سەنبى, 5 ءساۋىر 2025
جاڭالىقتار 2521 0 پىكىر 31 شىلدە, 2020 ساعات 11:02

تاجىكستاندا پرەزيدەنت سايلاۋى قارساڭىندا ايلىق پەن زەينەتاقى كوتەرىلەدى

كوروناۆيرۋس پاندەمياسى كەسىرىنەن بيۋدجەت تاپشىلىعىن كورىپ وتىرعان تاجىكستان ۇكىمەتى 1 قىركۇيەكتەن باستاپ، پرەزيدەنت سايلاۋى قارساڭىندا، بيۋدجەت قىزمەتكەرلەرىنىڭ ايلىعىن، زەينەتاقى مەن ستيپەنديانى كوتەرۋ تۋرالى شەشىم قابىلدادى.

رەسپۋبليكادا پرەزيدەنت سايلاۋى بيىل قاراشادا وتەدى دەگەن بولجام بار.

پاندەميا كەزىندە ەلدە ازىق-تۇلىك قىمباتتادى. تۇرعىندار ايلىقتىڭ كوتەرىلۋىن دۇرىس شەشىم دەپ قابىلدادى.

تاجىكستاننىڭ قارجى ءمينيسترى فايزيددين كاححورزودا ايلىقتى، ستيپەنديانى جانە زەينەتاقىنى كوتەرۋ تۋرالى جارلىق جوباسى دايىن بولعانىن حابارلادى. قۇجات بيىل 1 قىركۇيەكتە كۇشىنە ەنەدى دەگەن نۇسقاۋ بار.

"پرەزيدەنت جارلىعىنىڭ جوباسىن ءبىز مينيسترلىكتەرگە كەلىستىرۋگە جولدادىق. پاندەمياعا بايلانىستى تۋىنداعان قيىنشىلىقتارعا قاراماستان، ءبىز ايلىق پەن زەينەتاقىنى كوتەرۋگە مۇمكىندىك تاپتىق", - دەدى قارجى ءمينيسترى. بىراق ول مۇنداي شەشىمنىڭ قاي قاراجاتقا جۇزەگە اساتىنىن ايتپادى.

سوڭعى مارتە ەلدە ايلىق پەن زەينەتاقى ەكى جىل بۇرىن – 2018 جىلى قىرقۇيەكتە 15 پايىز كوتەرىلگەن. بيىل دا سونداي پايىزعا كوتەرىلەدى.

تاجىكستاندا ەڭ تومەنگى ايلىق - 400 سوموني (40 دوللار), ال بيۋدجەت قىزمەتكەرلەرىنىڭ ورتاشا جالاقىسى - 1 مىڭ سوموني (100 دوللار).

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1501
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4221
46 - ءسوز

بىزگە بەيمالىم باراق حان

جامبىل ارتىقباەۆ 3117