قازاقستان پرەمەر-ءمينيسترى اسقار مامين كوروناۆيرۋس پاندەمياسىنىڭ جاڭا تولقىنى كۇزدە پايدا بولۋى مۇمكىن ەكەنىن ايتتى.

ونىڭ ايتۋىنشا، اۋرۋ جۇقتىرعان ازاماتتاردى ەمدەۋ، ماسكا كيۋ رەجيمىن ساقتاۋ تۋرالى ءتۇسىندىرۋ ناۋقانىن جالعاستىرۋ كەرەك.

«قازىرگى تاڭدا الەمدەگى ستاتيستيكا 126 مەملەكەتتە اۋرۋ جۇقتىرعاندار سانى ءوسىپ جاتقانىن كورسەتىپ وتىر. پاندەميانىڭ جاڭا تولقىنى كۇزدە پايدا بولۋى مۇمكىن. وعان دايىن بولۋىمىز كەرەك ءارى ونىڭ الدىن الۋ ءۇشىن بارلىق بەلگىلەنگەن تالاپتىڭ ساقتالاۋىن قامتاماسىز ەتىپ، جوسپارلانعان شارالار كەشەنىن ىسكە اسىرۋ قاجەت. ەرالى ۇلىقپانۇلى، (ۇكىمەت باسشىسىنىڭ ورىنباسارى - اۆتور) جاعدايدى ۇنەمى باقىلاۋدا ۇستاڭىز»، - دەدى مامين ۇكىمەت وتىرىسىندا.

سوڭعى مالىمەت بويىنشا، قازاقستاندا 93 820 ادام COVID-19 جۇقتىردى. 65 132 ناۋقاس جازىلدى، 1 091 ادام قايتىس بولدى.

Abai.kz