الماتى وبلىسىندا كوروناۆيرۋس جۇقتىرماعاندى راستايتىن انىقتاما ساتقان مەديتسينا قىزمەتكەرى ۇستالدى. 1984 جىلى تۋعان مەديتسينا قىزمەتكەرى اتالعان انىقتامانى 25 مىڭ تەڭگەگە ساتقان. بۇل تۋرالى قارجى مينيسترلىگى قارجى مونيتورينگى كوميتەتىنىڭ ءباسپاسوز قىزمەتى حابارلادى.

الماتى وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى پتر-تەستىنە تەرىس ناتيجە كورسەتىلگەن جالعان انىقتامالاردى بەرۋ فاكتىسىن انىقتاعان.

ول كوروناۆيرۋسقا تەرىس ناتيجە كورسەتىلگەن پتر تەستتىڭ انىقتاماسىن بەرۋ ءۇشىن 25 000 تەڭگە كولەمىندە اقشالاي سىياقى الۋ كەزىندە قولعا تۇسكەن. تەرگەۋ بارىسىندا الماتى وبلىسىنىڭ تۇرعىنى وسى جىلدىڭ شىلدەسىنەن وسى كۇنگە دەيىن شامامەن 12 جالعان مەديتسينالىق انىقتاما جاساعانى انىقتالدى. بۇل فاكتى بويىنشا سوتقا دەيىنگى تەرگەۋ باستالدى.

«جاۋ جاعادان العاندا، ءبورى ەتكەتەن تارتتى» دەگەن وسى شىعار. ەلدە كوروناۆيرۋس تاراپ، توتەنشە جاعداي جاريالانعان تۇستا دا جەمقورلىق، الاياقتىق تيىلماي تۇر. حالىقتىڭ كوز جاسىنان اقشا جاساعىسى كەلەتىندەر بيلىك باسىندا دا، ەلدىڭ اراسىندا دا ءورىپ ءجۇر. جەرىمىز كەڭ، حالقىمىز از بولسا دا كوروناۆيرۋستى ءالى تىزگىندەي الماي جاتقانىمىز وسى جەمقورلىق پەن الاياقتىقتىڭ كەسىرى شىعار.

رەسمي اقپارات بويىنشا، 5 شىلدە مەن 3 تامىز ارالىعىندا ءدارى-دارمەكتىڭ باعاسىن كوتەرۋدىڭ 522 فاكتىسى انىقتالعان. سونىمەن قاتار، ولاردى زاڭسىز ساتۋ مەن دايىنداۋدىڭ 338 فاكتىسى بەلگىلى بولعان. ءدارى-دارمەكتەر مەن مەديتسينالىق بۇيىمداردى ساتۋ سالاسىندا بارلىعى 869 قۇقىق بۇزۋشىلىق اشكەرە بولىپ، ونىڭ ىشىندە 10 قىلمىستىق جانە 745 اكىمشىلىك قۇقىق بۇزۋشىلىق تىركەلگەن.

Abai.kz