وسى ارالىقتا جۇرگىزۋشىلەر مەن كوندۋكتورلارعا كاسىپورىن باسشىلىعى وكىلدەرى، ەڭبەك ينسپەكتسياسى ماماندارى كەلىپ، جۇمىسقا شىعۋعا كوندىرۋگە تىرىسقان ەدى، بىراق ناتيجە شىقپاعان.

تاڭەرتەڭگى ساعات 9-دار شاماسىندا كەلگەن اقتوبە قالاسىنىڭ اكىمى اسحات شاحاروۆ "كۇنى بويى وسىندا بولامىن، اكىمدىككە بارمايمىن. ماسەلەمەن تانىسىپ، شەشەمىن" دەگەننەن كەيىن عانا جۇمىسشىلار ەرەۋىلدى توقتاتۋعا كوندى. بىراق اكىم ماسەلەنى قالاي شەشەتىنىن ايتپادى.

جۇرگىزۋشىلەر مەن كوندۋكتورلار باسشىلىققا بىرنەشە تالاپ قويىپ وتىر: جالاقىنى ءوسىرۋ، جوسپاردى كوبەيتپەۋ، زەينەتاقى مەن مەديتسينالىق ساقتاندىرۋ جارناسىن ۋاقىتىندا اۋدارۋ. ازاننان قاس قارايعانعا دەيىن جۇمىس ىستەيتىن كاسىپورىن قىزمەتكەرلەرى وزدەرىنىڭ ايىنا 32-70 مىڭ تەڭگە ارالىعىندا جالاقى الاتىنىن، قىمباتشىلىق جاعدايىندا بۇل جەتپەيتىنىن ايتىپ، شاعىمدانعان. ال كومپانيا باسشىلىعى مارشرۋتتاردىڭ كوبى شىعىندى اقتامايتىنىن، مەملەكەتتەن سۋبسيديا مەن كومپەنساتسيا بەرىلسە، جاعداي دۇرىستالاتىنىن ايتقان.

ەرەۋىلدىڭ سالدارىنان جۇما كۇنى قالا ءىشى مەن ماڭىنداعى مىڭداعان جولاۋشى قاتىناسسىز قالعان. كاسىپورىن باسشىلىعىنىڭ مالىمەتىنشە، اۆتوپارك جۇمىس كۇندەرى 1,5-2 ملن جولاۋشىعا قىزمەت كورسەتەدى.

Abai.kz