جازۋشى بەيبىت قويشىباەۆتىڭ «رۋح بگ» باسپاسىنان جارىق كورگەن «تارتۋ» اتتى جاڭا جيناعىنىڭ ءسۇيىنشى-داناسى قولعا ءتيدى.

جيناققا اۆتوردىڭ وتان تاريحىنان، رەسەي يمپەرياسىنداعى رەۆوليۋتسيالىق قوزعالىسپەن استاسا ورىستەگەن مۇسىلمان، قازاق قوزعالىستارىنان، سوۆەتتىك قازاقستاننىڭ قۇرىلۋ كەزەڭىنەن بيىلعى دوڭگەلەك داتالارعا وراي جازعان زەرتتەۋلەرى، وزگە دە ماڭىزدى وقيعالارعا بايلانىستى ماقالالارى، سۇحباتى، تاريحي مينياتيۋرالارى ەنگەن.

جاڭاوزەندەگى ايگىلى قاندى وقيعاعا بايلانىستى سول شاقتا دۇنيەگە كەلگەن كوركەم اڭگىمەسى دە وسىندا.

جيناق قالامگەردىڭ ازاماتتىق بەلسەندىلىگىن قاراستىرعان بەلگىلى زەرتتەۋشى كولباي ادىربەكۇلىنىڭ «كازاحسكوە دەلو»: بەيبىت قويشىباەۆ» اتتى ۇلكەن ەڭبەگىمەن جانە جازۋشىنىڭ سوڭعى جىلداردا شىققان كىتاپتارىن تانىستىراتىن بالجان حابدينانىڭ ماقالالار توپتاماسىمەن اياقتالعان.

«تارتۋدى» باسپا رەسپۋبليكانىڭ 100 جىلدىق داتاسىنا، ۇلى ابايدىڭ 175 جىلدىعىنا جانە اۆتوردىڭ 75-كە تولاتىن مەرەيجاسىنا وراي شىعارىپ وتىر.

Abai.kz