الماتى وبلىسىنىڭ باس مەملەكەتتىك سانيتار دارىگەرى ەرعالي سىدىمانوۆ ايتقان سوزدەرى ءۇشىن كوپشىلىك الدىندا كەشىرىم سۇرادى، - دەپ حابارلايدى Tengrinews.kz.

ەرعالي سىدىمانوۆ Instagram-دا تالدىقورعان اكىمىنىڭ ءباسپاسوز حاتشىسى نۇر قاناتۇلىمەن بولعان تىكەلەي ەفيردە مالىمدەمە جاسادى.

«شىنىمەن ءبىر جەردە شالىس باسسام، تاعى دا كەشىرىم سۇرايمىن. قالاي بولعاندا دا، مەن حالىقتىڭ ۇلىمىن جانە ءوزىمدى ارقاشان وسى حالىقتىڭ ءبىر بولىگى رەتىندە سانادىم. مەنىڭ قاتەمنەن كەيىن ارىپتەستەرىم مەن باسقا مەملەكەتتىك ورگان باسشىلارى وسى جاعدايدى نازارعا الىپ، سويلەر الدىندا ويلانادى دەپ ويلايمىن»، - دەدى ەرعالي سىدىمانوۆ.

ەسكە سالايىق، ەرعالي سىدىمانوۆ ءوزىنىڭ العاشقى جۇمىس كۇنىندە تالدىقورعان تۇرعىندارىمەن كەزدەسكەن بولاتىن. شەنەۋنىكتىڭ ايتقان دورەكى ءسوزىن تۇرعىندار ۆيدەوعا ءتۇسىرىپ، الەۋمەتتىك جەلىلەردە جاريالاعان ەدى.

Abai.kz