«كەلەشەك» جاستار كەڭەسى تۋرالى ەستىگەن بە ەدىڭىز؟ بۇل قىزىلوردا وبلىسى اۋماقتىق كاسىپوداقتار بىرلەستىگىنىڭ جانىنان قۇرىلعان جاستار ۇيىمى. 

مەملەكەت باسشىسى قاسىم-جومارت توقاەۆ بيىلعى جىلدى ەرىكتىلەر جىلى دەپ جاريالاعانىن بىلەسىزدەر. رەسپۋبليكالىق ۆولونتەرلىك فرونت-ءوفيستىڭ اشىلۋىندا: «مەن ەلىمىزدىڭ ءبىربىر ءوڭىر، ءاربىر ايماعىندا ەرىكتىلەر قاتارىنا قوسىلۋعا نيەتتى ازاماتتاردىڭ كوپ ەكەنىنە سەنەمىن. ەندەشە، ۇكىمەت تە ونداي ازاماتتارعا لايىقتى تۇردە قولداۋ كورسەتۋى كەرەك. ناقتى شارالار قابىلداۋى ءتيىس. ەرىكتىلەر جىلى كەزەكتى ءبىر ناۋقان ەمەس. بارلىعىمىز دا وسىنى جاقسى ءتۇسىنۋىمىز كەرەك»، - دەپ سويلەگەن ەدى.

ەرىكتى بولۋ – جاس تالعامايدى. پرەزيدەنت ايتقانداي، ول ءومىر ءسۇرۋدىڭ سالتى. ول قازاقستاننىڭ بۇگىنگى ءھام ەرتەڭگى بەت-كەلبەتى. «ەرىكتىلەردىڭ  قايرات كۇشى، ەرىك جىگەرى ءاربىر ازاماتتى شابىتتاندىرۋى ءتيىس»، - دەگەن مەملەكەت باسشىسى ەلىمىزدىڭ ءاربىر اۋىل-ايماعىنداعى سانالى ازاماتتاردىڭ بۇل يگى ىستەن شەت قالماۋى ءتيىس ەكەنىن نىقتاپ جىتكىزگەن ەدى. ەندەشە بۇل جاۋاپكەرشىلىكتىڭ ءىسى.

دەسە دە، پرەزيدەنت پارمەن بەرىپ، قولعا الىنعان وسىناۋ اۋقىمدى ءىستىڭ باسىندا جاستار بىرلەستىكتەرى ءجيى بايقالىپ جۇرگەنى جاسىرىن ەمەس. مەملەكەت دامۋىنىڭ نەگىزگى درايۆەرى سانالاتىن جاستاردىڭ بويىنداعى كۇش پەن ءبىلىم، الەۋمەتتىك بەلسەندىلىك – ەرىكتىلەر قوزعالىسىنىڭ جەتەلەۋشى فاكتورىنا اينالىپ ۇلگەردى.

قازىر وسى باعىتتا ءتۇرلى جاستار ۇيىمدارى مەن بىرلەستىكتەر سالانى دامىتۋعا قارقىندى كۇش سالۋدا. وسى رەتتە قىزىلوردا وبلىستىق كاسىپوداقتار بىرلەستىگىنىڭ جانىنان قۇرىلعان «كەلەشەك» جاستار كەڭەسىنىڭ اتقارعان شارالارىنا توقتالعاندى ءجون كوردىك.

«كەلەشەك» جاستار كەڭەسى – كاسىپوداق بىرلەستىگىنىڭ قۇرامىنداعى جاستار ساياساتىن ۇيلەستىرۋشى ۇيىم. وعان ەڭبەكشى جاستاردىڭ الەۋمەتتىك، ەڭبەك قاتىناستارىنداعى قۇقىقتارى مەن مۇددەلەرىن زاڭ اياسىندا قورعاۋ، جاستاردىڭ كۇندەلىكتى تۇرمىستاعى وزەكتى ماسەلەلەرىن شەشۋ، جاستاردىڭ ستارت-اپ جوبالارىن ىسكە اسىرۋ، سونىمەن قاتار، ولاردى كاسىپوداق قۇرامىنا تارتۋ ت.ب. مىندەتتەر جۇكتەلگەن.

«كەلەشەكتىكتەر» وزدەرىنە وسى ارتىلعان مىندەتتەردىڭ ۇدەسىنەن شىعۋدا. وعان «كەلەشەكتىكتەردىڭ» كوپ ءىسى دالەل. اۋەلى، قازاقستانداعى جاستار ساياساتىن جۇزەگە اسىرۋمەن اينالىسىپ جۇرگەن بىرنەشە ۇيىمدارمەن ەكىجاقتى كەلىسىمدەر جاسالعان. سول كەلىسىمدەردىڭ اياسىندا سوڭعى ءبىر ايدىڭ ىشىندە ءبىراز ءىستىڭ باسى قايىرىلىپتى. ءسوزىمىن سۇيىق شىقپاسى ءۇشىن، ءبىرلى-جارىم مىسال كەلتىرە كەتەيىك...

«كەلەشەك» جاستار كەڭەسىنىڭ باسا نازار اۋدارعان ءبىر ءىسى – قايىرىمدىلىق پەن جاناشىرلىق ىستەر. قىزىلوردا وبلىستىق «جاستار رەسۋرستىق ورتالىعى» جانىنداعى ۆولونتەرلىك فرونت-وفيس مۇشەلەرىمەن بىرلەسە وتىرىپ، بىرنەشە قايىرىمدىلىق اكتسيالارى ۇيىمداستىرىلعان.

ودان بولەك، رەسپۋبليكالىق كاسىپوداقتار فەدەراتسياسى جانىنان قۇرىلعان «Kazakhstan En’bek adamy» كورپوراتيۆتىك قورىمەن بىرلەسىپ، «QAMQOR QAZAQSTAN» الەۋمەتتىك جوباسىن قولعا العان. وعان «ترانستەلەكوم» اكتسيونەرلىك قوعامى دەمەۋشىلىك كورسەتىپتى. جوبا اياسىندا وڭىردەگى كوپ بالالى جانە الەۋمەتتىك از قامتىلعان وتباسىلارعا، جالعىزباستى انالارعا ت.ب. مۇقتاج ازاماتتارعا كۇندەلىكتى تۇرمىستاعى ءبىرىنشى قاجەتتىلىكتى ونىمدەر تاراتىلعان.

بيىل ناۋرىزدا الەم ەلدەرىن ابىگەرگە سالعان كوروناۆيرۋس پاندەمياسى پايدا بولىپ، ەلدە توتەنشە جاعداي مەن كارانتين جاريالانعان الاعايدا بۇلاعاي كەزدە دە «كەلەشەك» جاستارى ەرىكتىلەر ساپىنان تابىلىپ، ازاماتتارعا ءتۇسىندىرۋ جۇمىستارىن جۇرگىزگەن. اتاپ ايتقاندا، بەتپەردەلەر مەن كوروناۆيرۋس ىندەتىنەن ساقتانۋدىڭ ەرەجەلەرى جازىلعان ارنايى اقپارات پاراقتارىن تاراتقان.

سونىمەن قاتار، وبلىستىق «جاستار رەسۋرستىق ورتالىعى» جانىنان الەۋمەتتىك دۇكەن اشىلىپ، مۇقتاج ازاماتتارعا ازىق-تۇلىك جانە ءدارى-دارمەكتەر تۇرىندە كومەك كورسەتىلگەن. ونىڭ ىشىندە، ىندەت ىندەگەن العاشقى كەزدە ءدارىحانالاردىڭ وزىندە تاپشى بولعان ەۋفيللين، ديسول، ناتري حلوريد، دەكسامەتازون ت.ب. ءدارى-دارمەكتەر بولعان. 2 اپتاعا جالعاسقان قايىرىمدىلىق اكتسياسى كەزىندە ەڭ تاپگشى دەگەن 200-دەن اسا ءدارى-دارمەك تاراتىلعان.

ونان سوڭ، «كەلەشەك» جاستار كەڭەسى جانىنان پسيحولوگيالىق كومەك كورسەتىپ، كەڭەس بەرەتىن ارنايى جەدەل جەلى ىسكە قوسىلعان. پسيحولوگيالىق كوڭىل-كۇي تاقىرىبىندا ارنايى ۆەبينارلار ۇيىمداستىرىلعان.

«كەلەشەكتىكتەر» كوتەرىپ جۇرگەن تاعى ءبىر ماسەلە – جاستاردى جۇمىسپەن قامتۋ ماسەلەسى. ونى شەشۋ ماقساتىندا بوس جۇمىس ورىندارىنىڭ جارمەڭكەسى ۇيىمداستىرىلىپتى. ونداعى ماقسات - قالاداعى جىلۋ قازاندىقتارىنىڭ جۇمىسىنا، بىرنەشە كوشەگىڭ قايتا جوندەۋ جۇمىسىنا، تەمىرجول پاركتەرىن اباتتاندىرۋعا، قوعامدىق كولىك ايالدامالارى مەن فۋتبول الاڭدارىن قايتا جوندەۋگە جۇمىسسىز جاستار كۇشىن تارتۋ بولعان ەكەن.

ال جۋىردا «ZOOM» پلاتفورماسى ارقىلى وڭىردەگى جاستار بىرلەستىكتەرى مەن قوعامدىق ۇيىمدار وسى جانە وزگە دە اتقارىلعان جۇمىستاردىڭ قورىتىندىسىن سوزتالقىعا سالىپ، جيىن وتكىزدى. جيىن بارىسىنداع الداعى ۋاقتا قولعا الىناتىن بىرقاتار جوسپارلار تالقىعا ۇسىنىلعان.

«جوعارىدا ءبىز «كەلەشەك» جاستار كەڭەسىنىڭ مۇشەلەرىنىڭ اتقارعان ءبىرلى-جارىم جۇمىسىن ءسوز ەتتىك. ەڭ باستى ماقساتىمىز – وسى قولعا الىنعان شارالاردى ارمەن قاراي دا جالعاستىرا بەرۋ. العا قويعام ماقساتىمىز ۇلكەن»، - دەيدى كەڭەس توراعاسى باۋىرجان ماستەكوۆ.

Abai.kz