پرەزيدەنت ترامپتىڭ سوزىنە قاراعاندا قۇپيا قىزمەتىنىڭ ماماندارى قارۋلى ادامدى اتقان. اقش پرەزيدەنتىن قورعايتىن قۇپيا قىزمەتىنىڭ ماماندارى Twitter-دە وقيعاعا بايلانىستى تەرگەۋ جۇرگىزىلىپ جاتقانىن حابارلادى. قۇپيا قىزمەتىنىڭ ءبىر وكىلى جانە قارۋى بار دەلىنگەن ادام اۋرۋحانادا جاتىر. رەسمي حابارلاماعا سايكەس، اق ءۇي اۋماعىنا ەشكىم كىرمەگەن جانە وندا جۇمىس ىستەپ جاتقاندارعا قاۋىپ تونبەگەن.

وقيعا اق ءۇي ورنالاسقان كوشەدە بولعان. اقپارات قۇرالدارىنىڭ حابارلاۋىنشا، بريفينگتە وتىرعاندار پرەزيدەنت سويلەي باستاعاننان كەيىن بىرنەشە مينۋت وتكەن سوڭ وق اتىلعانىن ەستىگەن جانە قاۋىپسىزدىك قىزمەتىنىڭ مامانى ترامپقا بارىپ اق ۇيگە جاقىن جەردە اتىس بولىپ جاتقانىن حابارلاعان. پرەزيدەنت بۇدان سوڭ بريفينگ زالىنان شىعىپ، كابينەتىنە بارعان. سالدەن سوڭ قايتا ورالىپ، ءباسپاسوز ءماسليحاتىن جالعاستىرعان. "بۇل وقيعاعا الاڭداپ تۇرسىز با؟" دەگەن سۇراققا ترامپ "الاڭداپ تۇرعان ادامعا ۇقسايمىن با؟" دەپ جاۋاپ بەرگەن.

قۇپيا دەرەككوزىنە سۇيەنگەن Associated Press اگەنتتىگىنىڭ حابارلاۋىنشا، اتى-ءجونى بەلگىسىز اۋرۋحانادا جاتقان كۇدىكتىنىڭ جاعدايى اۋىر. تەرگەۋشىلەر ونىڭ ارەكەتىنىڭ سەبەبىن انىقتاۋعا تىرىسىپ جاتىر.

Abai.kz