«ايتابەر!» - تانىمدىق بلوگتۇعىرى
تاقىرىپتىق نوميناتسيا: ادامدار، بلوگتار، «ايتابەر!» تۋرالى;
رەسۋرستىق ءتىلى: قازاق;
اشىلعان ۋاقىتى: 2012 جىل;
تاقىرىپتىق نوميناتسيا: ادامدار، بلوگتار، «ايتابەر!» تۋرالى;
رەسۋرستىق ءتىلى: قازاق;
اشىلعان ۋاقىتى: 2012 جىل;
قازنەت كۇن وتكەن سايىن ءتۇرلى باعىتتاعى سايتتارمەن تولىعىپ كەلەدى. سونىڭ ءبىرى - «ايتابەر!» - تانىمدىق بلوگتۇعىرى. بلوگتۇعىرعا كەز كەلگەن ينتەرنەت قولدانۋشى تىركەلىپ، بارشامەن ءوز ويىن ءبولىسىپ، اينالادا بولىپ جاتقان ءتۇرلى وقيعالار مەن تۇتاس قوعام جايىندا كوزقاراسىن جەتكىزە الادى. ال، بلوگتۇعىردى جاساۋشىلار بىلاي دەيدى: «ايتابەر! - قولدانۋشىلاردىڭ ءوز بىلگەنىمەن بولىسۋىنە مۇمكىندىك بەرەتىن تاقىرىپتىق نەگىزدەگى تانىمدىق بلوگتۇعىر.
سايت مۇمكىندىكتەرى
- سايتتىڭ قولدانۋشىلارىنا پايدالى بولاتىن بەلگىلى اقپاراتتىق ماڭىزعا يە پوستتار جازۋعا;
- باسقا قولدانۋشىلاردىڭ جازعان پوستتارىن جەكە پىكىر ارقىلى تولىقتىرۋعا\جاۋاپ جازۋعا\;
- جازىلعان پوستتاردى\پىكىرلەردى جانە قولدانۋشىلاردى باعالاۋعا;
- ىزدەگەن تاقىرىپ بويىنشا مەيلىنشە پايدالى اقپارات الۋعا;
- ۆيرتۋال الەمدە جاڭا دوستار تابۋعا
بولادى
قولدانۋشى ەرەجەلەرى
تىركەلۋ:
- قولدانۋشىدان ءوز ەسىمى ارقىلى تىركەلۋ تالاپ ەتىلەدى;
- انكەتادا بارىنشا شىن جانە تولىق اقپارات كورسەتىلۋى ءتيىس;
- كۇماندى اككاۋنتتار اۆتوماتتى تۇردە سايتتان وشىرىلەدى.
- ەگەر سايتتان ماقۇلداۋ حاتى كەلمەي جاتسا، پوشتاڭىزداعى "سپامدار" بولىمىنەن قاراپ كورىڭىز!
پوست جازۋ:
- جازبا بارىنشا وقىرمانعا پايدالى بولۋى ءتيىس. "مەن كەلدىم", "مىنا ولەڭگە ريزا بولدىم", "اۋا-رايى كەرەمەت" دەگەن سياقتى جەڭىل ءماندى جازبالار سايتتان ەسكەرتۋسىز وشىرىلەدى;
- ءدىني، ار-وجداندى تاپتاۋ، ۇلتشىلدىق، انتيرەكلامالىق، پورنوگرافيالىق مانگە يە بولعان كەز-كەلگەن جازبا سايتتان ەسكەرتۋسىز وشىرىلەدى. اۆتور بەلگىلى ءبىر مەرزىمگە سايتقا كىرۋ مۇمكىندىگىنەن ايرىلادى;
- جازبانىڭ ورفوگرافيالىق سيپاتى بارىنشا ساقتالۋى ءتيىس. سايت قازاق تىلىندە بولعاندىقتان قولدانۋشىلاردان كەز-كەلگەن جازبا/پىكىر قازاق تىلىندە جازىلۋى تالاپ ەتىلەدى;
- جازبالار قازاق نەمەسە لاتىن الىپبيىندە جازىلۋى ءتيىس;
- "مودا الەميندەگي سونگى جانالىكتاردان حاباردار ەتۋدي جون كورديم" دەگەن سەكىلدى ورفوگرافيالىق جازۋ ۇلگىسىنە ساي كەلمەيتىن پوستتار سايتتان ءوشىرىلۋى مۇمكىن.
پىكىر جازۋ:
- كەز-كەلگەن ادەپتىلىك شەگاراسىنان شىعىپ، ءدىني، ار-وجداندى تاپتاۋ، ۇلتشىلدىق، انتيرەكلامالىق، بوقتىق مانگە يە بولعان پىكىر سايتتان ءوشىرىلىپ، اۆتور بەلگىلى ءبىر مەرزىمگە دەيىن سايتقا كىرۋ قۇقىعىنان ايرىلادى;
- بۇل سايتتا ۋاقىتىن قالاي ولتىرەرىن بىلمەي، پىكىرلەرى/پوستارى ارقىلى ادامداردىڭ مازاسىن الىپ، سايت جۇمىسىنا زيان كەلتىرەتىن قولدانۋشىلارعا ورىن جوق ەكەنىن ەسكەرتەمىز.
ەندەشە، قۇندى دا قىزىقتى اقپاراتىڭ نەمەسە ۇتقىر ويىڭ بولسا، ايتا بەر!»
