سولتۇستىك قازاقستان وبلىسىندا 6 بىردەي ءتارتىپ ساقشىسى لاۋازىمدارىمەن قوش ايتىستى. اراسىندا ەسىل اۋداندىق ىشكى ىستەر ءبولىمىنىڭ باستىعى اسقار يبراەۆ پەن ونىڭ ءبىرىنشى ورىنباسارى دا بار. قوس باسشى قاراماعىنداعى قىزمەتكەرلەردىڭ زاڭسىز ارەكەتتەرىنىڭ كەسىرىنەن جۇمىستان ايرىلىپتى.

پوليتسەيلەردىڭ قىزمەتتەرىنەن قۋىلۋىنا سەبەپ بولعان وقيعا وسىدان ءبىر اي بۇرىن ورىن العان. تەرىسكەيدەگى ياسنوۆكا ورتا مەكتەبىنىڭ 20 جاستاعى لابورانتى يۆان روجنوۆتى پوليتسيا قىزمەتكەرلەرى «كومپيۋتەر ۇرلادى»  دەپ ايىپتاعان بولاتىن. قىلمىستى مويىنداتۋ ءۇشىن ءتارتىپ ساقشىلارى ونى ءولىمشى ەتىپ ساباپتى. بۇعان توزبەگەن جىگىت ورماندا جاسىرىنىپ ءجۇرىپ، سارشۇناق ايازدا ەكى اياعىن ءۇسىتىپ العان ەدى. تەپسە تەمىر ۇزەتىن جىگىتتىڭ ەكى اياعىن تىزەدەن كەسىپ تاستاۋعا تۋرا كەلدى. يۆاننىڭ تۋىستارى پروكۋراتۋراعا ارىزدانعان سوڭ، ەكى ءتارتىپ ساقشىسى قاماۋعا الىنعان بولاتىن. بىراق ارتىنشا ەشقايدا كەتپەۋ تۋرالى قولحاتپەن جىبەرىلدى. قازىر بۇل وقيعاعا بايلانىستى قوزعالعان قىلمىستىق ءىس ءالى تەرگەلۋ ۇستىندە. دەسە دە «ءوز ىسىنە جاۋاپسىز قاراعان» ءبولىم باستىعى، ورىنباسارى مەن 4 قىزمەتكەرى ىشكى ىستەر ءمينيسترىنىڭ بۇيرىعىمەن قىزمەتتەرىنەن بوساتىلدى. 
kaz.gazeta.kz

سولتۇستىك قازاقستان وبلىسىندا 6 بىردەي ءتارتىپ ساقشىسى لاۋازىمدارىمەن قوش ايتىستى. اراسىندا ەسىل اۋداندىق ىشكى ىستەر ءبولىمىنىڭ باستىعى اسقار يبراەۆ پەن ونىڭ ءبىرىنشى ورىنباسارى دا بار. قوس باسشى قاراماعىنداعى قىزمەتكەرلەردىڭ زاڭسىز ارەكەتتەرىنىڭ كەسىرىنەن جۇمىستان ايرىلىپتى.

پوليتسەيلەردىڭ قىزمەتتەرىنەن قۋىلۋىنا سەبەپ بولعان وقيعا وسىدان ءبىر اي بۇرىن ورىن العان. تەرىسكەيدەگى ياسنوۆكا ورتا مەكتەبىنىڭ 20 جاستاعى لابورانتى يۆان روجنوۆتى پوليتسيا قىزمەتكەرلەرى «كومپيۋتەر ۇرلادى»  دەپ ايىپتاعان بولاتىن. قىلمىستى مويىنداتۋ ءۇشىن ءتارتىپ ساقشىلارى ونى ءولىمشى ەتىپ ساباپتى. بۇعان توزبەگەن جىگىت ورماندا جاسىرىنىپ ءجۇرىپ، سارشۇناق ايازدا ەكى اياعىن ءۇسىتىپ العان ەدى. تەپسە تەمىر ۇزەتىن جىگىتتىڭ ەكى اياعىن تىزەدەن كەسىپ تاستاۋعا تۋرا كەلدى. يۆاننىڭ تۋىستارى پروكۋراتۋراعا ارىزدانعان سوڭ، ەكى ءتارتىپ ساقشىسى قاماۋعا الىنعان بولاتىن. بىراق ارتىنشا ەشقايدا كەتپەۋ تۋرالى قولحاتپەن جىبەرىلدى. قازىر بۇل وقيعاعا بايلانىستى قوزعالعان قىلمىستىق ءىس ءالى تەرگەلۋ ۇستىندە. دەسە دە «ءوز ىسىنە جاۋاپسىز قاراعان» ءبولىم باستىعى، ورىنباسارى مەن 4 قىزمەتكەرى ىشكى ىستەر ءمينيسترىنىڭ بۇيرىعىمەن قىزمەتتەرىنەن بوساتىلدى. 
kaz.gazeta.kz