ويتكەنى، ورالمان دەگەنىمىز - قازاق. بىراق، مۇنى ءبىزدىڭ جوعارى لاۋازىمدى شەنەۋنىك بىلگىسى دە، تۇسىنگىسى دە كەلمەيدى. دارداي لاۋازىمى بار ەرمۇحامەت ەرتىسباەۆتى ايتام. قازاقستان پرەزيدەنتىنىڭ ساياسي ماسەلەلەر بويىنشا كەڭەسشىسى «ينتەرفاكس- قازاقستان» اگەنتتىگىنە بەرگەن سۇحباتىندا جاڭاوزەندەگى دۇربەلەڭگە قاتىستى: «جاڭاوزەندەگى وقيعالاردىڭ نەگىزگى ۇيىمداستىرۋشىسى رەتىندە تۇركىمەنستاننان، وزبەكستاننان كەلگەن، جاقىندا عانا قازاقستان ازاماتتىعىن العان ادامدار شىقتى. ولار ءالى قازاقستاندىق مەنتاليتەتكە كىرىپ ۇلگەرگەن جوق».- دەپ بوسەدى. بۇل بىرىنشىدەن جالا، ەكىنشىدەن، ءبىر قازاقتى ورالمان جانە جەرگىلىكتى دەپ ءبولۋ. كەزىندە پاتشالىق رەسەيدىڭ الاشقا قولدانعان ەڭ ءبىر سۋايت ءتاسىلى. ءدال وسى ءادىستى ەرمۇحامەت مىرزا الدەكىمدەردىڭ ايتاقتاۋىمەن ءوز حالقىنا قولدانىپ وتىر. وسى ءسوزدى وقىپ-توقىعانى ازداۋ، تاريحتان ماقۇرىم ءبىر قاراپايىم ادام ايتسا، قاتتى وكىنىش بىلدىرمەگەن بولار ەدىم. الايدا، مۇنى ەلباسىنىڭ ساياسي كەڭەسشىسىنىڭ ايتۋى ۇلكەن ساياسي قاتەلىك جانە وپاسىزدىق دەپ باعالايمىن.

ويتكەنى، ورالمان دەگەنىمىز - قازاق. بىراق، مۇنى ءبىزدىڭ جوعارى لاۋازىمدى شەنەۋنىك بىلگىسى دە، تۇسىنگىسى دە كەلمەيدى. دارداي لاۋازىمى بار ەرمۇحامەت ەرتىسباەۆتى ايتام. قازاقستان پرەزيدەنتىنىڭ ساياسي ماسەلەلەر بويىنشا كەڭەسشىسى «ينتەرفاكس- قازاقستان» اگەنتتىگىنە بەرگەن سۇحباتىندا جاڭاوزەندەگى دۇربەلەڭگە قاتىستى: «جاڭاوزەندەگى وقيعالاردىڭ نەگىزگى ۇيىمداستىرۋشىسى رەتىندە تۇركىمەنستاننان، وزبەكستاننان كەلگەن، جاقىندا عانا قازاقستان ازاماتتىعىن العان ادامدار شىقتى. ولار ءالى قازاقستاندىق مەنتاليتەتكە كىرىپ ۇلگەرگەن جوق».- دەپ بوسەدى. بۇل بىرىنشىدەن جالا، ەكىنشىدەن، ءبىر قازاقتى ورالمان جانە جەرگىلىكتى دەپ ءبولۋ. كەزىندە پاتشالىق رەسەيدىڭ الاشقا قولدانعان ەڭ ءبىر سۋايت ءتاسىلى. ءدال وسى ءادىستى ەرمۇحامەت مىرزا الدەكىمدەردىڭ ايتاقتاۋىمەن ءوز حالقىنا قولدانىپ وتىر. وسى ءسوزدى وقىپ-توقىعانى ازداۋ، تاريحتان ماقۇرىم ءبىر قاراپايىم ادام ايتسا، قاتتى وكىنىش بىلدىرمەگەن بولار ەدىم. الايدا، مۇنى ەلباسىنىڭ ساياسي كەڭەسشىسىنىڭ ايتۋى ۇلكەن ساياسي قاتەلىك جانە وپاسىزدىق دەپ باعالايمىن.

ارينە، الاشتىڭ كوبەيگەنى بەلگىلى ءبىر توپتارعا ۇناماسى ايدان انىق . وتكەندەگى سايلاۋدا 67 پايىز بولدىق دەپ بوركىمىزدى اسپانعا لاقتىرا بەرگەنىمىزدە، بيلىكتەگىلەر تەز ارادا ويلارىنان اينىپ 63 پايىزعا ءبىر-اق سىرعىتتى. ءوزىڭىز ويلاپ قاراڭىز، نەگىزى وزگە ۇلتتاردان قۇرالعان ميللياردەر بايلارعا قازاقتىڭ كوبەيگەنى ءتيىمدى مە؟ سانىمىز ارتقان سايىن ولاردىڭ تىنىسى تارىلا تۇسەدى. «كوپ قورقىتادى، تەرەڭ باتىرادى» دەگەن دانا حالقىمىز. ولاردىڭ جيعان-تەرگەنىن ءبىر كۇن بولماسا ءبىر كۇنى داۋلايتىنىمىز انىق. ويتكەنى،ەشكىمنىڭ اكەسىنەن قالعان بايلىق جوق. ونىڭ بارلىعى اتا-بابالارىمىزدىڭ ۇرپاعىنا تاستاپ كەتكەن اماناتى. سوندىقتان، ولار ءوزىنىڭ ارام ويلارىن وسىنداي جوعارى لاۋازىمدى شەنەۋنىكتەردىڭ اۋزىمەن ايتقىزۋعا بارىن سالۋدا. ويلان، ەرتىسباەۆ مىرزا! تۋعان حالقىن ساتقاندار ەشقاشان وپا تاپپاعانىنا قارت تاريح كۋا!

ەكىنشىدەن، زاڭ دا ءسىزدى قارالايدى. قازاقستان رەسپۋبليكاسى قىلمىستىق كودەكستىڭ 164 بابىنىڭ 1 جانە 3 تارماقشاسىسىنا ساي جالا جاپقان بولىپ ەسەپتەلەسىز. بۇل ءۇشىن قانشا جىلعا كەسەتىنىن بىلگىڭىز كەلسە، كودەكستە اشىپ وقىساڭىز جەتىپ جاتىر. بۇعان ساۋاتىڭىز جەتىپ ارتىلاتىنىنا كۇمانىم جوق.

ۇشىنشىشەن، بۇل ارەكەتىڭىزدى شاريعات تا قاتتى ايىپتايدى. ەسىمىڭىز پايعامبارىمىز مۇحاممەدتىڭ (س.ع.س.) قۇرمەتىنە قويىلعانىنا ەش ءشۇبام جوق. اتاڭىز، اكەڭىز نە باسقا تۋىسقاندارىڭىز جاقسىلىقپەن ىرىمداپ قويعان بولار، ءسىرا. بىراق، ءسىزدىڭ ءوز حالقىنا تاس اتاتىنىڭىز ولاردىڭ ءۇش ۇيىقتاسا تۇسىنە كىرمەگەن بولار. ءوزىڭىزدى مۇسىلمان سانايتىندىعىڭىزعا دا كۇمانىم جوق. ءاربىر ءوزىن مۇسىلمان سانايتىن ادام قۇران مەن حاديسكە يمانداي سەنىپ، مۇمكىندىگىنشە امال ەتۋى شارت. ولاي بولسا پايعامبارىمىز (س.ع.س.) جالاقور تۋرالى بىلاي دەگەن-ءدى:

«ءبىر ادام ءبىر مۇسىلماننىڭ ىستەمەگەن نارسەسىن ىستەدى دەپ جالا جاپسا، اقىرەتتە جالا جابىلعان ادام جالا جابۋشىنى كەشىرگەنگە دەيىن اللا تاعالا ونى توزاق تا جاعادى ء(ابۋ ءداۋىت).

ەكىنشى ءبىر حاديسىندە:

«بەس كۇنانىڭ كاففاراتى جوق: اللاعا سەرىك قوسۋ، ناقاقسىز ادام ءولتىرۋ، مۇمىنگە جالا جابۋ، سوعىس كۇنى سوعىستان قاشۋ، جالعان كۋالىك بەرۋ».

ەسىڭىزگە مىنانى سالعىم كەلەدى. يسلام عالىمدارىنىڭ ورتاق پىكىرىنشە توزاقتاعى ەڭ جەڭىل جازا تابانىڭىزدان قويىلعان وتتان ميىڭىز قاينايدى. ەكىنشى حاديسكە امال ەتسەك، جازاڭىز ودان سايىن اۋىرلاي تۇسەدى. كاففارات دەگەن ءسوز ايىبىن وتەۋ دەگەن ماعىنانى بىلدىرەدى. ايىبىڭىزدى مىنا دۇنيەدە وتەمەسەڭىز، ەرتەڭ كەش بولادى. ادامنان قورىقپاساڭىز دا قۇدايدان قورقىڭىز!

«اباي-اقپارات»