وتكەن جولى ءبىر كىسىنىڭ «سامۇرىق-قازىناعا» كىجىنگەنى بار. ونىڭ قىراعى كوزى ۇلتتىق كومپانيالار شتاتتى كەرىپ، كورىنگەندى جۇمىسقا الىپ جاتقانىن «بايقاپ قالعان». بىراق ونىڭ بايقاۋىنا كومەكتەسكەن وزەندىك دۇربەلەڭ كەسىرىنەن «سامۇرىققا» جاڭادان تاعايىندالعان ومىرزاق شوكەەۆ ەكەن. ەلباسشىسىنىڭ ايتۋىنشا، ومىرزاق ەستايۇلى «تىڭ كوزبەن «نوياندار» مەن «قويانداردىڭ» قانشاسى قىرۋار ايلىققا قاعاز اۋدارىستىرىپ وتىراتىنىن كورىپ قالىپتى». سول «نويانداردىڭ» كىم ەكەنىنە ءبىز دە نازار اۋدارىپ كوردىك.
ازىرگە شوكەەۆ مىرزا الگى «نويانداردى» ءتىزىپ اشكەرەلەي قويعان جوق، بولا دا قويۋى مۇمكىن ەمەس. سەبەبى، شوكەەۆتەر اۋلەتى دە «نويانسىز» ەمەس ەكەن. ونىڭ ءبىر ءىنىسى سەرىك ەستاي «ينتەرگاز تسەنترالنايا ازيا» اق باسقارماسىنىڭ ءتورباسشىسى ەكەن. بۇل - ەلدەگى ەڭ ءىرى ۇلتتىق كومپانيا «قازمۇنايگازدىڭ» قۇرامىنا كىرەتىن كاسىپورىننىڭ ءبىرى. قۇيقالىسى. ويتكەنى، كاسىپورىن -گاز تاسىمالداۋ جۇيەسى مەن جەر استى گاز ساقتاۋ قويمالارىنا قوجايىن.

وتكەن جولى ءبىر كىسىنىڭ «سامۇرىق-قازىناعا» كىجىنگەنى بار. ونىڭ قىراعى كوزى ۇلتتىق كومپانيالار شتاتتى كەرىپ، كورىنگەندى جۇمىسقا الىپ جاتقانىن «بايقاپ قالعان». بىراق ونىڭ بايقاۋىنا كومەكتەسكەن وزەندىك دۇربەلەڭ كەسىرىنەن «سامۇرىققا» جاڭادان تاعايىندالعان ومىرزاق شوكەەۆ ەكەن. ەلباسشىسىنىڭ ايتۋىنشا، ومىرزاق ەستايۇلى «تىڭ كوزبەن «نوياندار» مەن «قويانداردىڭ» قانشاسى قىرۋار ايلىققا قاعاز اۋدارىستىرىپ وتىراتىنىن كورىپ قالىپتى». سول «نويانداردىڭ» كىم ەكەنىنە ءبىز دە نازار اۋدارىپ كوردىك.
ازىرگە شوكەەۆ مىرزا الگى «نويانداردى» ءتىزىپ اشكەرەلەي قويعان جوق، بولا دا قويۋى مۇمكىن ەمەس. سەبەبى، شوكەەۆتەر اۋلەتى دە «نويانسىز» ەمەس ەكەن. ونىڭ ءبىر ءىنىسى سەرىك ەستاي «ينتەرگاز تسەنترالنايا ازيا» اق باسقارماسىنىڭ ءتورباسشىسى ەكەن. بۇل - ەلدەگى ەڭ ءىرى ۇلتتىق كومپانيا «قازمۇنايگازدىڭ» قۇرامىنا كىرەتىن كاسىپورىننىڭ ءبىرى. قۇيقالىسى. ويتكەنى، كاسىپورىن -گاز تاسىمالداۋ جۇيەسى مەن جەر استى گاز ساقتاۋ قويمالارىنا قوجايىن.
ودان ءارى كىرىسسەك، «كازترانسگاز» اق-ندا باس ديرەكتور بولىپ «قىزدىق» تەگىن الماستىرعان نۇربول سۇلتان - سارىباي سۇلتانۇلى قالمۇرزاەۆتىڭ ۇلى نىعىز وتىر. جۋىققا دەيىن «قازاگرو» ۇلتتىق حولدينگتى  مارات ورىنباەۆ - ۆيتسە-پرەمەر ەربول ورىنباەۆتىڭ اعاسى باسقارىپ كەلدى. ال، يندۋستريا جانە جاڭا تەحنولوگيا ءمينيسترى اسەت ەسەكەشوۆتىڭ  باۋىرى ەرلانعا كەلسەك، Falah Partners  دەگەن ينۆەستيتسيالىق قوردى امان-ەسەن باسقارىپ ءجۇر.

باياعى ايىنا 364 مىڭ دوللار شايپۇل الىپ، ەلدى شۋلاتىپ،  «قازاقتەلەكومدى» باسقارعان قايرات كارىپجانوۆتىڭ بالاسىنىڭ بويىندا اكەسىنىڭ «قانى» بار ەكەن، ونىڭ ماراتى قازىر «سامۇرىق-قازىنانىڭ» مەڭگەرۋشى ديرەكتورى. قارجى پوليتسياسىن باسقارىپ وتىرعان راشيت تۇسىپبەكوۆتىڭ ۇلى جانات كۇنى كەشەگە دەيىن  «قازمۇنايگاز - پەرەرابوتكا ي ماركەتينگ» اق-نىڭ باس ديرەكتورى بولىپ كەلدى. سەرگەي دياچەنوكونىڭ ۇلى ولەگ تە قالىساتىن ەمەس، «سامۇرىقتىڭ» قاپتاعان دەپارتامەنتتەرىنىڭ ءبىرىنىڭ تىزگىنىن ۋىستاپ ۇستاپ وتىر. ال، بۇل قوردىڭ اتقارۋشى ديرەكتورى ەسەبىندە، ەلدەگى باس اتومشى ۆلاديمير شكولنيكتىڭ بالاسى يگور بولعان ەدى. يگور كازىر اناۋ-مىناۋ ەمەس - رەسەيلىك ورسك ءموزدى 280 ميلليون دوللارعا ساتىپ العان ميلليونەر «قازاقتاردىڭ» ءبىرى. ءبىلىم ءمينيسترى باقىتجان جۇماعۇلوۆتىڭ بالاسى رۋسلان دا كەم ەمەس، حالىق بانكىنىڭ كوممەرتسيا جاعىن باسقاراتىنداردىڭ قاتارىندا...
ءسوزدىڭ رەتى كەلگەندە، ەسىلدىڭ سول جاعالاۋىنا تاراپ كەتكەن ءبىر انەكدوتپەن بولىسەيىك. قمگ ۇلتتىق كومپانياسىنىڭ جاڭا باسشىسى عيماراتتى ارالاپ جۇرسە كەرەك. ءبىرىنشى قاباتقا بارسا، ەركىنسىگەن ايەلدەر تەلەفونمەن جان-جاققا نۇسقاۋ بەرىپ، قولدارىن وڭدى-سولدى سەرمەپ جاتىر ەكەن. «بۇلار كىم؟» دەسە:  جبج - جاۋاپتى باسشىلاردىڭ جارلارى دەپتى. ەكىنشى قاباتقا كوتەرىلگەن ەكەن، قىسقا بەلدەمشە كيگەن وڭكەي سىلقىمدار قازداڭداپ ەرسىلى-قارسىلى جۇرگەن كورىنەدى. «بۇلار كىم؟» دەسە، جبك - جاۋاپتى باسشىلاردىڭ كوڭىلدەستەرى دەپتى. تاڭىرقاعان سۋجاڭا باسشى سوڭعى قاباتقا كوتەرىلسە، اق تەر، كوك تەر بولىپ، بىرەۋلەر قۇنجىڭداپ جۇمىس ىستەپ جاتىر ەكەن دەيدى. «بۇلار كىم؟» دەپ سۇراسا، بوق-تار دەپتى - بايقاۋسىزدا ورنىندا قالعاندار دەگەن ەكەن.
كۇلدىرگىگە ارقاۋ بولاتىنداي قاھارماندارىڭىز بولسا، ورتاعا سالىڭىز - بىرگە كۇلەيىك. ايتپاقشى، بەردىوڭعاروۆ پەن سىزدىقوۆالاردىڭ ماجىلىستەگى  ورىندارىنا جايعاسقان كەشەگى شەنەۋنىك «مارعاسقالارعا» دا كوز سالىپ قويعان ارتىق ەمەس...
«اباي-اقپارات»