بايدەن اقش-تا ءولىم جازاسىن الىپ تاستاۋى مۇمكىن
باق وكىلدەرى اقش پرەزيدەنتى دجو بايدەننىڭ ءولىم جازاسىن جويۋعا نيەتتەنىپ وتىرعانىن مالىمدەدى.
The Star-دىڭ حابارلاۋىنشا، بايدەن اقش ادىلەت مينيسترلىگىنە جاڭا جازالاردى جوسپارلاۋدى توقتاتۋدى تاپسىرعان. دجو بايدەن ءولىم جازاسىنا اشىق تۇردە قارسى شىققان العاشقى پرەزيدەنت ەكەنى ايتىلعان.
الايدا اق ءۇيدىڭ ءباسپاسوز حاتشىسى دجەننيفەر پساكي بايدەننىڭ ءولىم جازاسىنا قاتىستى جوسپارى تۋرالى سۇراقتارعا جاۋاپ بەرمەگەن.
بايدەن ءوزىنىڭ سايلاۋ ناۋقانى كەزىندە فەدەرال دەڭگەيدە ءولىم جازاسىن جويۋعا ۋادە بەرگەن. ول "فەدەرالدى دەڭگەيدە ءولىم جازاسىن الىپ تاستاۋ تۋرالى زاڭ قابىلداۋعا جانە شتاتتاردى فەدەرال ۇكىمەتتىڭ ۇلگىسىمەن جۇرۋگە شاقىرۋعا" ۋادە ەتكەن.
2021 جىلدىڭ باسىندا اقش-تا ايەلگە 1953 جىلدان بەرگى العاشقى ءولىم جازاسى ورىندالدى. 52 جاستاعى ليزا مونتگومەريگە ينديانا شتاتىنداعى تەررە-حوت تۇرمەسىندە ءولىم ينەكتسياسى سالىندى.
Abai.kz
