ۇلاربەك دالەيۇلى. جاڭاوزەندىك قۇرباندار ەسكەرتكىشىنە
تىم اۋىر عوي ەسكە الۋ...
قابىرلەردى ۇلگىرگەنشە بۇركەپ قار،
ايازدارعا ۇرىنعانشا ۇرپەك تال.
ەي، زىميان ساياساتى بۇل ەلدىڭ،
ەڭ سوڭعى رەت قانجارىڭدى سىلتەپ قال!
مەن وياۋمىن!
وياۋ مەنىڭ ايباتىم،
مەندىك رۋح بۇل قازاققا جايدى وتىن.
سەنەن بەزدىك!
سەرگەلدەڭگە تۇسكەن جۇرت،
كىمگە بارىپ ايتار ەندى قاي داتىن؟!
بۇل توپىراق جاسىمدى ءىشتى، قان ەمدى،
قانمەن بىرگە قايران قازاق زار ەمدى.
مەن الديلەپ مىناۋ بەيعام الەمدى -
جەر تۇبىنەن الام مۇمكىن زارەڭدى.
بىزدەن سەنىم،
ال، سەندەردەن ار ءولدى.
جەلتوقساندا جەلمەن ۇشقان جاپىراقتاي،
تابانداردا قال، ەندى!
قان مەن جاستىڭ قىزۋىنا جىلىنعان،
ساسكە تۇستە شايتانداي مىڭ قۇبىلعان.
اللا الدىندا اق انتىنان اينىعان،
ءبىر سۇمدىقتى سەزگەم سەنىڭ سۇرىڭنان.
...رۋحىم بار دالامەنەن جۇلگەلەس،
اۆتوريتارلىق جۇيەدەن سۋىنعان.
اۋىر سىناق كىشىگە ءھام ۇلىعا،
بايتاق دالا جىر قوسادى جىرىما.
ءيىسى قازاق توبەسىنە كوتەرەر،
«قۇلدانبا!» - دەپ ۇران جازدىم تۋىما.
جانە مىناۋ ۇلى ەركىندىك كۇرەسىن،
اماناتتاپ كەتتىم مۇڭلىق ۇلىما...
سولار قۇرار كۇلتوبەدە كەڭەستى،
(عۇننان جەتكەن ءۇمىتىم بۇل ەڭ ەسكى...)
ءۇش ءجۇز جىلدىق قۇلدىقتان بۇل - ويانۋ،
سەن ايتقانداي «ەل بۇلىگى» ەمەس-ءتى.
تىم اۋىر عوي ەسكە الۋ...
قابىرلەردى ۇلگىرگەنشە بۇركەپ قار،
ايازدارعا ۇرىنعانشا ۇرپەك تال.
ەي، زىميان ساياساتى بۇل ەلدىڭ،
ەڭ سوڭعى رەت قانجارىڭدى سىلتەپ قال!
مەن وياۋمىن!
وياۋ مەنىڭ ايباتىم،
مەندىك رۋح بۇل قازاققا جايدى وتىن.
سەنەن بەزدىك!
سەرگەلدەڭگە تۇسكەن جۇرت،
كىمگە بارىپ ايتار ەندى قاي داتىن؟!
بۇل توپىراق جاسىمدى ءىشتى، قان ەمدى،
قانمەن بىرگە قايران قازاق زار ەمدى.
مەن الديلەپ مىناۋ بەيعام الەمدى -
جەر تۇبىنەن الام مۇمكىن زارەڭدى.
بىزدەن سەنىم،
ال، سەندەردەن ار ءولدى.
جەلتوقساندا جەلمەن ۇشقان جاپىراقتاي،
تابانداردا قال، ەندى!
قان مەن جاستىڭ قىزۋىنا جىلىنعان،
ساسكە تۇستە شايتانداي مىڭ قۇبىلعان.
اللا الدىندا اق انتىنان اينىعان،
ءبىر سۇمدىقتى سەزگەم سەنىڭ سۇرىڭنان.
...رۋحىم بار دالامەنەن جۇلگەلەس،
اۆتوريتارلىق جۇيەدەن سۋىنعان.
اۋىر سىناق كىشىگە ءھام ۇلىعا،
بايتاق دالا جىر قوسادى جىرىما.
ءيىسى قازاق توبەسىنە كوتەرەر،
«قۇلدانبا!» - دەپ ۇران جازدىم تۋىما.
جانە مىناۋ ۇلى ەركىندىك كۇرەسىن،
اماناتتاپ كەتتىم مۇڭلىق ۇلىما...
سولار قۇرار كۇلتوبەدە كەڭەستى،
(عۇننان جەتكەن ءۇمىتىم بۇل ەڭ ەسكى...)
ءۇش ءجۇز جىلدىق قۇلدىقتان بۇل - ويانۋ،
سەن ايتقانداي «ەل بۇلىگى» ەمەس-ءتى.
حالىق تەرىن قارا نان عىپ يلەگەن،
كۇل بوپ كەتكىر كۇيەۋ قامىن كۇيلەپ ەڭ...
قاق جارىلىپ جاتىر مىنە، جۇرەگىم،
ءوز باۋىرىم اتقان وقتان تۇيرەگەن.
جارىعىمەن سۇيەر ءبىزدى كۇن العى،
تاريح ءوزى سەيىلتەدى تۇماندى.
قايعىلى ەلگە جاۋىپ كەتكىڭ كەلە مە،
كاسپي جۋىپ تازارتا الماس كۇناڭدى.
تىم اۋىر عوي ەسكە الۋ...
ءبىر اللاعا نالىپ ايتقان جان مۇڭىن،
قازاق ءۇشىن بۇل اۋىر كۇن،
قاندى كۇن!
قابىرىمدە مىڭ گۇل بولىپ كوكتەيدى،
شارشى الاڭدا وق جالماعان تاعدىرىم.
وۋ، ون التىنشى جەلتوقسان!
جەل ىسقىرعان الاڭدا،
وق ىسقىرعان الاڭدا،
جىرتقىش قولدار ەل جۇرەگىن سۋىردى،
جىرتقىش قولدار تاپتادى ونى تاباندا.
جەتپەس استە ءبىر ادامنىڭ عۇمىرى،
كوزدەن اققان تامشىلاردى ساناۋعا.
...مۇرتىن سيپاپ كۇلىپ جاتتى بىرەۋلەر،
قازاق جۇرتىن تاستاپ قويىپ تالاۋعا.
قانشا قىرشىن عۇمىرلاردى جالمادى وق،
وق اتتى دا تىرەلدى ءوزى جارعا كەپ.
سول دۇبىردە مەنەن اققان قىزىل قان،
تاريحىڭا باسىلدى ەندى تاڭبا بوپ!
جوعالادى بۇل كۇندەردىڭ قۇلدىعى،
اشىلادى ساتقىندىقتىڭ شىندىعى،
وڭ بەتىنەن اشىلادى جانە دە،
اقوردانىڭ تاس بۇركەنگەن تۇندىگى.
...قازاق تىككەن سول وردانىڭ الدىندا،
ەسكەرتكىش بوپ ورالامىن ءبىر كۇنى!..
كەيىمە ەلىم،
رۋحىم ءتىرى، ءتان ءولدى،
نامىسىم بۇل!
دۇبىرلەتكەن الەمدى.
ەي، انتۇرعان، قاسيەتسىز قاندەستەر،
بىزدىك جىگەر تەك ەرلىككە تاۋەلدى.
جەلتوقساندا جەلمەن ۇشقان جاپىراقتاي،
تابانداردا قال، ەندى!
تىم اۋىر عوي ەسكە الۋ...
«اباي-اقپارات»
