مەملەكەت باسشىسى قاسىم-جومارت توقاەۆ بيىلعى جىلدى «ەرىكتىلەر جىلى» دەپ جاريالاعان العاشقى ساتتەن باستاپ ەل ءۇشىن ەڭبەك ەتۋگە بىلەك سىبانا كىرىسكەن جاستار مەن قوعامدىق ۇيىمدار از بولمادى.

سولاردىڭ قاتارىندا قازاقستان حالقى اسسامبلەياسى مەن اسسامبلەيا ەرىكتىلەرى دە بار... كوروناۆيرۋس ىندەتىنەن بولعان پاندەميا سەكىلدى ەل بىرلىگى سىنالار كۇن تۋعاندا دا اسسامبلەيانىڭ ەرىكتى جاستارى الدىڭعى شەپتەن تابىلعانى اقيقات. اسسامبلەيا مەن ەلدەگى ەتنو-مادەني بىرلەستىكتەر جانىنان ءتۇرلى ەرىكتىلەر ۇيىمدارى قۇرىلىپ، ەلگە قىزمەت ەتتى.

بيىل جىل جابار ۋاقىتقا تايادىق. اسسامبلەيا ەرىكتىلەرى دە بيىلعى جىلعى اتقارىلعان شارۋالاردى تياناقتاپ، كەلەر جىلدىڭ جوسپارىن جاساۋدى باستاپ كەتىپتى. ءبىز شولىپ شىقتىق...

ماڭعىستاۋ ەرىكتىلەرى ەكواكتسياعا شىقتى

2 قاراشا. قازاقستان حالقى اسسامبلەياسى مۇشەلەرى مەن ۇيىم جانىنداعى ەرىكتىلەر ەكولوگيالىق اكتسيا ۇيىمداستىردى. ماڭعىستاۋ وبلىسىنداعى ەكتنو-مادەني بىرلەستىكتەر مەن ماڭعىستاۋلىق ۆولونتەر جاستار، «اقتاۋ» مەيىرىمدىلىك كلۋبى مەن «تۇپقاراعان قايىرىمدى جانجارى» ەرىكتىلەرى ماڭعىستاۋدانى تۋريستىك ورىنداردا ەكولوگيالىق اكتسياعا شىققان.

اتاپ ايتقاندا، ماڭعىستاۋداعى «ساۋرا» شاتقالىنىڭ اڭىن ءتۇرلى تۇرمىستىق قوقىس-قالدىقتاردان تازارتقان.

«ءبىز ءوز ەلىمىزدىڭ پاتريوت ازاماتتارىمىز. سوندىقتان دا، ماڭعىستاۋ ءوڭىرىنىڭ ازاماتتارىن ءھام سىرتتان كەلەتىن تۋريستەردى تابيعاتتىڭ وسىناۋ ءبىر ادەمى كەلبەتىن قورعاپ ساقتاۋعا شاقىرامىز. ءبىز بۇل اكتسيا ارقىلى، ءوڭىردىڭ باسقا دا تۇرعىندارىن جانە مۇنداي ساياحاتتاپ كەلۋشىلەردى يگى ءىس جاساۋعا باستاماشى بولىپ، وي تاستاعىمىز كەلەدى»، - دەيدى اكتسيانى ۇيىمداستىرۋشىلار.

قازاق ءتىلىنىڭ ەرىكتىلەرى جىلى!

11 قاراشا. قازاقستان حالقى اسسامبلەياسىنىڭ توراعاسى نۇرسۇلتان نازارباەۆتىڭ باسشىلىعىمەن «ءبىر شاڭىراق استىندا بيىك ماقساتتارعا...» اتتى جيىن وتكەن ەدى. وعان قازاقستان پرەزيدەنتى قاسىم-جومارت توقاەۆ تا قاتىسقان.

اتالعان جيىندا اسسامبلەيانىڭ سولتۇستىك قازاقستان وبلىسىنداعى وكىلى يۋليا لاگۋتكينا ءسوز الىپ، كەلەر جىلدى «قازاق ءتىلىن ۇيرەتۋشى ەرىكتىلەر جىلى»، دەپ جاريالاۋدى ۇسىنىپتى.

«قۇرمەتتى پرەزيدەنت مىرزا! ءسىزدىڭ «قازاق ءتىلى  ۇلتارالىق قاتىناس تىلىنە ايلانۋى كەرەك» دەگەن ناقتى تاپسىما بەردىڭىز. بۇل تاپسىرماڭىزدى مەملەكەتتىك ءتىلدى مەڭگەرگەن ەتنوس جاستارى كۇندەلىكتى ومىردە ورىنداپ كەلەدى. ءبىزدىڭ اسسامبلەياسى «ۇلى دالانىڭ ۇلتارالىق ءتىلى» اتتى فورۋم ءبىر جىلدىڭ ىشىندە 4 رەت ۇيىمداستىرىلدى. قازاق ءتىلىن مەڭگەرۋ جقنىندە كونگرەسس ءوتتى.

كەلەر جىلدى «قازاق ءتىلىن ۇيرەتۋشى ەرىكتىلەر جىلى» دەپ جاريالاۋدى ۇسىنامىن. ويتكەنى، قازاق ءتىلى ۇلتتى بىرىكتىرەتىن،ەلىمىزدىڭ بارلىق جاستارىن جاقىنداستىراتىن تىلگە اينالۋى كەرەك»، - دەپتى لاگۋتكينا.

قىزىلوردالىق ەرىكتىلەر جىلدى قورىتىندىلادى

20 قاراشا. قىزىلوردا قالاسىنداعى «دوستىق» ۇيىندە «ەرىكتىلەر – ەل جاناشىرى» اتتى ۆولونتەرلەر جىلىنىڭ قورىتىندى جيىنى كەزدەسۋى ءوتتى. قازاقستان حالقى اسسامبەلياسى مەن نازارباەۆ زياتكەرلىك مەكتەبى، «جاڭعىرۋ جولى» جاستار قوزعالىسىنىڭ ۆولونتەرلەرى بيىلعى جىلعى اتقارىلعان شارۋالار جايلى ەسەپ جاساپ، كەلەر جىلدىڭ جوسپارىن تالقىلاعان.

«ەرىكتى بولۋ، مۇقتاج ازاماتتارعا قول ۇشىن بەرۋ – ءسوزسىز يگىلىكتى ءىس. وسى ارقىلى ءبىز ءبىر-بىرىمىزگە جاقىنداي تۇسەمىز. ەرىكتىلىك – قوعام ءۇشىن اۋاداي قاجەت ادال ەڭبەك!  ونى ۇلت بولىپ ۇيىسىپ اتقارۋ – اۋەلى مەملەكەتتى نىعايتۋ ءۇشىن دە ماڭىزدى»، - دەيدى قىزىلوردالىق ەرىكتىلەر.

تالدىقورعاندىق ەرىكتىلەر جىلدى قورىتىندىلادى

23 قاراشا. تالقىدورعاندىق «دوس» الەۋمەتتىك ەرىكتىلەر ۇيىمى «Birgemiz Bilim» جوباسىن قورىتىندىلادى.

«Birgemiz Bilim» جوباسى اياسىندا تالدىقورعان ۆولونتەرلەرى الماتى وبلىسىنداعى اۋىلدىق ەلدىمەكەندەردە ۇبت-عا دايىندىق، اعىلشىن ءتىلى، كومپيۋتەرلىك جانە قۇقىقتىق ساۋاتتىلىق ۇيىرمەلەرىن اشىپ، ەرىكتى تۇردە كومەك كورسەتكەن ەدى.

اتالمىش شارا اياسىندا وبلىستاعى «ANTIKOR.INFO.KIDS» مەكتەپ وقۋشىلارى مەن بالالارعا ارناپ سىبايلاس جەمقورلىققا قارسى كۇرەس جانە قۇقىقتىق ساۋاتتىلىق مەكتەبىن ۇيىمداستىرعان. سونداي-اق، «DosCamp.kz» ونلاين لاگەرى ۇيىمداستىرىلعان. ەرىكىلەر جوباسىنىڭ بارلىق كەزەڭىندە 200-گە جۋىق بالا اعىلشىن ءتىلىن وقىعان جانە 200-گە جۋىق بالا ۇبت-عا دايىندىق كۋرسىن العان. الماتى وبلىسىنداعى اۋىلدىق ەلدىمەكەندەردىڭ 3 مىڭعا تارتا وقۋشىسى ەرىكتىلەر كومەگىمەن بىلىمدەرىن جەتىلدىرگەن. اتالعان شاراعا جالپى سانى 100-گە تارتا ۆولونتە قاتىسقان.

Abai.kz