ءار حالىق ءوزىنىڭ داستۇرىمەن جانە جازىلعان زاڭدارىمەن تانىمال.  ولاردىڭ كەيبىرەۋلەرى وسى كۇنگە دەيىن ساقتالسا، ال كەيبىرەۋلەرى مۇلدەم ۇمىتىلعان

بالانىڭ العاشقى سوزدەرى ءار وتباسى ءۇشىن ەرەكشە مانگە يە.  الايدا، ەجەلگى ۋاقىتتا بۇل ءىس-شارا تەك تۋىستاردى عانا ەمەس، سونىمەن قاتار ءبىر ارنايى قوناقتى دا شاقىرىپ، ەرەكشە تۇردە تويلانعان.

بالا العاشقى سوزدەردى ايتا باستاعاننان-اق، اتا-اناسى ەرەكشە شەشەندىككە يە، اقىلدى جانە قۇرمەتتى ادامدى قوناققا شاقىرادى.  ول سابيمەن بىرگە ارنايى ءراسىم جاساپ، بالاعا تانىس سوزدەردى ايتىپ جانە قايتالاعاندا اتا-اناسى: «ءتىلى اشىلدى»، - دەيدى جانە بۇل ءداستۇر «ءتىلاشار» دەپ اتالادى.

بۇگىن بۇل ءداستۇر ءبىزدىڭ ورتالىعىمىزدا دا ءوتتى.  ءبىزدىڭ ماماندارمەن بىرگە قيىن جولدان ءوتىپ، العاشقى سوزدەردى ايتا باستاعان بالالاردى جانە ولاردىڭ اتا-انالارىن سالتاناتتى تۇردە قۇتتىقتايمىز.

بۇل ءىس-شاراعا 16 جىلدان بەرى قور جۇمىسىنا بەلسەندى تۇردە كومەكتەسىپ كەلە جاتقان جانە ونى قۇرىلۋىنا ۇلەس قوسقان مەتسەنات يساباەۆ باۋىرجان قاتىستى.

«ءبىزدىڭ كورپوراتيۆتىك قور ءتورتىنشى جىل قاتارىنان جۇلدىزاي مەديتسينالىق ورتالىعىندا وڭالتۋدان ءساتتى وتكەن بالالاردىڭ ومىرىندەگى العاشقى قادامدارىنا ارنالعان « تۇساۋ كەسەر » ءراسىمىن وتكىزدى.

وسى شاراعا قاتىسىپ، بالالارىمىزدىڭ جەتىستىگىن قۋانا-قۋانا كورۋ مەن ءۇشىن ۇلكەن مارتەبە. 4000-نان استام قىزمەتكەرىمىز قولدايتىن ءبىزدىڭ كورپوراتيۆتى قورىمىز بۇگىنگى كۇنى بالالارىمىزدىڭ دەنساۋلىعى مەن ءال-اۋقاتىنىڭ جولىندا قوزعاۋشى كۇش بولعانىنا قۋانىشتىمىن »، - دەدى يساباەۆ.

ءىس-شارادا مۇعالىمدەردىڭ، لوگوپەدتەردىڭ، دەفەكتولوگتاردىڭ جۇمىستارىن كورسەتتى.  ءبىزدىڭ ورتالىق جىل سايىن 3000-نان استام بالانى ساۋىقتىرادى.  713 وپەراتسيا وتكىزىلدى، «تالىمگەرلىك» جوباسىنىڭ قولداۋىمەن 130-دان استام بالا «تۇساۋ كەسەر» راسىمىنە قاتىسىپ، العاشقى قادامدارىن جاسادى.

Abai.kz