بيىل مەملەكەت باسشىسى قاسىم-جومارت توقاەۆتىڭ باستاماسىمەن الەمنىڭ ەكىنشى ۇستازى اتانعان ءابۋ ناسىر ءال-ءفارابيدىڭ 1150 جىلدىق مەرەيتويى اتالىپ وتۋدە. وسىعان وراي تۇركىستان وبلىسىنىڭ وتىرار اۋدانىندا «داڭقتى بابالار ساياجولى» جوندەۋدەن وتكىزىلىپ جاتىر.

ون بەس جىل بۇرىن سالىنعان اتالعان ساياجايدا ءابۋ-ناسىر ءال-ءفارابيدىڭ ەڭسەلى ەسكەرتكىشى دە بار.

ءبىرشاما ۋاقىت جوندەۋ كورمەگەن ساياجولدى قالپىنا كەلتىرۋ ءۇشىن بيۋدجەتتەن 71,726 ميلليون تەڭگە قاراجات قاراستىرىلعان. بۇل اقشاعا 48,3 شارشى مەتر بولاتىن اركالار تراۆەترينمەن قاپتالىپ، جالپى كولەمى 524 شارشى مەتر جەر كوگالداندىرىلعان.

سونىمەن قاتار ساياجولدا 101,5 شارشى مەتر اۋماقتى الىپ جاتقان ءال-ءفارابيدىڭ ەسكەرتكىشى دە گرانيتپەن قاپتالماق. ودان بولەك ەسكەرتكىش ماڭىنا ورىندىقتار مەن قوقىس جاشىكتەرى ورناتىلىپ، اياقجولدار سالىنباق. سونداي-اق، جارىقشامدار قويىلىپ، ساحنا قايتا تۇرلەنەتىن بولادى.

ساياجاي ماڭىنداعى باسقا دا ەسكەرتكىشتەردى جوندەۋ جۇمىستارى جوسپارلانۋدا. ماسەلەن، وتىرار اۋدانىنداعى «قاسىرەت» مەموريالىنىڭ جانىنداعى اللەياعا دا وسىنداي جوندەۋ جۇمىستارى جۇرگىزىلەدى. ول جوباعا قازىنادان 41,750 ميلليون تەڭگە بولىنگەن. ول جەردە 315,3 شارشى مەتر جەردەگى گرانيت قاپتامالارى اۋىستىرىلىپ، 315,4 شارشى مەتر جەرگە اياقجول توسەمەلەرى توسەلۋدە. الداعى ۋاقىتتا اتالعان نىسان ماڭى كوگالداندىرىلىپ، جارىق شامدار قويىلادى.

Abai.kz