى 1705 ورىنعا ارنالعان 15 ءپروفيلىن وزگەرتكەن كلينيكالار بازاسىندا جۇمىس ىستەيمىز. ۇشىنشىدەن – ەمدەۋدى اياقتاۋعا ارنالعان وبسەرۆاتورلار. مۇندا ءبىز كويكا ورنى 2376 ادامعا ارنالعان 7 مەكەمەنى كىرگىزدىك»، - دەيدى الماتى قالاسى قوعامدىق دەنساۋلىق باسقارماسى باسشىسى كامالجان نادىروۆ.

اۋرۋحانالاردى ەشەلونداۋ ءوز تيىمدىلىگىن كورسەتتى. ەگەر بۇرىن ستاتسيونلاردىڭ جۇكتەمەسى 90% قۇراسا, ال قازىر بۇل كورسەتكىش 47% دەيىن ءتۇستى.

ءتورتىنشى ەڭ ماڭىزدى فاكتور، ەپيدەميا باستالعالى ۆيرۋسولوگتار، بىلىكتى ينفەكتسيونيستەر مەن اۋرۋحانالاردىڭ باس دارىگەرلەرى ايتىپ كەلە جاتقان – ءۇش ءىرى قالاداعى (نۇر-سۇلتان، شىمكەنت، الماتى) مامانداندىرىلعان ينفەكتسيالىق گوسپيتالداردىڭ ارقاسىندا اۋىر جانە اسا اۋىر جاعدايداعى ناۋقاستاردى كۇتۋگە مۇمكىندىك بەرىپ، مەديتسينالىق قىزمەتكەرلەر اراسىندا اۋرۋدىڭ تارالۋىنىڭ الدىن الدى.

سونىمەن قاتار، اقش حالىقارالىق دامۋ اگەنتتىگى (USAID) ورتالىق ازياداعى دەنساۋلىق ساقتاۋ جانە ءبىلىم بەرۋ كەڭسەسىنىڭ ديرەكتورى دجوشۋا كارنستىڭ ايتۋىنشا، قازىر الەمدە دارىگەرلەردىڭ قاۋىپسىزدىگى ءبىرىنشى ورىندا. بۇل تۋرالى ول امەريكانىڭ قازاقستانداعى ەلشىلىگىنىڭ قولداۋىمەن ۇيىمداستىرىلعان ونلاين-بريفينگتە ايتتى.

«ءبىزدى اسىرەسە شۇعىل ارەكەت ەتۋ قىزمەتى پەرسونالدارىنىڭ قاۋىپسىزدىگى مازالايدى. ولار العى شەپتە ءجۇر. ءبىزدىڭ مىندەت ۆيرۋستىڭ اۋرۋحانالاردا تارالۋىنىڭ الدىن الۋ», - دەپ مالىمدەدى كارنس.

ينفەكتسييالىق اۋرۋحانالاردىڭ ەلدىڭ بارلىق ايماعىندا بولۋى كەرەك ەكەندىگىن دەساۋلىق ساقتاۋ ءمينيسترى الەكسەي تسوي دا ايتقان. الدا ءبىزدى كۇزگى تولقىن كۇتىپ تۇر. ياعني وعان ساقاداي ساي بولۋىمىز كەرەك.

«گوسپيتالدارعا قاجەتتىلىك ەكىباستان بولدى, سەبەبى قازىر بارلىق كويكالار تولعان جانە بىزدە ءار ايماقتا قوسىمشا ورىنعا قاجەتتىلىك بار، ونىڭ ىشىندە جاڭا مودۋلدى اۋرۋحانا سالىنعان ءۇش قالادا دا كەرەك»، - دەدى وكق وتكەن بريفينگتە مينيستر.

ساراپشىلاردىڭ سوزىنشە, مەشىتتەردە، سپورتكومپلەكستاردا جانە باسقا دا بوس عيماراتتاردا اشىلعان ستاتسيونارلار اۋىرعان ادامدى ءاردايىم ساقتاپ قالا المايدى. ولارعا بارعاننان كەيىن كوبىنە ناۋقاس ءبارى ءبىر ارنايى مامانداندىرىلعان مەديتسينالىق مەكەمەلەرگە بارىپ جاتادى. ال مۇنداي ورىندار قازىر ەلگە وتە قاجەت. ەگەر ءبىر ينفەكتسيا كەتسە، ونىڭ ورنىن باسقاسى باسادى عوي. سونىمەن قاتار ددسۇ الەمدە SARS-CoV-2 ۆيرۋسى تەز تاراپ جاتقانىن ايتتى...