بۇگىن مەملەكەت باسشىسى قاسىم-جومارت توقاەۆ ەل گازەتى «ەگەمەن قازاقستاندا» «تاۋەلسىزدىك بارىنەن قىمبات» اتتى ماقالاسىن جاريالادى. وقىدىق. وي تۇيدىك. تۇشىندىق!

باعدار مەن بەلەس. ەل تاۋەلسىزدىگىنىڭ 30 جىلدىعىنا وراي جازىلعان ماقالادا كوپتەگەن وزەكتى ويلار ايتىلعان ەكەن. پرەزيدەنت ماقالاسىنىنا قاتىستى قازىر ۇلت زيالىلارى، قالامگەرلەر قاۋىمى مەن قازاقستاننىڭ قوعامدىق ساياسي قاۋىمداستىعى ورتاسىندا قىزۋ تالقى ءجۇرىپ جاتىر.

قازاقستاننىڭ نەگىزگى زاڭ شىعارۋشى ورگانى سانالاتىن – پارلامەنت ءماجىلىسىنىڭ توراعاسى نۇرلان زايروللاۇلى نىعماتۋلين پرەزيدەنت قاسىم-جومارت كەمەلۇلى توقاەۆتىڭ «تاۋەلسىزدىك بارىنەن قىمبات» اتتى مازمۇندى ماقالاسىنا قاتىستى ءوز پىكىرىن Abai.kz اقپاراتتىق پورتالىنىڭ رەداكتسياسىنا بىلدىرگەن ەدى.

نۇرلان نىعماتۋلين، ءماجىلىس توراعاسى:

- بيىل تاۋەلسىزدىگىمىزگە وتىز جىل تولادى. وسى جىلدار ىشىندە ەلىمىزدىڭ ءبىلىم دەڭگەيى، دەنساۋلىق كورسەتكىشى، الەۋمەتتىك جاعدايى مەن رۋحاني بايلىعى، پاتريوتتىق رۋحى جانە باسقا سالالارى بويىنشا زامان تالابىنا ساي قارقىندى ءوسىم بايقالادى. بۇل ەلباسى نۇرسۇلتان ءابىشۇلى باستاپ، كەيىن مەملەكەت باسشىسى قاسىم-جومارت كەمەلۇلى جالعاستىرعان بەرىك ماقسات، ايقىن بولاشاققا نەگىزدەلگەن، سەنىمى نىق، ۇزدىكسىز دامۋدىڭ قازاقستاندىق جولى. بۇل ءبىزدىڭ جولىمىز.

الدىمىزدا ءتورتىنشى ونجىلدىق. ونداعى باستى مىندەت – قۋاتتى ەل، كەمەل حالىق بولۋ. وسى جولداعى باستى باعدارىمىز – ءبىلىمدى ۇرپاق تاربيەلەۋ. جاس قازاقستاندىقتارعا جان-جاقتى قولداۋ كورسەتۋ، سول ارقىلى جاستارىمىزدىڭ باسەكەلەستىككە قابىلەتتى، ءبىلىمدى بولىپ قالىپتاسۋىن قامتاماسىز ەتۋ. الداعى ماقساتىمىز – وسىعان باسا كوڭىل ءبولۋ.

پرەزيدەنت قاسىم-جومارت كەمەلۇلىنىڭ بۇگىنگى ماقالاسى – ەلىم دەيتىن، جەرىم دەيتىن، ەل تاۋەلسىزدىگىن قورعاۋعا، ساقتاۋعا ءھام ونىڭ دامۋىنا ۇلەس قوسۋعا ءتيىس ءاربىر ازاماتقا جول كورسەتەدى، اقىل قالتا ىسپەتتى باعىت-باعدار بەرەدى دەسەك قاتەلەسپەيمىز.

سونىمەن قاتار، اتالعان ماقالادا بۇكىل ۇلتتى، قوعامدى ۇيىستىراتىن قۇندىلىقتار توپتاستىرىلعان. پرەزيدەنتتىڭ بۇل ماقالاسى ەل بىرلىگىن، ۇلت تۇتاستىعىن جانە مەملەكەتىمىزدىڭ وركەنيەتىن قامتاماسىز ەتۋگە ارنالعان تاريحي ماڭىزى بار قۇجات.

ءماجىلىس توراعاسى ءوز پىكىرىندە، پرەزيدەنت ماقالاسى ءاربىر قازاقستان ازاماتىنىڭ قولداۋىنا يە بولاتىنىن، سونداي-اق، ءاربىر قازاقستاندىقتىڭ وتانشىلدىق رۋحىن وياتاتىنىن ايتتى.

نۇرلان زايروللاۇلى اتاپ وتكەندەي، بيىلعى جىل ەلىمىز ءۇشىن تاريحي ماڭىزعا يە جىل. اتا-بابالارىمىز عاسىرلار بويى اڭساپ وتكەن قازاقستاننىڭ تاۋەلسىزدىك العانىنا 30 جىل تولادى. وسىلايشا ءبىزدىڭ ەلىمىز ءوز تاۋەلسىزدىگىنىڭ ءتورتىنشى ونجىلدىعىنا قادام باستى. وسىعان وراي جازىلعان پرەزيدەنت ماقالاسىندا جاس مەملەكەتىمىزدىڭ قالىپتاسۋى، دامۋى مەن وركەندەۋ جولى ەگجەي-تەگجەيلى باياندالعان.

«باعدار مەن بەلەس»، «تانىم مەن تاعلىم»، «قوعام مەن قۇندىلىق» سونداي-اق «ۇلاعات پەن ۇستانىم» اتتى ءتورت اۋقىمدى باعىتتى قامتىعان ماقالادا وسى وتىز جىلداعى ەلىمىز جەتكەن جەتىسىتكتەر مەن باعىندىرعان بەلەستەر جايلى ايتىلىپ، كەلەر ۇرپاققا اماناتتايتىن باستى مۇرامىز بەن قۇندىلىعىمىز، الداعى ونجىلدىقتا مەملەكەتتى نىعايتا ءتۇسۋ ءۇشىن نە ىستەۋ كەرەك دەگەن ماڭىزدى ماسەلەلەر كەڭ اۋقىمدا قامتىلعان.

پرەزيدەنت توقاەۆ ءوز ماقالاسىندا اتاپ وتكەندەي، تاريح تۇرعىسىنان العاندا، وتىز جىل دەگەنىڭىز –قاس-قاعىم ءسات سەكىلدى. الايدا، وسى وتىز جالدا قازاقستان الەمدىك ساياسات ساحناسىندا ويىپ تۇرىپ ورىن الدى. قازاقستان مەملەكەتىن الەمنىڭ الپاۋىت ەلدەرى مويىندادى. وسى وتىز جىلدا ەلىمىز بەن ونىڭ كوپ ۇلتتى حالقى قيىندىعى مەن قۋانىشى، داعدارىسى مەن دامۋى الما-كەزەك اۋىسقان سانقيلى جولدى باستان وتكەردى.

«تاۋەلسىزدىگىمىزدىڭ العاشقى ونجىلدىعى كەزىندە ەلباسى نۇرسۇلتان ءابىشۇلىنىڭ باسشىلىعىمەن قازاقستانىڭ مەملەكەتتىك نىشاندارى ايشىقتالىپ، ساياسي بيلىك جۇيەسى قالىپتاستى. ەل دامۋىنىڭ نەگىزگى درايۆەرىنە اينالعان «قازاقستان - 2030» باعدارلاماسىن قابىلدادىق. ال ەكىنشى ونجىلدىق دامۋشى ەلدەر قاتارىنداعى مەملەكەتىمىزدىڭ حالىقارالىق ارەنادا تۇعىرى بەكىپ، ەكونوميكالىق الەۋەتىمىز ارتا ءتۇستى. كەيىنگى ءۇشىنشى ونجىلدىقتا «قازاقستان - 2050» ستراتەگياسى ايقىندالىپ، الەمنىڭ وزىق وتىز ەلىنىڭ قاتىرىنا قوسىلۋدى جوسپارلادىق. بۇل دا كوپتە ەمەس، كوز ۇشىنداعى مەجە»، - دەيدى نعماتۋلين.

Abai.kz