بەس ادام 20 جىلعا سوتتالدى. ۇشەۋى جەتى جىلدان 10 جىلعا دەيىن باس بوستاندىعىنان ايىرىلدى. ولاردىڭ ءبارى جۋرناليست ولىمىنە ايىپتى دەپ تانىلدى.

بيىل مامىر ايىندا حاششوگي وتباسى اكەسىن ولتىرگەندەرگە راقىمشىلىق جاساۋدى سۇراعان. كورولدىك زاڭىنا سايكەس، مۇنداي جاعدايدا ايىپتالۋشىلار ءولىم جازاسىنا كەسىلمەيدى.

The Washington Post گازەتىنىڭ كولۋمنيسى جامال حاشوگگي 2018 جىلدىڭ قازان ايىندا ستامبۇلداعى ساۋديالىق كونسۋلدىقتا ازاپتاپ ولتىرىلگەن. ونىڭ دەنەسى ءالى تابىلمادى.

حاشوگگي ەر-رياد ساياساتىن، اشىق ايتقاندا، تاق مۇراگەرى مۇحاممەد بين سالماندى قاتاڭ سىناپ كەلگەن.

بىلتىر قازان ايىندا Human Rights Watch حالىقارالىق قۇقىق قورعاۋ ۇيىمى حاشوگگي ىسىنە بايلانىستى جابىق ءوتىپ جاتقان سوت پروتسەسى حالىقارالىق تالاپتارعا ساي كەلمەيدى دەپ سىناعان. جەلتوقسان ايىندا ايىپتالۋشىلاردىڭ بەسەۋىنە ءولىم جازاسى، ۇشەۋىنە تۇرمە جازاسى كەسىلگەن بولاتىن.

ال شىلدە ايىنىڭ باسىنان بەرى تۇركيا دا حاشوگگي ىسىنە بايلانىستى سوت پروتسەسىن باستادى. وندا ساۋد ارابياسىنىڭ 20 ادامىنا قاتىستى ءىس ءجۇرىپ جاتىر. ولاردى سىرتتاي سوتتاماق.

Abai.kz