جۇمىسپەن قامتۋ مەن كاسىپكەرلىكتى قولداۋ ماقساتىندا 2022-2026 جىلدارعا ارنالعان ەڭبەك 2.0 ۇلتتىق جوباسى ازىرلەنەدى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ مالىمدەدى.

سونىمەن قاتار، ميكرو قارجى ۇيىمدارى قارىز الۋشىلارعا 6%-دان اسپايتىن نەسيە بەرەدى.

«2021 جىلعى ناۋرىز ايىنىڭ سوڭىنا دەيىن «ەڭبەك» مەملەكەتتىك باعدارلاماسىنا مەملەكەتتىڭ جانە «اتامەكەن» ۇلتتىق كاسىپكەرلەر پالاتاسىنىڭ قاتىسۋىمەن ميكروقارجى ۇيىمدارىن قۇرۋ بولىگىندە وزگەرىستەر ەنگىزىلەتىن بولادى.

ميكرو قارجى ۇيىمدارى سوڭعى قارىز الۋشىلارعا جىلدىعى 6%-دان اسپايتىن نومينالدى سىياقى مولشەرلەمەسىمەن شاعىن نەسيە بەرەتىن بولادى.  قازىرگى ۋاقىتتا جوبا مەملەكەتتىك ورگاندارمەن كەلىسىلۋدە»,- دەدى شاپكەنوۆ.

بۇل رەتتە، جەرگىلىكتى اتقارۋشى ورگاندار جانە «اتامەكەن» ۇكپ تۇراقتى نەگىزدە قارىز الۋشىلاردىڭ جوبالارىن سۇيەمەلدەۋ مەن وندىرىلگەن ءونىمدى ساتۋدى ۇيىمداستىرۋدى جانە تۇرعىندارعا شاعىن نەسيە بەرۋ بويىنشا ميكروقارجى ۇيىمدارىنا مونيتورينگ جۇرگىزۋدى قامتاماسىز ەتۋى قاجەت.

Abai.kz