ءوتكەن جىلى مەملەكەت باسشىسى قاسىم-جومارت توقاەۆتىڭ باستاماسىمەن قۇرىلعان ۇلتتىق قوعامدىق سەنءىم كەڭەسءىنءى بءىر جىلدان استام ۋاقىتتا قانداي ماڭىزدى جۇمىستاردى تىندىردى؟ بۇل سۇراققا اقپارات جءانە قوعامدىق دامۋ مينيسترءى ايدا بالاەۆا جاۋاپ بەردءى.

مينيستر قازاقستان رەسپۋبليكاسى پرەزيدەنتى تەلەراديوكەشەنىنىڭ YouTube جەلىسىندەگى رەسمي ارناسىنداعى «بالاەۆاعا 3 سۇراق» باعدارلاماسىنا بەرگەن سۇحباتىندا ۇلتتىق كەڭەستىڭ ءبىر جىل ىشىندەگى جۇمىسىن قورىتىندىلادى. بالاەۆا اتالعان باعدارلامانىڭ التىنشى شىعارىلىمىندا اتالعان كەڭەستىڭ باستى ەڭبەگى، جوسپارى مەن كەلەشەگى جايلى ءوز ويىن ايتتى ءبولىستى.

اقپارات جانە قوعامدىق دامۋ ءمينيسترى ايدا بالاەۆانىڭ ايتۋىنشا، ۇلتتىق قوعامدىق سەنىم كەڭەسىنىڭ قۇرىلعانىنا ءبىر جىلدان ەندى عانا اسسا دا، وسى از عانا ۋاقىت ارالىعىندا قوعامدىق ماڭىزى بار كوپتەگەن يگى جۇمىستار اتقارىلدى. ول جۇمىستار بارشا قوعام نازارىن وزىنە اۋدارىپ، وڭ ناتيجە كورسەتە الدى دەپ ەسەپتەيدى مينيستر.

سونىمەن قاتار، مينيستر ۇلتتىق قوعامدىق سەنىم كەڭەسىنىڭ قولعا العان ىستەرىنڭ ەڭ نەگىزگى ناتيجەسى ساياسي رەفورمالار توپتاماسىن قالىپتاستىرۋ دەپ ەسەپتەيدى. ناقتىراق ايتقاندا، قوعامدىق سەنىم كەڭەسىنىڭ قابىرعاسىندا «پارلامەنت جانە ونىڭ دەپۋتاتتارىنىڭ مارتەبەسى تۋرالى»، «سايلاۋ تۋرالى جانە «ساياسي پارتيالار تۋرالى» زاڭدارعا وزگەرىس ەنگىزىلگەن، سونداي اق «بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» جاڭا زاڭ قابىلدانىپ، قولدانىسقا ەنگىزىلدى. بۇلارعا قوسا، قوعامدىق كەڭەستىڭ قىزمەت باستاعان ساتتەن بەرى قىلمىستىق كودەكستىڭ 130-بابى قىلمىس ساناتىنان الىنىپ، اكىمشىلىك كودەكس قاتارىنا قوسىلدى. سونىمەن قاتار قىلمىستىق كودەكستىڭ 174- بابىنداعى باس بوستاندىعىنا ايىرۋ تۋرالى جازا ايىپپۇل سالۋعا الماستىرىلىپ، وزگەرىس ەنگىزىلدى. بۇدان بولەك تاعى «ارداگەرلەر تۋرالى» جاڭا زاڭ قابىلداندى. شەتەلدىك جۇمىس كۇشتەرىنە بولىنەتىن كۆوتا ەكى ەسەگە قىسقارتىلدى. اۋىل شارۋاشىلىق جەرلەرىن ءتيىمدى پايدالانۋ جۇمىستارى اياسىندا جەتى ميلليون گەكتار جەر مەملەكەت مەنشىگىنە قايتارىلدى. وسى جۇمىستى جۇزەگە اسىرۋ ءۇشىن كوسموستان مونيتورينگ جوباسى ىسكە قوسىلىپ، جۇزەگە اسىرىلدى.

ءمينيستردىڭ ايتۋىنشا، ۇلتتىق قوعامدىق سەنىم كەڭەسى قازاقستاندا قوعامدىق وي ەركىندىگىنە، پىكىر ءار الۋاندىعىنا شەكتەۋ جوق ەكەنىنىڭ ايقىن كورىنىسى بولدى. سول ءۇشىن دە كەڭەس ءوز قىزمەتىن جالعاستىرا بەرۋگە تولىق مۇمكىندى بار. «حالىق ۇنىنە قۇلاق اساتىن مەملەكەتتە» مۇنداي كەڭەستىڭ جۇمىس ىستەۋى اقىلعا قونىمدى دەپ ەسەپتەيدى مينيستر. قوعامدىق سەنىم كەڭەسى ءبىر سالامەن عانا شەكتەلىپ قالماي، ۋاقىت تالابىنا ساي جاڭارىپ، كوتەرەتىن ماسەلەلەرى دە ۇنەمى تولىسىپ، دامي بەرەتىن بولادى.

Abai.kz