"ازاتتىكقا" بۇرىنعى پرەزيدەنت المازبەك اتامباەۆتىڭ ادۆوكاتى زامير جووشەۆتىڭ حابارلاۋىنشا، سوت اتامباەۆتى ۇيقاماققا اۋىستىرۋ تۋرالى ءوتىنىشتى قاناعاتتاندىرمادى.

"سوت ءوتىنىشتى قابىلداماي، قاماۋ مەرزىمىن 7 ساۋىرگە دەيىن سوزدى. سوت وتىرىسىن 18 اقپانعا قالدىردى. اتامباەۆتىڭ ءوزى سوتتا بولعان جوق. ونىڭ ۇستىنە، سۋديا بۇنىڭ الدىندا دەنساۋلىق ساقتاۋ مينيسترلىگىنە حات جولداپ، اتامباەۆتىڭ دەنساۋلىعىن تەكسەرۋ ناتيجەسىن سۇراتقان. حاتقا جاۋاپ ءالى تۇسپەگەن. جاۋاپتى العان سوڭ ءبىز ۇيقاماققا اۋىسۋ ماسەلەسىن تاعى كوتەرەمىز", - دەدى جووشەۆ.

بىلتىر 30 قاراشادا جوعارعى سوت وسى ىسكە قاتىسقى الدىڭعى سوت ينستانتسيالارىنىڭ ۇكىمدەرىن جويىپ، ءىستى 1-ماي اۋداندىق سوتىنا قايتارعان.

2020 جىلعى جەلتوقساننىڭ سوڭىندا بۇرىنعى پرەزيدەنتتى دەنساۋلىعىنا بايلانىستى تەرگەۋ يزولياتورىنان №47 كولونياعا اۋىستىرعان.

باتۋكاەۆتىڭ زاڭسىز بوساتىلۋىنا قاتىستى ءىس اياسىندا 2019 جىلى ​7-8 تامىزدا كوي-تاش اۋىلىندا اتامباەۆتى تەرگەۋگە ماجبۇرلەپ جەتكىزۋ ارنايى وپەراتسياسى ءوتتى. سول كەزدە ارنايى وتريادتىڭ ءبىر قىزمەتكەرى قازا تاۋىپ، 200-دەن استام ادام جارالانعان.

Abai.kz