بۇگىن، جامال اپانىڭ دۇنيەدەن قايتقانىنا 40 كۇن تولۋىنا وراي الماتى ورتالىق مەشىتىندە قايىرىمدىلىق شارا ءوتتى. 

قايىرىمدىلىق شاراعا الماتى قالاسىنىڭ باس يمامى ەركىنبەك شوقاي، الماتى قالاسى مەشىتتەرىنىڭ يمامدارى، «ىقىلاس-2050» قايىرىمدىلىق قورى جانە ەرىكتىلەر قاتىستى.

شارادا ءسوز العان الماتى قالاسىنىڭ باس يمامى ەركىنبەك شوقاي ەڭ الدىمەن قمدب-نىڭ توراعاسى، باس ءمۇفتي ناۋرىزباي قاجى تاعانۇلى حازرەتتىڭ ىستىق سالەمىن جەتكىزدى. سوسىن جامال اپامىزدىڭ 40 كۇندىك ساداقاسىن داستارحان جايىپ اس بەرۋدىڭ ورىنىنا، قازىرگى تاڭداعى كارانتيندىك تالاپتاردى ەسكەرە وتىرىپ، رەسپۋبليكالىق قايىرىمدىلىق شاراسىن قولعا العان عازيز انانىڭ پەرزەنتتەرىنە العىس ءبىلدىردى. بۇل يگى شارا اياسىندا ەلىمىزدەگى مۇقتاج وتباسىلارعا قامقورلىق جاسالىپ، سونىڭ ىشىندە الماتى قالاسى بويىنشا 500 وتباسىعا الەۋمەتتىك كومەك كورسەتىلەتىنىن ايتتى. سونداي-اق، ون بالانى ومىرگە اكەلگەن «باتىر انا»، «قۇرمەت» وردەنىنىڭ يەگەرى، جاقسىلىققا جانى قۇمار جامال اپانىڭ ەل ءۇشىن ىستىگەن ساۋاپتى امالدارىن ەسكە الىپ، جىلى لەبىزىن ءبىلدىردى. ءسوز سوڭىندا جومارات اناعا دۇعا باعىشتاپ، رۋحى پەيىشتە شالقىسىن دەپ تىلەك تىلەدى.

سودان قالانىڭ باس يمامى جامال اپانىڭ عيبراتتى عۇمىرىنان سىر شەرشەتىن بۇكتەمەلەر سالىنعان ازىق-تۇلىك سەبەتتەرىن مۇقتاج وتباسىلاردىڭ ۇيلەرىنە بارىپ ءوز قولىمەن تابىستادى.

قايىرىمدىلىق سەبەتتەرى مۇقتاج جانداردىڭ ۇيلەرىنە يمامدار مەن ەرىكتىلەردىڭ كومەگىمەن ارنايى كولىكتەردە جەتكىزىپ بەرىلدى.

الماتى ورتالىق مەشىتىنىڭ ءباسپاسوز قىزمەتى

Abai.kz