قازاقستاننان شەتەلگە اقشا اۋدارىمدارىنىڭ كولەمى كۇرت ءوستى. بۇل تۋرالى قر قارجى مينيسترلىگى مەملەكەتتىك كىرىستەر كوميتەتىنىڭ توراعاسى مارات سۇلتانعازيەۆ مالىمدەدى. 

جالپى، 2020 جىلى 11,5 مىڭعا جۋىق سالىقتىق تەكسەرۋ جۇرگىزىلگەن. بۇل كورسەتكىش الدىڭعى جىلمەن سالىستىرعاندا 58% نەمەسە 16 مىڭعا از. دەسە دە ءوندىرىپ الۋ سوماسى 78 ملرد تەڭگەنى قۇراعان. 2020 جىلى 2,9 مىڭ كەدەندىك تەكسەرۋ جۇرگىزىلىپ، ونىڭ ناتيجەسىندە 30,6 ملرد تەڭگە كولەمىندە قوسىمشا كەدەندىك تۇسىمدەر مەن سالىقتار قوسىمشا ەسەپتەلىپ، 11,3 ملرد تەڭگە وندىرىلگەن.

ول پيلوتتىق جوبا قولعا الىنعالى 5 مىڭ تاۋەكەلدى سالىق تولەۋشى ءۇشىن ەشف جازىپ بەرۋ شەكتەلگەنىن، ولار بويىنشا اينالىم 2 ترلن. تەڭگەنى قۇراعانىن اتاپ ءوتتى. جوبا ىسكە قوسىلعان ساتتەن باستاپ بارلىعى 60 ملرد. تەڭگە ءوندىرىلدى.

«2016 جىلدان باستاپ العاش رەت قازاقستان اۋماعىندا اقشا قاراجاتىن قولما-قول اقشاعا اينالدىرۋ 38%-كە تومەندەدى. الايدا، 2020 جىلدىڭ 11 ايىندا ەلدەن تىس جەرلەرگە جاسالاتىن اۋدارىمدار كۇرت ءوستى – 19%-كە. مكك مۇنداي پروتسەدۋرالاردىڭ دۇرىستىعىن انىقتاۋدا»،- دەدى سۇلتانعازيەۆ. 

Abai.kz