АҚШ 2021 жылдың шілдесінде Дүниежүзілік денсаулық сақтау ұйымынан шығады. Бұл туралы елдің Мемлекеттік департаменті мәлімдеді.

«Президент Трамп АҚШ-тың осы ұйымнан шығатынын жариялаған кезде, біз одан да айқын әрі сенімді серіктестер іздейтінімізді анық айтты. Шығу 2021 жылдың 6 шілдесінде күшіне енеді. АҚШ үкіметі президенттің мәлімдемесі жарияланғаннан бастап бұрын ДДСҰ жүргізген іс-шараларды қабылдайтын жаңа серіктестер іздеуде», - делінген Мемлекеттік департаменттің өкілі Морган Ортагустың хабарламасында.

Бұған дейін Дональд Трамп ДДСҰ ұйымын COVID-19 пандемиясы кезінде      «қытайлық қуыршақ» болды деп айыптаған. Сонымен қатар, Трамп ДДҰ-ны «қажетті реформаларды» жүргізуден бас тартты деп айыптады.

Сондай-ақ АҚШ ДДҰ алдындағы қарыздың қалдығын төлемейтіндіктерін мәлімдеген.

Айта кетейік, АҚШ өткен жылы Дүниежүзілік денсаулық сақтау ұйымына шамамен 18 миллион доллар қарыз болған. Биыл бұл қарыз 62 миллион долларды құрапты.

Abai.kz