نۇرسۇلتان نازارباەۆ: «ءبىزدىڭ بۋىن كىنالى ەمەس...»
بۇگىن الماتىدا ءبىر توپ ونەر جانە مادەنيەت قايراتكەرلەرىنە ەلباسى پرەزيدەنت ستەپەندياسىن تاپسىردى، دەپ حابارلايدى Tengrinews.kz.
پرەزيدەنت ستەپەندياسى يەگەرلەرىنىڭ قاتارىندا بيبىگۇل تولەگەنوۆا، ەرمەك سەركەباەۆ، ءاسانالى ءاشىموۆ، شەرحان مۇرتازا، اكىم تارازي، فاريزا وڭعارسىنوۆا، مەرۋەرت وتەكەشوۆا، زامزاگۇل ءشارىپوۆا، گۇلنار دوسماتوۆا، يۋري اراۆين، اناتولي مولودوۆ، قاليحان ىسقاق، نۇرتاس يساباەۆ، ساكەن يماناسوۆ، تۇرسىنجان شاپاي، ءامىر بەيسەنعاليەۆ، جاس ءانشى ەربولات قۇدايبەرگەنوۆتار بار ەكەن.
مۋزىكاتانۋشى يۋري اراۆين ءوز سوزىندە پرەزيدەنتكە العىسىن ايتا كەلىپ، ەلباسىنان زەينەتكەرلىككە شىقپاۋىن سۇرادى، دەيدى Tengrinews.kz
Tengrinews.kz-ءتىڭ جازۋىنا قاراعاندا، اتالعان شارا بارىسىندا پرەزيدەنت ن.نازارباەۆ قازاقستان جاستارىن ەۋروپاداعى، اراب ەلدەرىندەگى توڭكەرىستەرگە ەلىكتەمەۋگە شاقىرىپ: «ءبىز قازىر قازاقستان حالقىنىڭ بىرلىگىن، تولەرانتتىلىعىن، ءوزارا سەنىمىن نىعايتۋعا تالپىنىپ جاتىرمىز. ءبىزدىڭ ەڭ باستى جەتىستىگىمىز قازاقستاندى بىرگە قۇرىپ جاتقاندىعىمىز. ءبىز مەملەكەتتى دامىتۋىمىز كەرەك جانە ءبىزدىڭ قالاي تۇرىپ جاتقانىمىزعا قىزعانىشپەن قارايتىنداردىڭ بار ەكەنىن، سوندىقتان دا ولاردىڭ بىزدەگى جاعدايدىڭ كەرىسىنشە بولعانىن قالايتىنىن جاستارعا ءتۇسىندىرىپ ايتۋىمىز قاجەت. ونىڭ ۇستىنە توڭكەرىس بولعان ەلدەردىڭ ەكونوميكاسى 10-15 جىلعا شەگىنىپ كەتتى»،- دەپتى.
بۇگىن الماتىدا ءبىر توپ ونەر جانە مادەنيەت قايراتكەرلەرىنە ەلباسى پرەزيدەنت ستەپەندياسىن تاپسىردى، دەپ حابارلايدى Tengrinews.kz.
پرەزيدەنت ستەپەندياسى يەگەرلەرىنىڭ قاتارىندا بيبىگۇل تولەگەنوۆا، ەرمەك سەركەباەۆ، ءاسانالى ءاشىموۆ، شەرحان مۇرتازا، اكىم تارازي، فاريزا وڭعارسىنوۆا، مەرۋەرت وتەكەشوۆا، زامزاگۇل ءشارىپوۆا، گۇلنار دوسماتوۆا، يۋري اراۆين، اناتولي مولودوۆ، قاليحان ىسقاق، نۇرتاس يساباەۆ، ساكەن يماناسوۆ، تۇرسىنجان شاپاي، ءامىر بەيسەنعاليەۆ، جاس ءانشى ەربولات قۇدايبەرگەنوۆتار بار ەكەن.
مۋزىكاتانۋشى يۋري اراۆين ءوز سوزىندە پرەزيدەنتكە العىسىن ايتا كەلىپ، ەلباسىنان زەينەتكەرلىككە شىقپاۋىن سۇرادى، دەيدى Tengrinews.kz
Tengrinews.kz-ءتىڭ جازۋىنا قاراعاندا، اتالعان شارا بارىسىندا پرەزيدەنت ن.نازارباەۆ قازاقستان جاستارىن ەۋروپاداعى، اراب ەلدەرىندەگى توڭكەرىستەرگە ەلىكتەمەۋگە شاقىرىپ: «ءبىز قازىر قازاقستان حالقىنىڭ بىرلىگىن، تولەرانتتىلىعىن، ءوزارا سەنىمىن نىعايتۋعا تالپىنىپ جاتىرمىز. ءبىزدىڭ ەڭ باستى جەتىستىگىمىز قازاقستاندى بىرگە قۇرىپ جاتقاندىعىمىز. ءبىز مەملەكەتتى دامىتۋىمىز كەرەك جانە ءبىزدىڭ قالاي تۇرىپ جاتقانىمىزعا قىزعانىشپەن قارايتىنداردىڭ بار ەكەنىن، سوندىقتان دا ولاردىڭ بىزدەگى جاعدايدىڭ كەرىسىنشە بولعانىن قالايتىنىن جاستارعا ءتۇسىندىرىپ ايتۋىمىز قاجەت. ونىڭ ۇستىنە توڭكەرىس بولعان ەلدەردىڭ ەكونوميكاسى 10-15 جىلعا شەگىنىپ كەتتى»،- دەپتى.
سونداي-اق، قازاقستان پرەزيدەنتى مەملەكەتتىك ءتىل تۋرالى دا ءوز ويىن ايتتى، دەپ جازادى news.mail.ru الەۋمەتتىك جەلىسىنىڭ اقپاراتتىق پاراقشاسى. (http://news.mail.ru/inworld/kazakhstan/politics/7789482/?frommail=1)
«قازىر قازاقستان ءوزىنىڭ مەملەكەتتىك ءتىلىن قالپىنا كەلتىرىپ جاتىر. ءدىن قايتا ورالدى. كورىپ وتىرعانىمىزداي، بۇل ءىس كەزەڭ-كەزەڭىمەن ىسكە اسىپ كەلەدى. اقشا ءبولىنىپ، نازارعا الىندى. قازىرگى ۋاقىتتا بارلىق مەكتەپتەردە بالالار مەملەكەتتىك تىلدە سويلەيدى. بۇل قالىپتى جاعداي.
ال، مەملەكەتتىك ءتىلدى بىلمەگەنىنە ءبىزدىڭ بۋىن كىنالى ەمەس. ءتىپتى، قازاقتاردىڭ 30 پايىزى قازاق ءتىلىن جاقسى بىلمەيدى. بۇدان ولاردىڭ قازاقتىعى كەمىپ قالدى ما؟ بۇل ماسەلەگە ءبارىن تارازىلاپ، ادامگەرشىلىك تۇرعىدان قاراۋ كەرەك. ءبارى قالىپتى، تىنىش ءجۇرىپ جاتىر. وزا شابۋدىڭ قاجەتى جوق»، - دەيدى نۇرسۇلتان نازارباەۆ.
«اباي-اقپارات»
