ەلدە قارجى مينيسترلىگىنەن رۇقسات الىپ، لوتو ويىنىنىڭ كورىگىن قىزدىرىپ وتىرعان از عانا سەرىكتەستىكتەر بار. ولاردىڭ بارلىعى دەرلىك  - ءورىستىلدى بيزنەسمەندەر، بىراق لوتوقۇمار نەگىزىنەن - قازاقتىلدى جۇرتشىلىق. ونىڭ وزىندىك سەبەبى بار. مۇنداي جەڭىل ويىنمەن پايدا تابۋ پسيحولوگياسى نەگىزىنەن بيزنەسكە بەيىمى از الەۋمەتتىك توپتارعا ءتان كورىنەدى. ال، قازاقتىلدى ازاماتتاردى بيزنەسكە يكەمدەيتىن شارا بولمادى دەسەك، قاتەلەسپەيمىز. سەبەبى، سوڭعى 20 جىل ىشىندە ەكونوميكا مەن بيزنەس تاقىرىبى تەك قانا ورىس تىلىندەگى يدەولوگياعا نەگىزدەلگەن. بيزنەس مەكتەپتەرى مەن كۋرستارى، تولعان قاۋىمداستىقتار تەك قانا ورىس ءتىلدى اۋديتورياعا باعىتتالعان شارالار مەن قىزمەت ەتۋدى داعدىعا اينالدىرعان. ءتىپتى، مەملەكەت باسشىسى دا ەكونوميكا تۋراسىنا كوشكەندە رەسەيدىڭ مەملەكەت تىلىنە اۋىساتىنى راس.

نازارعا ءتۇسىپ وتىرعان مىنا لوتوپاراقتاردى «ميلان KZ» جشس 2007 جىلعى 3 تامىزدا قر قارجى مينيسترلىگىنە قاراستى كوميتەتتىڭ رۇقساتىن الىپ كىرىسكەلى بىرنەشە جىل بولىپتى. باسقاسىن قويعاندا، وسى پاراقتارداعى نەگىزگى ويىن بەتى ورىس تىلىندە تولتىرىلعان. ال، قازاقشا بەتتەرىنىڭ قارىپتارى دا ۇساق، رەڭسىز، كورنەكسىز. بۇعان قوسا اتالعان ويىننىڭ ارنايى پورتالى تەك قانا رەسەي فەدەراتسياسىنىڭ مەملەكەتتىك تىلىندە عانا قىزمەت ەتەدى، اقپارات بەرەدى، قاراڭىز:  http://kazloto.kz/.

ەلدە قارجى مينيسترلىگىنەن رۇقسات الىپ، لوتو ويىنىنىڭ كورىگىن قىزدىرىپ وتىرعان از عانا سەرىكتەستىكتەر بار. ولاردىڭ بارلىعى دەرلىك  - ءورىستىلدى بيزنەسمەندەر، بىراق لوتوقۇمار نەگىزىنەن - قازاقتىلدى جۇرتشىلىق. ونىڭ وزىندىك سەبەبى بار. مۇنداي جەڭىل ويىنمەن پايدا تابۋ پسيحولوگياسى نەگىزىنەن بيزنەسكە بەيىمى از الەۋمەتتىك توپتارعا ءتان كورىنەدى. ال، قازاقتىلدى ازاماتتاردى بيزنەسكە يكەمدەيتىن شارا بولمادى دەسەك، قاتەلەسپەيمىز. سەبەبى، سوڭعى 20 جىل ىشىندە ەكونوميكا مەن بيزنەس تاقىرىبى تەك قانا ورىس تىلىندەگى يدەولوگياعا نەگىزدەلگەن. بيزنەس مەكتەپتەرى مەن كۋرستارى، تولعان قاۋىمداستىقتار تەك قانا ورىس ءتىلدى اۋديتورياعا باعىتتالعان شارالار مەن قىزمەت ەتۋدى داعدىعا اينالدىرعان. ءتىپتى، مەملەكەت باسشىسى دا ەكونوميكا تۋراسىنا كوشكەندە رەسەيدىڭ مەملەكەت تىلىنە اۋىساتىنى راس.

نازارعا ءتۇسىپ وتىرعان مىنا لوتوپاراقتاردى «ميلان KZ» جشس 2007 جىلعى 3 تامىزدا قر قارجى مينيسترلىگىنە قاراستى كوميتەتتىڭ رۇقساتىن الىپ كىرىسكەلى بىرنەشە جىل بولىپتى. باسقاسىن قويعاندا، وسى پاراقتارداعى نەگىزگى ويىن بەتى ورىس تىلىندە تولتىرىلعان. ال، قازاقشا بەتتەرىنىڭ قارىپتارى دا ۇساق، رەڭسىز، كورنەكسىز. بۇعان قوسا اتالعان ويىننىڭ ارنايى پورتالى تەك قانا رەسەي فەدەراتسياسىنىڭ مەملەكەتتىك تىلىندە عانا قىزمەت ەتەدى، اقپارات بەرەدى، قاراڭىز:  http://kazloto.kz/.

ارينە، بۇنداي جولمەن كىمگە بولسا دا تيىسۋگە بولادى، سەبەبى، قازاقتىلدى ازاماتتاردىڭ قۇقى شەكتەلىپ، ولارعا مەنسىنبەي قاراۋ ورىن الىپ وتىر. الايدا، مۇنداي باسىنۋ نەگە توقتالمايدى؟ سەبەبى، قازاقتىلدى ازاماتتاردىڭ  قۇقىعىن جۇيەلى دە تۇراقتى قورعايتىن قوعامدىق ۇيىمدار مەن تۇلعالار جوق جانە وعان شاعىناتىن ازاماتتاردىڭ بەلسەندىلىگى تومەن. ايتالىق، الگى قىرۋار فيرمالاردىڭ جۇزدەگەن سايتتارىن باقىلايتىن، تارتىپكە كەلتىرەتىن پروكۋراتۋرا جۇيەسىنىڭ قاۋقارى از، قىزمەتكەرلەرى شەكتەۋلى. ولار ونىڭ ءبارىن قامتىي المايدى، تەك قانا مەملەكەتتىك قۇقىق اياققا باسىلعاندا، ال ازاماتتاردىڭ قۇقىعى شاعىمدالعاندا عانا تەكسەرۋگە نەگىزدەلگەن. بۇدان بىرنەشە جىل بۇرىن «رۋح» كلۋبى باسشىلارى ۇلتتىق لوتەرەيانى سوتقا تارتىپ، جەڭگەن ەدى، بىراق جاعداي ودان وزگەرمەدى. سەبەپ: ول بىرەن-ساران ينسيدەنت قانا، جۇيە ەمەس، قوعامدىق جاپپاي بەلسەنىم ناتيجەسى ەمەس.

ءبىزدىڭ قازاقتىلدى ورتادا «قۇقىق قورعاۋ» دەگەن ۇعىم جوق! تەك قانا «قۇقىق كۇزەتۋ» ۇعىمى بار. قۇقىقتى كۇزەتۋ پروكۋراتۋرانىڭ مىندەتى بولعانمەن، قۇقىقتى قورعاۋ تەك قانا سول قۇقىققا «شابۋىل جاسالعاندا» عانا، سونىڭ ناتيجەسىندە شاعىم تۇسكەندە عانا قورعالاتىنىن قازاقتىلدى ورتا ءالى يگەرگەن ەمەس. بۇل ۇعىم مەن سالانى قازاقتىلدى لينگۆيستيكا دا مەڭگەرمەي وتىر. اتالعان «قورعاۋ» مەن «كۇزەتۋدى» ءبىر عانا «قۇقىق قورعاۋ ورگاندارى» دەگەن تىركەسپەن بەرىپ جۇرگەنى سوندىقتان. ال، ورىس تىلىندە بۇل ۇعىمدار «پراۆوحرانيتەلنىە ورگانى» جانە «پراۆوزاششيتنىە ورگانيزاتسي» دەگەن تىركەستەرمەن اتالادى جانە ەكى ۇعىم دا، وعان قىزمەت ەتەتىن ۇيىمدار دا ءار ءتۇرلى. قۇقىقتى قورعايتىن نەگىزىنەن قوعامدىق ۇيىمدار، ونى قۇراتىن ازاماتتار قازاقتىلدى بولماسا، سول ورتانى قورعايتىن دا كۇش جوق دەگەن ءسوز! مىنە، قازاق ءتىلىنىڭ دە، ونىڭ ورتاسىنىڭ دا يەسىز قالىپ وتىرۋى وسىدان! ودان ارعى ويدى پاتشا كوڭىلدى وقىرماننىڭ ءوزى جالعاستىرسىن.

«اباي-اقپارات»