قۇقىق قورعاۋشىلار ادام قۇقىعى ناشارلاپ تۇرعان قىتايدا ويىندار وتكىزۋ وليمپيادا بەدەلىن تۇسىرەدى دەپ ەسەپتەيدى.

بىرقاتار قۇقىق قورعاۋشىلار 2008 جىلى بەيجىڭدە وتكەن جازعى وليمپيادا ويىندارى قىتاي بيلىگىنە اسا سەنىمدىلىك بەرىپ، مۇنىڭ سوڭى ۇيعىرلار مەن وزگە دە ەتنيكالىق ازشىلىقتى قۋعىنداۋعا اكەلدى دەپ سانايدى.

Reuters اگەنتتىگىنىڭ جازۋىنشا، اشىق حات جولداعان قۇقىق قورعاۋشىلاردىڭ ىشىندە قىتايدا تۇراتىن ۇيعىر، تيبەت جانە مونعولداردى قورعايتىن ۇيىمدار مەن گونكونگ تۇرعىندارى بار.

حوك ازىرگە بۇل ۇندەۋگە جاۋاپ بەرمەدى. وسىعان دەيىن Associated Press اگەنتتىگىنىڭ قىتايداعى ۇيعىرلار قۇقىعىنىڭ بۇزىلىپ جاتقانى جونىندەگى سۇراققا ۇيىم قانداي دا ءبىر ەلدى تاڭداعاندا، كوميتەت ول ەلدىڭ ساياسي قۇرىلىمىن قولدامايدى دەپ جاۋاپ بەرگەن.

قىتاي سىرتقى ىستەر مينيسترلىگىنىڭ ءباسپاسوز حاتشىسى چجاو ليتسزيان قۇقىق قورعاۋشىلار سپورتتى ساياسيلاندىرعىسى كەلەدى دەپ مالىمدەگەن.

Abai.kz