اقش دۇنيەجۇزىلىك دەنساۋلىق ساقتاۋ ۇيىمىنان شىعادى
اقش 2021 جىلدىڭ شىلدەسىندە دۇنيەجۇزىلىك دەنساۋلىق ساقتاۋ ۇيىمىنان شىعادى. بۇل تۋرالى ەلدىڭ مەملەكەتتىك دەپارتامەنتى مالىمدەدى.
«پرەزيدەنت ترامپ اقش-تىڭ وسى ۇيىمنان شىعاتىنىن جاريالاعان كەزدە، ءبىز ودان دا ايقىن ءارى سەنىمدى سەرىكتەستەر ىزدەيتىنىمىزدى انىق ايتتى. شىعۋ 2021 جىلدىڭ 6 شىلدەسىندە كۇشىنە ەنەدى. اقش ۇكىمەتى پرەزيدەنتتىڭ مالىمدەمەسى جاريالانعاننان باستاپ بۇرىن ددسۇ جۇرگىزگەن ءىس-شارالاردى قابىلدايتىن جاڭا سەرىكتەستەر ىزدەۋدە»، - دەلىنگەن مەملەكەتتىك دەپارتامەنتتىڭ وكىلى مورگان ورتاگۋستىڭ حابارلاماسىندا.
بۇعان دەيىن دونالد ترامپ ددسۇ ۇيىمىن COVID-19 پاندەمياسى كەزىندە «قىتايلىق قۋىرشاق» بولدى دەپ ايىپتاعان. سونىمەن قاتار، ترامپ ددۇ-نى «قاجەتتى رەفورمالاردى» جۇرگىزۋدەن باس تارتتى دەپ ايىپتادى.
سونداي-اق اقش ددۇ الدىنداعى قارىزدىڭ قالدىعىن تولەمەيتىندىكتەرىن مالىمدەگەن.
ايتا كەتەيىك، اقش وتكەن جىلى دۇنيەجۇزىلىك دەنساۋلىق ساقتاۋ ۇيىمىنا شامامەن 18 ميلليون دوللار قارىز بولعان. بيىل بۇل قارىز 62 ميلليون دوللاردى قۇراپتى.
Abai.kz
