رەسەيدىڭ ءبىرىنشى تەلكانالىنان رەسەي مەملەكەتتىك دۋماسىنىڭ دەپۋتاتى ۆ. نيكونوۆ قازاقستاننىڭ سولتۇستىك ءوڭىرى ىقىلىم زاماننان بەرى رەسەيدىڭ جەرى، ول جەرلەر قازاقستانعا سىيعا بەرىلگەن دەگەن ساندىراق اڭگىمە ايتتى.

ۇندەمەي - اق قويۋعا بولار ەدى، ءبىر مۇجىقتىڭ ماس بولىپ ايتقان دالباسا ءسوزى عوي دەپ، بىراق ايتقان ادام شەشىم قابىلداي الاتىن ۇلكەن لاۋازىم يەسى -دۋماداعى ءبىلىم جانە عىلىم كوميتەتىنىڭ توراعاسى، ياعني مينيستر لاۋازىمىنا تەڭ تۇلعا.

ءبىزدىڭ ءسىم وكىلىنىڭ مۇنداي سوزگە ءمان بەرمەۋ كەرەك دەگەن جاۋابىن وقىدىم. سوندا رەسەيدىڭ ءىرى لاۋازىم تۇلعاسى تاۋەلسىز مەملەكەتتىڭ جەرىن ءبىزدىڭ جەرىمىز ەدى دەپ ميلليونداعان كورەرمەندەرى بار تەلەارنا ارقىلى جار سالىپ تۇرادى، وعان ءبىز قالاي ءمان بەرمەۋىمىز كەرەك؟

ەگەر ءبىزدىڭ ءىرى لاۋازىم يەسى ورىنبور، استراحان، ومبى قازاقتىڭ جەرى ەدى دەپ ايتاتىن بولسا رەسەي قالاي قارار ەدى؟

سوندىقتان دا مۇنداي ارانداتۋشىلىق پىكىرلەر ەكى ەلدىڭ دوستىعىنا سىزات تۇسىرەتىنىن رەسەي ەلشىسىنىڭ قۇلاعىنا ءبىزدىڭ ءسىم سالىپ قويۋى كەرەك.

قاقتىعىستاردىڭ بارلىعى جەر ماسەلەسىنەن باستالاتىنىن تاريح كورسەتىپ وتىر. ساياساتشىلار اۋزىنا، اۋزىنان شىعاتىن سوزىنە يە بولۋ كەرەك.

مۇرات باقتيارۇلىنىڭ جازباسى

Abai.kz