بۇگىن «جانۋارلار – مەنىڭ دوستارىم!» سۋرەت كونكۋرسىنىڭ جەڭىمپازدارى ماراپاتتالدى.  مەن ءوز ءسوزىمدى بۇگىنگى شارانىڭ باستى كەيىپكەرلەرىنە ارنايمىن.

قۇرمەتتى بالالار! ادامزاتتىڭ جالپى سانى 77 جارىم ملرد-تان استى. ءار 10 سەكۋند سايىن 26 ءسابي دۇنيەگە كەلەدى. ءار بالا، ءار جاڭا تۇلعا - بىرەگەي، ەرەكشە دارىندى!

ال ءبىزدىڭ، ياعني، ەرەسەكتەردىڭ مىندەتى – سەندەردىڭ قاجەتتىلىكتەرىڭدى قامتاماسىز ەتۋ، ءار بالادان جاقسى ادام تاربيەلەۋ، اركىمگە ءوز تالانتىن، ەڭ جاقسى قاسيەتتەرىن تانىتۋعا كومەكتەسۋ. كەز-كەلگەن ادامنىڭ ەڭ باستى قاسيەتى - گۋمانيزم، مەيىرىمدىلىك، باسقالارعا قۇرمەت ءبىلدىرۋ، ءومىردى جەردەگى ەڭ باستى بايلىق رەتىندە باعالاي ءبىلۋ. مەن تەك ادامداردىڭ عانا ەمەس، ءار تىرشىلىك يەسىنىڭ، جانۋارلاردىڭ، وسىمدىكتەردىڭ ءومىرىن ايتىپ تۇرمىن. بۇل وتە ماڭىزدى، ويتكەنى ءبىز جالپى پلانەتامىزدى، جەر بەتىندەگى بۇكىل تىرشىلىكتىڭ الۋان ءتۇرىن ساقتاپ قالۋىمىز كەرەك.

بالالار، سەندەرگە كەيدە بالا ەشتەڭە جاساي المايدى، بالاعا ەشتەڭە بايلانىستى ەمەس دەگەن وي كەلەدى. دەسە دە الەمدى جاقسى جاققا وزگەرتۋ ءبارىمىزدىڭ قولىمىزدا ەكەنىن ۇمىتپاعاندارىڭ ابزال. قانشا جاستا ەكەندەرىڭ ماڭىزدى ەمەس، ەڭ ماڭىزدىسى - الەمدى جاقسى جاققا وزگەرتە الامىن دەگەن اق نيەتتەرىڭ. سەندەردىڭ يدەيالارىڭ، پىكىرلەرىڭ، ارەكەتتەرىڭ كوپ نارسەنى وزگەرتە الادى.

سوندىقتان، بايقاۋعا ءوز جۇمىستارىن جىبەرگەن ءار بالاعا كوپ راحمەت ايتقىم كەلەدى. ارقايسىسىڭنىڭ ءوز ەرەكشەلىگىڭ بار، بايقاۋعا كەلگەن ءاربىر جۇمىس ەرەكشە ءارى قۇندى.

بۇگىن، كىم ماراپاتتالاتىنىنا قاراماستان، ەڭ باستىسى - سەندەر ءوز سۋرەتتەرىڭ مەن ەسسەلەرىڭ ارقىلى جانۋارلاردى قورعاۋعا ءوز ۇلەستەرىڭدى قوستىڭدار، سەندەردىڭ پىكىرلەرىڭدى ەلەۋسىز قالدىرمايمىن دەپ ۋادە بەرەمىن.

كەيبىر بالالاردىڭ جۇمىسى بۇكىل قازاقستان بويىنشا بيلبوردتاردا ىلىنەدى. دەگەنمەن ارقايسىلارىڭ قىركۇيەك ايىندا باستالاتىن «مەنىڭ جاسىل پلانەتام» اتتى كەلەسى بايقاۋعا قاتىسىپ، ەكولوگيالىق ماسەلەلەر جايلى، جەردەگى ءومىردى ساقتاۋدىڭ ماڭىزى تۋرالى ءسوز قوزعاي الاسىڭدار.

ءبىزدى قولداعان بارلىق سەرىكتەستەرگە العىس ايتامىن!

كونكۋرس بالا قۇقىعى جونىندەگى ۋاكىلەتتى وكىلى ارۋجان سايىن باستاماسىمەن، قازاقستان پرەزيدەنتىنىڭ قاسىم-جومارت توقاەۆ قامقورلىعىمەن، قازاقستان رەسپۋبليكاسىنىڭ بۇۇ قورشاعان ورتانى قورعاۋ باعدارلاماسىنىڭ دۇنيەجۇزىلىك قورشاعان ورتانى قورعاۋ كۇنى اياسىندا وتكىزىلەدى.

قازاقستان رەسپۋبليكاسى پارلامەنتى سەناتىنىڭ سپيكەرى ماۋلەن ساعاتحانۇلى اشىمباەۆ بالالارعا ءوز قۇتتىقتاۋ سوزدەرىن جولداپ، ولاردىڭ قوزعاعان بارلىق ماسەلەسىن شەشۋگە ۇلەس قوساتىنىن جەتكىزد!

سەنات باسشىسى مەن ىشكى ىستەر مينيسترلىگى، ءبىلىم جانە عىلىم مينيسترلىگى، مادەنيەت جانە سپورت مينيسترلىگىنىڭ، بۇۇ، «بالالار الەمدى بەينەلەيدى» قوعامدىق قورى باسشىلارىنىڭ بۇگىن بىزبەن بىرگە بولعانى وتە ماڭىزدى، سەبەبى بالالاردىڭ پارلامەنت پەن ۇكىمەتكە تۇجىرىمداعان مىندەتتەرىن جانۋارلار مەن تابيعاتتى قورعاۋشى بەلسەندى بالالار جەتكىزبەكشى. تۋنزا ۇيىمىنىڭ UNEP بالالار باعىتىنداعى قازاقستانداعى ەكولوگيالىق بۋىنىنىڭ ەلشىسى، جانە ەكو-زوو اكتيۆيست بالالارى ديانا گامازوۆا، التىباەۆا ۆالەريا، مۋحاممەددۋلات ولجاباي، ديۋسەنوۆا دجاميليا ءبىزدىڭ ماراپاتتاۋ ەفيرىندە ءسوز ايتقان.

كونكۋرس قازاقستان پرەزيدەنتىنىڭ قامقورلىعىمەن، بۇۇ قورشاعان ورتانى قورعاۋ باعدارلاماسىنىڭ دۇنيەجۇزىلىك قورشاعان ورتانى قورعاۋ كۇنى اياسىندا، ءبىلىم جانە عىلىم مينيسترلىگى، مادەنيەت جانە سپورت مينيسترلىگىنىڭ قولداۋىمەن، «بالالار الەمدى بەينەلەيدى» قوعامدىق قورى، باس سەرىكتەس «Edu Stream» كومپانياسىنىڭ جانە «تەحنودوم» مەن «ناستوياششي بۋراتينو» سەرىكتەستەرىنىڭ قاتىسۋىمەن ءوتتى.

بالالار سۋرەتىنىڭ «جانۋارلار – مەنىڭ دوستارىم!» رەسپۋبليكالىق كونكۋرسىنىڭ جەڭىمپازدارى سىيلىقتارىن يەلەندى. قاتىسۋشىلار ەڭبەگى باس جۇلدە جانە ءتورت جاس توبى – 6-8, 9-11, 12-14, 15-17 جاس بويىنشا ءار توپتا ءۇش ورىننان جەڭگەندەر انىقتالدى. كونكۋرستىڭ باس دەمەۋشىسى «Edu Stream» كومپانياسىنان اۆسترياعا ساپار سەرتيفيكاتىن باس جۇلدە يەگەرى سونداي-اق ءتورت جاس توبىنىڭ 1 ورىن يەگەرلەرى دە قانجىعاسىنا بايلادى. بارلىق جەڭىمپاز «تەحنودوم»، «ناستوياششي بۋراتينو» كومپانيالارىنان سمارتفون، ساموكات جانە باسقا قۇندى سىيلىقتارعا يە بولدى. ىشكى ىستەر مينيسترلىگى كونكۋرسقا قاتىسقان جاسمين نازار، احمەد ادەليا، رىزاەۆا فاتيماعا ارنايى سىيلىق – پلانشەت تابىس ەتتى. سونىمەن قاتار قىسقا بەينە تۇسىرەتىن «LIKEE» عالامدىق پلاتفورماسىنان ەسسە جازعان بالالارعا ارنالعان سىيلىقتارى ءوز يەسىن تاپتى.

6-8 جاس توبى بويىنشا جەڭىمپازدار:

1 ورىن: زونوۆا پولينا، 8 جاس، وسكەمەن ق. (شىعىس قازاقستان وبلىسى)

2 ورىن: تارانوۆا اناستاسيا، 6 جاس، ەكىباستۇز ق. (پاۆلودار وبلىسى)

3 ورىن: نۇرعاليەۆ ءايادىل، 7 جاس، اقتوبە ق. (اقتوبە وبلىسى)

9-11 جاس توبىنداعى جەڭىمپازدار:

1 ورىن: جانگەلدى ەلدوس، 10 جاس، اققۇدىق ا.، ايىنشى اۋدانى (سولتۇستىك قازاقستان وبلىسى)

2 ورىن: پولياكوۆا ۆيكتوريا، 10 جاس، وسكەمەن ق. (شىعىس قازاقستان وبلىسى)

3 ورىن: ماريكوۆ اندرەي، 9 جاس، رۋدنىي ق. (قوستاناي وبلىسى)

12-14 جاس توبىنداعى جەڭىمپازدار:

1 ورىن: كۋراك دانا، 14 جاس، ورال ق. (باتىس قازاقستان وبلىسى)

2 ورىن: الىمبەكوۆا مارحابا، 13 جاس، اباي ا. (قاراعاندى وبلىسى)

3 ورىن: سون سوفيا، 13 جاس، الماتى ق.

15-17 جاس توبىنداعى جەڭىمپازدار:

1 ورىن: بايبوسىنوۆا الينا، 15 جاس، نۇر-سۇلتان ق.

2 ورىن: كارچيەۆ جاسۋربەك، 17 جاس، تۇركىستان ق. (تۇركىستان وبلىسى)

3 ورىن: گەراسيموۆ دانيل، 14 جاس، سميرنوۆو ا.، اققايىڭ اۋدانى (سولتۇستىك قازاقستان وبلىسى)

باس جۇلدە - يۆانيچەنكو ماريا، 15 جاس ، الماتى ق.

سالتاناتتى قۇتتىقتاۋ شاراسى كونكۋرستىڭ باس دەمەۋشىسى «Edu Stream» كومپانياسىنىڭ EduStream KZ اتتى Youtube ارناسىندا ونلاين ءوتتى.

ارۋجان سايننىڭ جازباسى

Abai.kz