قازاقستان رەسپۋبليكاسىنىڭ وتىز جىلعا جۋىق تاريحىندا ەل ءومءىرءى ءۇشءىن ءوتە ماڭىزدى جىلنامالار بولعانىن بءارءىمءىز بءىلەمءىز. دءال سوندا ەل تاريحىندا الار ورنى ەرەكشە جىلداردىڭ بءىرءى بيىل، 2020 جىل بولدى دەۋگە بولادى. بۇل دەۋءىمءىزگە سەبەپ،  2019 جىلى 27 تامىزدا قازاقستان رەسپۋبليكاسىنىڭ مەملەكەت باسشىسى قاسىم-جومارت كەمەلۇلى توقاەۆ بيىلعى جىلدى ەرءىكتءىلەر جىلى (ۆولونتەرلەر جىلى) دەپ رەسمي جاريالعان بولاتىن.

مەملەكەت باسشىسى بۇگىنگى تاڭداعى ەرىكتىلەردىڭ قوعامداعى ماڭىزىن تۇسىندىنگەن بولاتىن. ەركىتى بولۋ كەيبىرەۋلەر ايتىپ جۇرگەندەي ەرىككەندەردىڭ ەرمەگى ەمەس. سول سەكىلدى ەرىكتىلەردى ەرىككەندەر دەپ قاراۋعا تاعى بولمايدى. ءبىز بۇل تۇجىرىمدى ەل پرەزيدەنتىنىڭ سوزىنەن تۇيىندەپ وتىرمىز. دەمەك، ەرىكتىلەر قوعامداعى ۇلكەن قوزعاۋشى كۇش، جەتپەي تۇرعان تۇستى جالعام، كومەك كەرەك جەردە قول ءۇشىن سوزاتىن ۇلكەن كۇش دەۋگە بولادى.

ءبارىمىز بىلەتىندەي بيىلعى جىل ءبىزدىڭ ەلگە عانا ەمەس، تۇتاس الەمگە اۋىر ءتيىپ جاتىر. جىل باسىندا كۇش العان كوروناۆيرۋس ىندەتى تۇتاس الەمدى تابانىنان تىك تۇرىعىزىپ، قىيىندىققا ۇشىراتتى. وسىنداي قيىن قىستاۋ كۇندە ءىرى قالالاردا عانا ەمەس، الىس اۋىل اۋدانداردا دا كومەككە مۇقتاج ادامدار كوپتەپ كەزدەسكەنى شىندىق. مىنە وسىنداي ساتتە جىعىلعاندى سۇيەپ، سۇرىنگەندى دەمەگەندەردىڭ اراسىندا ەرىكتىلەردىڭ الار ورنى ەركەشە بولدى.

جاز باسىندا كوروناۆيرۋس ىندەتى ەلىمىز اۋماعىندا بارىنشا ءورشىپ، تۇتاس ەلدە كارانتين جاريالانىپ، توتەنشە جاعداي ەنگىزىلگەن تۇستا جۇمىسىنان ايىرىلىپ، تابىسىنان قاعىلعان، قيىنشىلىققا ۇشىراعان جاندار ازا بولعان جوق. ول ازاماتتارعا مەملەكەت، ەل ۇكىمەتى قولدان كەلگەنشە كومەكتەستى. ەشكىم ۇكىمەتتىڭ نازارىنان تىس قالعان جوق. بارلىق كومەككە مۇقتاج جاندار مەملەكەت تاراپىنان قاجەتتى كومەتى الدى دەپ سەنىممەن ايتۋعا بولادى. وسىنداي سىندارلى كەزدە ەل ازاماتتارىنىڭ ناعىز ازاماتتىعى سىنعا ءتۇستى دەۋگە نەگىز بار. ال ەرىكتىلەر وسىنداي ساتتە كەۋدە كەرىپ العا شىعىپ، باسىن بايگىگە تىكە وتىرىپ، قيىن كەزەڭدە حالىقپەن بىرگە بولدى. سول ءۇشىن دە ولاردى بەيبىت زاماننىڭ باتىرلارى دەسەك ارتىق ايتقانىمىز ەممەس. اقىلى مەن ازاماتتىعى، ءبىلىمى مەن بىلىگى قاتار ازاماتتار عانا وسىنداي تار جول تايعاق كەشۋدە ەلگە كومەكتەسىپ، كەۋدە كەرىپ العا شىعادى.

سول ءۇشىن دە ەرىكتىلەردىڭ ەڭبەگى ەسكەرىلۋى، باتىرلىقتارى باعالانۋى، جاقسىلىقتارىنا جاقسىلىقپەن جاۋاپ قايتارىلۋى كەرەك دەپ ەسەپتەيمىز. ەرىكتىلەردىڭ ەڭبەگىن ءوز دەڭگەيىندە باعالاۋدى ەرىكتىلەردى قولداۋدىڭ ايقىن كورىنىسى دەپ قابىلاۋ كەرەك.

ءبىز ءسوز ەتىپ وتىرعان رەسپۋبليكا كولەمىندەگى ەرىكتى جاستاردىڭ اراسىندا ستۋدەنتتەر دە از ەمەس. ەندەشە ەرىكتىلەردىڭ ەڭبەگىن باعالايتىن ۋنيۆەرسيتەتتەر ءوز ستۋدەنتتەرىنىڭ ىزگى ىستەرىنە لايىق باعاسىن بەرۋى كەرەك اق. وسى ورايدا ەرىكتى جاستارعا ۇلكەن قولداۋ كورسەتكەن وقۋ ورىندارى جايلى ايتا كەتكەن ءجون شىعار. اتاپ ايتقاندا، شىمكەنت قالاسىنداعى Silkway حالىقارالىق ۋنيۆەرسيتەتىنىڭ باسشىلارى ەلدەگى توتەنشە جاعداي كەزىندە، جانە ماقتاارال مەن تولەبي اۋدانىندا ورىن العان اپاتتى جاعداي كەىن مەملەكەتىمىزدەگى توتەنشە جاعداي كەزىندە كەۋدە كەرىپ العا شىعىپ، بەلسەندىلىك تانىتقان، قيىندىققا ۇشىراعان حالىققا كومەك قولىن سوزعان جاستاردى ماراپاتتادى. اتاپ ايتقاندا، قىرىققا جۋىق ەرىكتى جاس وسى ماۋسىمداعى وقۋ اقىسىنان تولىقتاي تولەمەيتىن بولدى. بۇل ەل ءۇشىن ەڭبەك ەتكەن ەرىكتى جاستاردى ىنتالاندىرۋ ماقساتىندا جاسالىپ وتىر دەيدى ۋنيۆەرسيتەت باسشىلارى.

سونىمەن قاتار، اتالعان جوعارعى وقۋ ورنى بەلسەندى ستۋدەنتتەردىڭ الەۋمەتتىك جاعدايىن باستى نازاردا ۇستاي وتىرىپ، بەز جۇزگە جۋىق ستۋدەنتتىڭ وقۋ اقىسىنا ءتۇرلى دەڭگەيدە جەڭىلدىكتەر جاسادى. مۇنىڭ ءبارى قوعام ءۇشىن قىزمەت ەتىپ جۇرگەن ەرىكتى جاستاردى قولداۋ، ىنتالاندىرۋ، شابىتتاندىرۋ ماقساتىندا جاسالىپ جاتقان جۇمىستار ەكەنىن ەسكە سالا كەتەيىك.

ءسوز سوڭىندا ايتارىمىز، ۆولونتەرلىك بۇكىل الەمدە كەڭ تارالعان قوعامدىق كۇش. وسى ەرىكتىلەردىڭ كۇشىمەن تۇتاس دۇنيەدە قانشاما ىزگى شارالار جۇزەگە اسىپ جاتىر. ستاتيستيكا بويىنشا، الەم تۇرعىندارىنىڭ سەگىزدەن ءبىر بولىگى ەرىكتى بولىپ قوعامدىق جۇمىسپەن اينالىسادى ەكەن. تاعى ءبىر مالىمەتكە سۇيەنسەك، عالامشارمىزدا ەرىكتى بولىپ، ەل ءۇشىن ەڭبەك ەتىپ جۇرگەن جانداردىڭ جالپى سانى ءبىر ميلليارد كولەمىندە كورىنەدى. ال بۇل كورسەتكىش ءبىزدىڭ ەلدە دە جىل سايىن ارتىپ كەلەدى. مولشەرمەن ەلىمىزدە وتىز مىڭنان اسا ادام ەرىكتى بولىپ قىزمەت اتقارادى ەكەن.

Abai.kz